|
|
 |
| (GMT+08:00)
2004-09-08 17:33:08
|
 |
|
ງານສິລະປະອາຊີຢູ່ຈີນ(ພາບ)(ສຽງ)
cri
Author: zs
ງານສິລະປະອາຊີກຳເນີດຢູ່ຈີນເມື່ອປີ1998,ນັບມາຮອດປະຈຸບັນ,ໄດ້ຈັດຂຶ້ນ5ຄັ້ງຢ່າງສຳເລັດຜົນ.ຈຸດປະສົງເບື້ອງຕົ້ນທີ່ຈີນຈັດງານສິລະປະອາຊີແມ່ນເພື່ອສະໜອງເວທີແຫ່ງໜຶ່ງໃຫ້ສະແດງ ເບິ່ງຊົມແລະຄົ້ນຄວ້າສິລະປະວັດທະນະທຳອາຊີ.ເທິງເວທີດັ່ງກ່າວ,ຈີນກັບບັນດາປະເທດອາຊີໄດ້ລົງເລິກຄວາມເຂົ້າໃຈກັນແລະເສີມສ້າງມິດຕະພາບເຊິ່ງກັນແລະກັນດ້ວຍການແລກປ່ຽນວັດທະນະທຳທີ່ມີຫຼາຍຮູບການແລະຫຼາຍສີສັນ. "ການເພີ່ມຄວາມເຂົ້າໃຈກັນ ຮັດແໜ້ນມິດຕະພາບ ສ້າງຄວາມຈະເລີນຮຸ່ງເຮືອງໃໝ່ອີກ ພ້ອມກັນພັດທະນາ"ໄດ້ກາຍເປັນວັດຖຸປະສົງຂອງງານສິລະປະອາຊີ.
ສີສັນພິເສດອັນພົ້ນເດັ່ນຂອງງານສິລະປະຄັ້ງນີ້ແມ່ນສິນລະປິນກັບມວນມະຫາຊົນໄດ້ແລກປ່ຽນກັນຢ່າງທຳມະຊາດແລະສະໜິດແໜ້ນ.ສິນລະປິນທີ່ມາຈາກປະເທດຕ່າງໆໄດ້ທ່ຽວສະແດງຢູ່ຕາມປັກກິ່ງ ເມືອງຊາງຊຸ່ນ ເມືອງຊົ່ງຢວນແລະເມືອງຢຽນປ່ຽນຂອງແຂວງຈີລີນເປັນເວລາໜ່ຶງອາທິດ.ໃນເວລາສະແດງຢູ່ເມືອງຊາງຊຸ່ນ,ສິນລະປິນທັງຫຼາຍໄດ້ສະແດງດ້ວຍນ້ຳໃຈດູດດື່ມພາຍໃຕ້ອຸນຫະພູມທີ່ສູງເຖິງ30ກວ່າອົງສາ,ເຮັດໃຫ້ພໍ່ແມ່ປະຊາຊົນໃນເມືອງຊາງຊຸ່ນ ພາກເໜືອຂອງຈີນອີ່ມຫູອີ່ມຕາຢ່າງໃຫຍ່,ຕົບມືຊົມເຊີຍຢ່າງຟົດຟື້ນເປັນຮູດໆ.ນັກສຶກສາຜູ່ໜ່ຶງທີ່ຊົມເບິ່ງການສະແດງຢູ່ຕາມຖະໜົນເວົ້າວ່າ: "ເບິ່ງພວກເພິ່ນສະແດງຢູ່ຕາມທາງຮູ້ສຶກວ່າມີບັນຍາກາດດີຫຼາຍ,ມູນເຊື້ອວັດທະນະທຳຂອງປະເທດຕ່າງໆເຮັດໃຫ້ນ້ອງຕື່ນຕົກໃຈທີ່ສຸດ.ໂດຍສະເພາະແມ່ນເຄື່ອງນຸ່ງງາມຫຼູ້ຫຼາແລະການອອກແບບການຟ້ອນຂອງແຕ່ລະປະເທດ,ນ້ອງຮູ້ສຶກງາມຫຼາຍ.ນ້ອງຢາກໃຫ້ໝົດທຸກຄົນໄດ້ຊົມການສະແດງທີ່ງາມໆແບບນີ້."
1 2 3 4
|
|
|
