|
|
 |
| (GMT+08:00)
2004-09-15 14:20:45
|
 |
|
ພະລາຊະສຸສານລາຊະວົງມີງແລະລາຊະວົງເຊັ່ງ(ພາບ)(ສຽງ)
cri
Author: zs
(ປະຕູໂຂງຂອງເຂດພະລາຊະສຸສານຊີ່ຫຼິງລາຊະວົງເຊັ່ງ)
ໃນລາຊະວົງສັກດິນາຈີນທຸກສະໄໝ,ໃນເມື່ອເຈົ້າຊີວິດຂຶ້ນສະຫວີຍລາດ,ກໍບໍ່ເສຍດາຍຊັບສິນເງິນຄຳແລະແຮງງານຢ່າງຫຼວງຫຼາຍ,ກໍ່ສ້າງສຸສານອັນກວ້າງໃຫຍ່ໃຫ້ພະອົງເອງແລະພະບໍລົມມະວົງສານຸວົງ.ພະລາຊະສຸສານລາຊະວົງມີງແລະລາຊະວົງເຊ່ັງທີ່ເປັນມໍລະດົກວັດທະນະທຳໂລກກໍເປັນຕົວແທນອັນໜຶ່ງ.
ພະລາຊະສຸສານລາຊະວົງມີງແລະລາຊະວົງເຊ່ັງທີ່ເປັນມໍລະດົກໂລກລວມທັງສຸສານສຽນຫຼິງຂອງລາຊະວົງມີງ ສຸສານຕົ່ງຫຼິງແລະສຸສານຊີ່ຫຼິງຂອງລາຊະວົງເຊັ່ງ.
ສຸສານສຽນຫຼິງຂອງລາຊະວົງເຊັ່ງຕັ້ງຢູ່ເມືອງຈົ່ງຊຽງ ແຂວງຫູເປຂອງຈີນ,ສ້າງຂຶ້ນເມື່ອກາງສະຕະວັດທີ16,ແມ່ນສຸສານຂອງເຈົ້າຊີວິດອົງທີ12ໃນສະໄໝລາຊະວົງມີງ.
ສຸສານສຽນຫຼິງກວມເນື້ອທີ່ປະມານ4ກິໂລແມັດມົນທົນ,ໃນເຂດອັນກວ້າງຂວາງແຫ່ງນີ້, ໜ່ວຍພູ ແມ່ນ້ຳລຳເຊແລະປ່າໄມ້ທັງໝົດລ້ວນແຕ່ຖືກຖືເປັນພາກສ່ວນປະກອບຂອງສຸ ສານແລະຖືກຈັດວາງຢ່າງເປັນເອກະພາບກັນ. ພູຈູຊ່ານທີ່ຕັ້ງຢູ່ເບື້ອງຫຼັງເຂດສຸສານແມ່ນ ສິ່ງເພິ່ງພາອາໄສຂອງທົ່ວສຸສານ,ໜ່ວຍພູທີ່ຢູ່ສອງຂ້າງອ້ອມຮັກສາທ່ົວສຸສານ,ຢູ່ພາກກາງໄດ້ປຸກສິ່ງກໍ່ສ້າງຕ່າງໆທັງມີແມ່ນ້ຳເກົ້າຈິວທີ່ຄົດໆລ້ຽວໄຫຼຜ່ານຢູ່ລະຫວ່າງສິ່ງກໍ່ສ້າງເຫຼົ່າ ນີ້,ສ່ວນໜ່ວຍພູທີ່ຢູ່ເບື້ອງໜ້າໃຊ້ເປັນສິ່ງກຳບັງສຸສານ.
ພະລາຊະສຸສານສຽນຫຼິງລາຊະວົງມີງແມ່ນລອກແບບການຈັດວາງຂອງພະລາຊະວັງ,ເຊັ່ນ ພາກໜ້າແມ່ນເຂດທີ່ເຈົ້າຊີວິດຊົງພະລາຊະກິດ,ພາກຫັຼງແມ່ນເຂດທີ່ເຈົ້າຊີວິດຊົງພະລາຊະພຳນັກ.ໃນສຸສານສຽນຫຼິງ,ພາກໜ້າແມ່ນບ່ອນທີ່ຈັດການເຄື່ອນໄຫວເຊັ່ນໄຫວ້ບູຊາຕ່າງໆ,ພາກຫຼັງແມ່ນບ່ອນປະດິດສະຖານໂລງສົບ.
ໃນສຸສານສຽນຫຼິງ,ຈຸດພິເສດແມ່ນແມ່ນ້ຳເກົ້າຈິວ ເຊິ່ງເປັນລະບົບລະບາຍນ້ຳຂອງສຸສານ.ແມ່ນ້ຳສາຍນີ້ໄດ້ລະບາຍນ້ຳທີ່ໄຫຼລົງຈາກພູທີ່ຢູ່ອ້ອມຂ້າງໃຫ້ອອກຈາກເຂດສຸສານ,ຍັງສາ ມາດເຮັດໃຫ້ສິ່ງແວດລ້ອມຢູ່ເຂດສຸສານສະອາດສະອາງ.ເຖິງວ່າພະລາຊະສຸສານທຸກໆແຫ່ງໃນສະໄໝລາຊະວົງມີງລ້ວນແຕ່ເອົາໃຈໃສ່ການລະບາຍນ້ຳທີ່ສຸດກໍຕາມ,ແຕ່ລະບົບລະບາຍນ້ຳຂອງສຸສານສຽນຫຼິງມີຈຸດພິເສດພົ້ນເດ່ັນກວ່າໝູ່ຍ້ອນຄວາມຄົບຖ້ວນແລະຈົບ ງາມຂອງມັນ.
1 2 3
|
|
|
