|
|
 |
| (GMT+08:00)
2004-09-15 14:20:45
|
 |
|
ພະລາຊະສຸສານລາຊະວົງມີງແລະລາຊະວົງເຊັ່ງ(ພາບ)(ສຽງ)
cri
Author: zs
(ສຸສານຂອງພະລາຊະຊົນນີຊີສີ)
ສຸສານຕົ່ງຫຼິງຂອງລາຊະວົງເຊັ່ງແມ່ນພະລາຊະສຸສານແຫ່ງໜຶ່ງຂອງລາຊະວົງເຊັ່ງ ເຊ່ິງເປັນລາຊະວົງສັກດິນາສຸດທ້າຍຂອງຈີນ,ມັນຕັ້ງຢູ່ເມືອງຈຸ່ນຮ້ວາແຂວງເຫີເປ.
ສຸສານຕົ່ງຫຼິງລາຊະວົງເຊັ່ງລົງມືກໍ່ສ້າງແຕ່ປີ1661,ຈົນຕົກມາຮອດການສ້າງສຸສານຕີ້ງຕົ່ງຫຼິງຂອງພະລາຊະຊົນນີຊີສີເມື່ອປີ1908ຈຶ່ງສຳເລັດ,ການກໍ່ສ້າງສຸສານຕົ່ງຫຼິງລາຊະວົງເຊັ່ງໄດ້ໃຊ້ເວລາ247ປີ.ການເລືອກສະຖານທີ່ແລະການວາງແຜນອອກແບບຂອງສຸສານຕົ່ງຫຼິງລາຊະວົງເຊັ່ງໄດ້ເຈາະຈົງສະແດງເຖິງໂລກກະທັດເອົາຟ້າແຖນກັບມະນຸດເປັນເອກະພົບດຽວ,ເອົາຈິດໃຈຂອງມະນຸດເຊື່ອມເຂົ້າໃນທຳມະຊາດ.ໃນດ້ານຂະໜາດແລະຄຸນນະພາບຂອງສິ່ງກໍ່ສ້າງ,ສຸສານແຫ່ງນີ້ພະຍາຍາມສະແຫວງຫາຄວາມສະຫງ່າຜ່າເຜີຍແລະຍອດຢ້ຽມຈົບງາມ,ເພື່ອສ່ອງແສງໃຫ້ເຫັນແນວຄິດພະລາຊະອຳນາດຢູ່ເໜືອທຸກສິ່ງທຸກຢ່າງ.
(ໂລງສົບຂອງພະລາຊະຊົນນີຊີສີ)
ໃນເຂດສຸສານຕົ່ງຫຼິງລາຊະວົງເຊັ່ງລວມມີສຸສານ15ຂຸມ,ເຊິ່ງໄດ້ຝັງສົບຂອງ161ພະອົງ ເຊັ່ນເຈົ້າຊີວິດ ພະອັກຄະມະເຫສີ ພະບຸດຕາແລະພະບຸດຕີ,ໃນນັ້ນ,ມີຫຼາຍພະອົງມີຜົນສະທ້ອນອັນສຳຄັນຕໍ່ປະຫວັດສາດສະໄໝລາຊະວົງເຊັ່ງ ເຊັ່ນພະອັກຄະມະເຫສີສ້ຽວຈ່ວງເວີນ ເປັນນັກການເມືອງເພດຍິງໃນຕົ້ນສະໄໝລາຊະວັງເຊັ່ງ;ຄ່າງຊີ່ຫວງແຕ້ແລະຊຽນຫຼົງຫວງແຕ້ທີ່ສ້າງຊາດໃຫ້ຈະເລີນຮຸ່ງເຮືອງທີ່ສຸດໃນສະໄໝລາຊະວົງເຊັ່ງ;ພະລາຊະຊົນນີຊີສີທີ່ກຳອຳນາດຕາງເຈົ້າຊີວິດຢູ່ຫຼັງພະສູດເປັນເວລາ48ປີໃນທ້າຍສະໄໝລາຊະວົງເຊ່ັງເປັນ ຕົ້ນ.ສຸສານຂອງພະອົງເຫຼົ່ານີ້ມີຂໍ້ມູນປະຫວັດສາດອັນອຸດົມສົມບູນ.
ສຸສານ15ຂຸມໃນເຂດສຸສານຕົ່ງຫຼິງລາຊະວົງເຊ່ັງແມ່ນຈັດວາງຕາມທັດສະນະດັ້ງເດີມ ຂອງຈີນ ຄື ຜູ່ໃຫຍ່ທີ່ຮັບຄວາມໂຄລົບນັບຖືຢູ່ໃຈກາງ ຈັດວາງລຸ້ນກ່ອນລຸ້ນຫຼັງຢ່າງມີລະ ບຽບແລະຜູ່ມີຖານະສູງສົ່ງກັບຜມີຖານະຕຳ່ຕ້ອຍຕ່າງກັນ.
ໃນເຂດສຸສານຕົ່ງຫຼິງລາຊະວົງເຊ່ງ,ສິ່ງກໍ່ສ້າງທີ່ສ້າງກ່ອນໝູ່ຫ່າງຈາກປະຈຸບັນເກືອບ400ປີແລ້ວ,ສິ່ງກໍ່ສ້າງທີ່ສ້າງຂຶ້ນຫຼ້າກວ່າໝູ່ກໍໄດ້ມີປະຫວັດມາເກືອບຮ້ອຍປີ.ສິ່ງກໍ່ສ້າງເຫຼົ່ານີ້ບໍ່ພຽງແຕ່ໄດ້ສ່ອງແສງໃຫ້ເຫັນຕະຫຼອດຂະບວນການປ່ຽນແປງລະບອບກໍ່ສ້າງສຸສານແຕ່ຕົ້ນສະໄໝລາຊະວົງເຊັ່ງຮອດທ້າຍສະໄໝລາຊະວົງເຊັ່ງ,ຍັງໄດ້ບັນທຶກປະຫວັດສາດຂອງລາຊະວົງເຊ່ັງເຊິ່ງແຕ່ໄລຍະຈະເລີນຮຸ່ງເຮືອງຮອດໄລຍະຊຸດໂຊມລົງ.
1 2 3
|
|
|
