|
|
 |
| (GMT+08:00)
2004-09-22 17:54:37
|
 |
|
ງານສິລະປະຈີນຄັ້ງທີ7ມີລາຍການຍອດຢ້ຽມໜ້າຊົມ(ພາບ)(ສຽງ)
cri
Author: zs
ງານສິລະປະຄັ້ງນີ້ຍັງໄດ້ເຊີນຄະນະສິລະປະກອນ10ກວ່າຄະນະທີ່ມາຈາກປະເທດຕ່າງໆ ເຊັ່ນ ເຢຍລະມັນ ຮົງກາລີ ສາທາລະນະລັດເກົາຫຼີແລະຍີ່ປຸ່ນເປັນຕົ້ນພ້ອມດ້ວຍຮົງກົງ ມາກາວແລະເຂດໄຕ້ຫວັນຂອງຈີນມາສະແດງ.ລາຍການທີ່ໜ້າຊົມຂອງພວກເຂົາເຈົ້າໄດ້ຮັບຄວາມຍ້ອງຍໍຢ່າງເປັນເອກະສັນກັນຈາກຜູ່ຊົມທັງຫຼາຍ.
ທີ່ທ່ານພວມຟັງຢູ່ນີ້ແມ່ນອັດສຽງແຫ່ງການສະແດງຂອງວົງດົນຕີປະສານສຽງແບກແລງເຢຍລະມັນ.ວົງດົນຕີປະສານສຽງແບກແລງເຢຍລະມັນແມ່ນວົງດົນຕີປະສານສຽງທີ່ຊົງອິດທິພົນຢູ່ເອີລົບ,ເທື່ອນີ້,ວົງດົນຕີດັ່ງກ່າວມາເຂົ້າຮ່ວມງານສິລະປະຈີນໃຕ້ການນຳຂອງທ່ານອິນບານ ເອລີອາຮູ ວາທະຍາກອນທີ່ມີຊື່ສຽງດົ່ງດັ່ງ.ວົງດົນຕີດັ່ງກ່າວປະຈຳຢູ່ຫໍດົນຕີແບກແລງ ເຊິ່ງເປັນຫໍສິລະປະທີ່ມີຊື່ສຽງດົ່ງດັງຂອງເຢຍລະມັນຕະຫຼອດປີ,ແລະສະແດງງານດົນຕີເກືອບຮ້ອຍຄັ້ງໃນຕະຫຼອດປີ.ທ່ານອິນບານ ເອລີອາຮູຮູ້ສຶກກະຕຸ້ນໃຈທີ່ສຸດຍ້ອນມີໂອກາດມາເຂົ້າຮ່ວມການສະແດງຂອງງານສິລະປະຈີນ, ທ່ານເວົ້າວ່າ: "ຂ້າພະເຈົ້າເຫັນວ່າ,ເວົ້າສຳລັບຂ້າພະເຈົ້າແລະວົງດົນຕີພວກເຮົາແລ້ວ,ເທື່ອນີ້ມາເຂົ້າຮ່ວມການສະແດງຢູ່ຈີນ,ເປັນການທ່ອງທ່ຽວທີ່ໄດ້ຄົ້ນພົບຫຼາຍຢ່າງຫຼາຍແນວ.ເຖິງວ່າເວລາສັ້ນກໍຕາມ,ແຕ່ເວົ້າ ສຳລັບຂ້າພະເຈົ້າແລະວົງດົນຕີພວກເຮົາແລ້ວ,ນີ້ແມ່ນໂອກາດຮັບຮູ້ຈີນ,ແລະໂອກາດທີ່ຮຽນຮູ້.ພວກຂ້າພະເຈົ້າຫວັງຍາດເອົາໂອກາດນີ້ຢ່າງເຕັມທີ່,ເມື່ອຮັບຮູ້ປະເທດຈີນແລະປະ ຊາຊົນຈີນ.ສະນັ້ນ,ການຢ້ຽມຢາມເທື່ອນີ້ມີຄວາມໝາຍເປັນປະຫວັດການ.ເຖິງວ່າໃນຊຸມປີ 80ສະຕະວັດແລ້ວນີ້,ວົງດົນຕີແບກແລງແລະວົງດົນຕີທີ່ມີຊື່ສຽງດົ່ງດັງຈຳນວນໜຶ່ງຂອງເອີລົບໄດ້ມາສະແດງຢູ່ຈີນແລ້ວ,ແຕ່ວ່າ,ອີງຕາມການສັງເກດເບ່ິງແລະຄວາມຮັບຮູ້ຂອງຂ້າພະເຈົ້າ,ການແລກປ່ຽນວັດທະນະທຳລະຫວ່າງພວກເຮົາກັບຈີນຫາກໍ່ເລີ່ມຕົ້ນທໍ່ນັ້ນ."
1 2
|
|
|
