|
|
 |
| (GMT+08:00)
2004-09-06 16:42:16
|
 |
|
ທ້າວJAYກັບດົນຕີR&Bຂອງລາວ(ພາບ) (ສຽງ)
cri
ທ່ານຜູ່ຟັງ, ເມື່ອໄດ້ຟັງເພງນີ້ແລ້ວ, ທ່ານອາດຈະຮູ້ທຳນອງR&Bຂອງທ້າວ JAY ແລ້ວນໍ. ທີ່ຈິງ, ໃນການແຕ່ງເພງ, ທ້າວ JAY ນອກຈາກຍຶດໝັ້ນເສີມຂະຫຍາຍຈຸດເດັ່ນຂອງຕົນແລ້ວ, ຍັງທົດລອງແຕ່ງເພງທຳນອງໃໝ່ເລື້ອຍໆ. ໃນແຜ່ນCD ທີ່ຊື່ວ່າ: Yehuimei ທ່ີທ້າວ JAY ນຳອອກຈຳໜ່າຍໃນປີ 2003 , ເພງYifuzhiming  ໃນນາມຂອງພໍ່ ກໍແມ່ນເພງທຳນອງອີຕາລີ. ເມື່ອຟັງເພງນີ້ແລ້ວ, ຄືໄດ້ກັບໄປສູ່ເກາະຊີຊີລີໃນຊຸມປີ 30 ສະຕະວັດທີ່ແລ້ວ, ຄືໄດ້ເຫັນພວກເຈົ້າພໍ່ຂອງສັງຄົມມືດ. ຕໍ່ໄປ, ເຊີນຟັງເພງ Yifuzhiming ໃນນາມຂອງພໍ່.
ໃນການແຕ່ງເພງ, ທ້າວ JAY ໄດ້ທົດລອງແຕ່ງທຳນອງທີ່ຕ່າງກັນຫລາຍຢ່າງ, ແຕ່ເວົ້າລວມແລ້ວ, ເອກະລັກຂອງລາວໄດ້ສຸກງອມຂຶ້ນເລື້ອຍໆ, ແລະໄດ້ມີຈຸດພິເສດຂອງຕົນເອງ. ຕໍ່ໄປ, ເຊີນຟັງເພງBulageguangchang ສະໜາມຫລວງປຼາກ ທີ່ຂັບຮ້ອງໂດຍນາງຊ້າຍອີ່ລິນ ນັກຮ້ອງໄຕ້ຫວັນ, ເພງນີ້ກໍແມ່ນເພງດີເດັ່ນຂອງທ້າວ JAY ໃນໄລຍະເປັນນັກແຕ່ງນົດເພງ.
ຈ່ັງໃດ? ມ່ວນບໍ່? ເອກະລັກພິເສດຂອງທ້າວ JAY ໄດ້ສະແດງອອກໃນເພງນີ້ຢ່າງເຕັມສ່ວນ, ອາດເວົ້າໄດ້ວ່າໄດ້ເອົາຈັງຫວະ R&B ແລະ  POP ຂອງຝ່າຍຕາເວັນຕົກປະສານກັບດົນຕີຝ່າຍຕາເວັນອອກຢ່າງງົດງາມທີ່ສຸດ.ທຳນອງນີ້ໄດ້ເຮັດໃຫ້ລາວມີແຟນເພງຫລວງຫລາຍໃນວົງດົນຕີສະໄໝທ່ີຊ່ວງຊິງກັນຢ່າງດຸເດືອນໃນຍຸກປະຈຸບັນ, ໄດ້ສ້າງຖານະລາລາເພງສະໄໝນິຍົມຂອງຕົນ.
ທ່ານຜູ່ຟັງທີ່ເຄົາລົບ, ທ້າວ JAY ນັກຮ້ອງໄຕ້ຫວັນຈີນກັບເພງຂອງລາວຂໍສະເໜີພຽງທໍ່ນີ້ກ່ອນ, ມ້ວນທ້າຍລາຍການມື້ນີ້, ຂໍຈັດເພງDongfengpo ສູ່ຟັງ, ຫວັງວ່າທ່ານຄົງຈະມັກ.
1 2
|
|
|
