|
ວັນທີ18ພຶດສະພາປີ2001,ອົງການຢູເນັສໂກສະຫະປະຊາຊາດໄດ້ປະກາດບັນຊີລາຍຊື່ "ບົດປະພັນຕົວແທນມໍລະດົກທາງປາກເວົ້າແລະບໍ່ແມ່ນວັດຖຸຂອງມະນຸດ"ງວດທຳອິດຢູ່ທີ່ປາຣີ,ລວມມີ19ລາຍການຖືກຈັດເຂົ້າໃນບັນຊີລາຍຊື່ດັ່ງກ່າວ,ໃນນັ້ນມີສິລະປະງິ້ວຄຸ່ນ ຊູຍຂອງຈີນ.
ງິ້ວຄຸ່ນຊູຍກຳເນີດຢູ່ເມືອງຄຸ່ນຊ່ານແຂວງຈ່ຽງຊູ່ ພາກໃຕ້ຂອງຈີນ,ນັບມາຮອດປະຈຸບັນໄດ້ມີປະຫວັດມາ600ກວ່າປີ.ແຕ່ເດີມງິ້ວຄຸ່ນຊູຍມີແຕ່ນິຍົມກັນຮ້ອງຢູ່ແຖບຄຸ່ນຊ່ານທໍ່ນັ້ນ,ພາຍຫຼັງມາຄ່ອຍໆເຜີຍແຜ່ໄປສູ່ແຫ່ງຕ່າງໆທົ່ວປະເທດຈີນ.
ຄຸນຄ່າວັດທະນະທຳຂອງງິ້ວຄຸ່ນຊູຍຕົ້ນຕໍສະແດງໃຫ້ເຫັນໃນສາມດ້ານເຊັ່ນ ບົດງິ້ວ ດົນຕີແລະການສະແດງ.
ບົດງິ້ວຂອງງິ້ວ ຄຸ່ນຊູຍໃຊ້ອົງປະກອບງິ້ວຂອງຈີນທີ່ໄດ້ຈໍ່ຕົວຂຶ້ນໃນສະຕະວັດທີ10,ທຳມະດາແລ້ວ,ງິ້ວແຕ່ລະເລື່ອງແບ່ງເປັນ24ພາກ,ແຕ່ລະພາກໄດ້ບັນລະຍາຍເລື່ອງໜຶ່ງທີ່ທັງ ຂຶ້ນກັບໝົດເລື່ອງທັງເປັນອິດສະລະ,ສະນັ້ນ,ແຕ່ລະພາກສາມາດສະແດງຢ່າງເປັນອິດ ສະລະໄດ້.ໃນດ້ານພາສາວັນນະຄະດີ,ງິ້ວຄຸ່ນຊູຍມັກໃຊ້ປະໂຫຍກຍາວກັບປະໂຫຍກສັ້ນ ປະສານສົມທົບກັນ,ມັກໃຊ້ສັບສຸພາບຈົບງາມ,ທຳນອງຮ້ອງອ່ອນຫວານແລະມ່ວນຊື່ນ,ອອກສຽງແຈ່ມແຈ້ງທີ່ສຸດ.ຕາມສະຖິຕິທີ່ບໍ່ຄົບຖ້ວນ,ດົນຕີທີ່ໃຊ້ໃນງິ້ວຄຸ່ນຊູຍມີປະມານພັນກວ່າຊະນິດ.ໃນນັ້ນບໍ່ພຽງແຕ່ມີດົນຕີການຟ້ອນໃນສະໄໝບູຮານທໍ່ນັ້ນ,ຫາກຍັງມີເພງພື້ນເມືອງແລະດົນຕີຊົນເຜ່ົາສ່ວນໜ້ອຍຈຳນວນຫຼວງຫຼາຍອີກດ້ວຍ.ງິ້ວຄຸ່ນຊູຍຕົ້ນຕໍເສບດ້ວຍຂຸ່ຍ,ແລະເອົາມະໂຫລີດັ້ງເດີມອື່ນໆຂອງຈີນ ເຊັ່ນແຄນ ປີ່ແລະພິນຜີຜາເປັນຕົ້ນເປັນ ເຄື່ອງເສບສຳຮອງ.
ການສະແດງຂອງງິ້ວຄຸ່ນຊູຍມີລະບົບແລະທຳນອງພິເສດ.ຈຸດພິເສດໃຫຍ່ກວ່າໝູ່ຂອງ ມັນແມ່ນຊ່າງໃຊ້ກິລິຍາອັນລະອຽດມາສະແດງອາລົມຈິດໃຈ.ໃນເວລາສະແດງ,ທັງຟ້ອນ ທັງຮ້ອງ,ການຮ້ອງ ແລະການຟ້ອນປະສານກັນຢ່າງຈົບງາມ.ຮູບການສະແດງຂອງງິ້ວ ຄຸ່ນຊູຍແມ່ນເຮັດໃຫ້ການຮ້ອງ ອ່ານແລະຟ້ອນປະສານກັນ.ເມື່ອທຽບກັບງິ້ວອ່ືນໆຂອງຈີນແລ້ວ,ງິ້ວຄຸ່ນຊູຍມີຄວາມຮຽກຮ້ອງຢ່າງເຄ່ັງຄັດກວ່າໝູ່ໃນດ້ານນີ້.ນັກສະແດງງິ້ວຄຸ່ນ ຊູຍທີ່ດີເລີດຜູ່ໜຶ່ງຕ້ອງຊ່າງຮ້ອງ ຊ່າງຟ້ອນແລະຊ່າງອ່ານ,ຈຶ່ງສາມາດສ້າງຕົວສະແດງທີ່ຈົບງາມເທິງເວທີສະແດງ.ນັກສະແດງຂອງງິ້ວອື່ນໆທີ່ຢາກຍົກສີມືການສະແດງແລະຄຸນນະທາດສິລະປະຂອງຕົນໃຫ້ສູງຂຶ້ນ,ມັກໄປຮຽນງິ້ວຄຸ່ນຊູຍຢ່າງເປັນເຈົ້າການ.ທ່ານເມລັນຟ່າງ ມະຫາອາຈານສິລະປະການສະແດງງິ້ວປັກກິ່ງທີ່ລືຊາຜາກົດໃນທົ່ວໂລກກໍເຄີຍຕັ້ງໜ້າຝຶກແອບງິ້ວຄຸ່ນຊູຍເປັນເວລາຍາວນານ.ໃນງິ້ວປັກກິ່ງຫຼາຍເລື່ອງທີ່ທ່ານສະແດງນັ້ນ, ຜູ່ຊົມສາມາດພົບເຫັນວິທີການສະແດງຂອງງິ້ວຄຸ່ນຊູຍ.
1 2
|
