|
|
 |
| (GMT+08:00)
2004-09-22 19:09:49
|
 |
|
ງິ້ວຄຸ່ນຊູຍ(ພາບ)(ສຽງ)
cri
Author: zs
ເມື່ອສັງເກດຈາກປະຫວັດສາດຂອງງິ້ວຄຸ່ນຊູຍເຫັນວ່າ,ໃນ400ປີຕົ້ນສະຕະຫວັດທີ18, ແມ່ນໄລຍະຄຳທີ່ງິ້ວຄຸ່ນຊູຍຄ່ອຍໆສຸກງອມແລະນັບມື້ນັບຈະເລີນຮຸ່ງເຮືອງຂຶ້ນ.ໃນໄລຍະນີ້,ງິ້ວຄຸ່ນຊູຍແມ່ນວິທີລື້ນເລີງຕົ້ນຕໍຂອງເຈົ້າຂຸນມຸນນາຍພະບໍລົມມະວົງສານຸວົງແລະ ເລື່ອງນິຍົມຊົມຊອບຂອງບຸກຄົນຊັ້ນສູງໃນສັງຄົມໂດຍຕະຫຼອດ,ຍ້ອນວ່າງິ້ວຄຸ່ນຊູຍນີ້ມີ ຄວາມສູງສົ່ງ ຈົບງາມແລະມີຄວາມໝາຍເລິກເຊິ່ງຂອງມັນ.ແຕ່ພ້ອມກັນນັ້ນ,ກໍແມ່ນຍ້ອນ ການເຈາະຈົງສະແຫວງຫາແຕ່ບັນຍາກາດການສະແດງອັນຈົບງາມຫຼູ້ຫຼາແບບນີ້,ຈຶ່ງເຮັດ ໃຫ້ງິ້ວຄຸ່ນຊູຍນັບມື້ນັບຫຼຸດພົ້ນອອກຈາກຊີວິດສັງຄົມອັນແທ້ຈິງແລ້ວ,ຕົກຢູ່ໃນສະພາບ ຫຍຸ້ງຍາກ.
ທ້າຍສະຕະວັດທີ18,ງິ້ວທ້ອງຖິ່ນເລີ່ມຮຸ່ງເຮືອງຂຶ້ນຢູ່ແຫ່ງຕ່າງໆຂອງຈີນ.ງິ້ວທ້ອງຖ່ິນຖືການສະແດງເນື້ອໃນກ່ຽວກັບສັງຄົມເປັນຫຼັກ,ໄດ້ຮັບຄວາມນິຍົມຊົມຊອບຈາກຊັ້ນສາມັນຊົນ.ການກຳເນີດຂອງງິ້ວທ້ອງຖິ່ນໄດ້ທັບມ້າງອົງປະກອບການສະແດງທີ່ໄດ້ຈໍ່ຕົວຂຶ້ນເປັນເວລາດົນນານແລ້ວ,ບວກກັບສັງຄົມສັກດິນາຂອງຈີນໄດ້ໄປສູ່ໄລຍະພັງທະລາຍ,ງິ້ວຄຸ່ນຊູຍຂາດຄວາມສະໜັບສະໜູນຈາກເຈົ້າຂຸນມຸນນາຍພະບໍລົມມະວົງສານຸວົງແລະຊັ້ນສູງຂອງສັງຄົມ,ເລີ່ມຊຸດໂຊມລົງ.ຮອດກາງສະຕະວັດທີ19,ຄຽງຄູ່ກັບຊີວິດການເປັນຢູ່ຂອງສັງຄົມມີການປ່ຽນແປງຢ່າງໃຫຍ່ຫຼວງ,ງິ້ວຄຸ່ນຊູຍຈຶ່ງຊຸດໂຊມລົງຕ່ືມອີກ,ນັກສະແດງງິ້ວຄຸ່ນຊູຍຢ່າງຫຼວງຫຼາຍປ່ຽນອາຊີບໄປສະແດງງິ້ວປັກກິ່ງຫຼືງິິ້ວອື່ນ.ແຕ່ກໍຍ້ອນທຳນອງຮ້ອງແລະການສະແດງງິ້ວຄຸ່ນຊູຍບໍ່ໄດ້ມີການປ່ຽນແປງຕາມຍຸກສະໄໝ,ພວກເຮົາຈ່ຶງສາມາດຊົມເບິ່ງວັດທະນະທຳງິ້ວອັນເກົ່າແກ່ຂອງຈີນຈາກງິ້ວຄຸ່ນຊູຍໃນຊູ່ມື້ນີ້.
ໃນຖານເປັນສິລະປະສັງລວມທີ່ກຳເນີດແຕ່ດົນແລ້ວ,ແລະເຄີຍນຳພາເວທີການສະແດງ ງິ້ວຂອງຈີນເປັນຫຼາຍຮ້ອຍປີ,ງິ້ວຄຸ່ນຊູຍໄດ້ເກີດມີຜົນສະທ້ອນອັນເລິກເຊິ່ງຕໍ່ງິ້ວທ້ອງຖິ່ນ ຫຼາຍສິບຊະນິດຂອງຈີນ,ເຊັ່ນງິ້ວຊ່ານຊີ່ ງິ້ວຫູນານ ງິ້ວເຊສວນ ງິ້ວຫູເປ ງິ້ວກວາງຊີແລະງິ້ວກວາງຕຸ້ງເປັນຕົ້ນ.ສະນັ້ນ,ງິ້ວຄຸ່ນຊູຍຖືກເອີ້ນເປັນບັນພະບູລຸດຂອງງິ້ວຮ້ອຍທ້ອງຖິ່ນແລະມະຫາອາຈານຂອງງິ້ວທ້ອງຖິ່ນ.ປະຈຸບັນນີ້,ຈີນໄດ້ລົງທຶນກ້ອນໃຫຍ່ອຸປະຖຳຄ້ຳຊູການອະນຸລັກສືບທອດແລະພັດທະນາຂອງງິ້ວຄຸ່ນຊູຍ.ມາດຕະການລວມມີການສ້າງຕັ້ງແຫ່ຼງແຕ່ງງິ້ວຄຸ່ນຊູຍສອງແຫ່ງໃນທົ່ວປະເທດຈີນ,ຮຽບຮຽງບົດລະຄອນດັ້ງເດີມຂອງງິ້ວ ຄຸ່ນຊູຍແລະສ້າງໂຮງຮຽນອົບຮົມຜູ່ມີຄວາມຮູ້ຄວາມສາມາດດ້ານງິ້ວຄຸ່ນຊູຍເປັນຕົ້ນ.
1 2
|
|
|
