|
ປີນີ້ແມ່ນປີສະຖາປະນາສາທາລະນະລັດປະຊາຊົນຈີນຄົບຮອບ 55 ປີ.ໃນ 55 ປີມານີ້, ຈີນໄດ້ຊອກຫາເສັ້ນທາງພັດທະນາທ່ີສອດຄ່ອງກັບສະພາບແຫ່ງຊາດຂອງຕົນຕະຫລອດມາ, ໃນຕະຫລອດວິວັດທະນາການນີ້,ຈີນໄດ້ຮັບຜົນງານທ່ີປະຈັກຕາຊາວໂລກ,ທັງປະສົບຄວາມລະອິດລະອ້ຽວຈຳນວນຫນຶ່ງ.
ວັນທີ 1 ຕຸລາປີ 1949 ພິທີສະຖາປະນາສາທາລະນະລັດປະຊາຊົນຈີນໄດ້ຈັດຂຶ້ນຢູ່ປັກກິ່ງ,ຜູ່ນຳຮຸ້ນທຳອິດຂອງຈີນຄືທ່ານມາວເຈີຕົງ ຜູ່ນຳສະຖາປະນາສ.ປ.ຈີນເປັນຕົ້ນໄດ້ນຳພາປະຊາຊົນຈີນເລີ່ມເປີດຂະບວນການສ້າງສາປະເທດສັງຄົມນິຍົມ.
ການສ້າງສາປະເທດຈີນໃຫມ່ ທຳອິດແມ່ນລຳບາກຫຍຸ້ງຍາກທ່ີສຸດ.ຍ້ອນຈັກກະພັດນິຍົມຮຸກຮານແລະປຸ້ນສະດົມຈີນໃນເວລາຍາວນານ, ບັນດາຂຸນເສິກໄດ້ເລວເສິກຫລາຍປີແລະການປົກຄອງອັນຊຸດໂຊມເປື່ອຍເຍື່ອຍຂອງພັກກົກມິນຕັງ,ດັ່ງນັ້ນ ພື້ນຖານອຸດສາຫະກຳໃນທົ່ວປະເທດອ່ອນແອທ່ີສຸດ, ຜົນຜະລິດກະສິກຳຫນ້ອຍທ່ີສຸດ,ວັດຖຸສິ່ງຂອງຊະນິດຕ່າງໆຂາດເຂີນຫລາຍ.
ໃນດ້ານສະພາບແວດລ້ອມສາກົນ, ກຸ່ມຝ່າຍຕາເວັນອອກກັບກຸ່ມຝ່າຍຕາເວັນຕົກທ່ີເປັນປໍລະປັກກັນໄດ້ຈໍ່ຕົວຂຶ້ນໃນຕົ້ນຊຸມປີ 50, ປະເທດຝ່າຍຕາເວັນຕົກທ່ີມີອາເມລິກາເປັນຫົວໂປ່ໄດ້ປະຕິບັດນະໂຍບາຍອັດຕັນແລະສະກັດກັ້ນປະເທດຈີນໃຫມ່ທ່ີເປັນປະເທດສັງຄົມນິຍົມ, ຈີນຈຳເປັນໄປມາຫາສູ່ກັນກັບປະເທດສັງຄົມນິຍົມທ່ີມີສະຫະພາບໂຊວຽດເປັນຫົວຫນ້າ,ແລະກໍ່ມີແຕ່ສະຫະພາບໂຊວຽດທໍ່ນັ້ນທ່ີຊ່ອຍເຫລືອຈີນໄດ້. ເມື່ອຮອດທ້າຍຊຸມປີ 50 ຄຽງຄູ່ກັບການພົວພັນລະຫວ່າງຈີນສະຫະພາບໂຊວຽດຊຸດຮ້າຍລົງ, ສະຫະພາບໂຊວຽດກໍ່ໄດ້ເຊົາໃຫ້ການຊ່ອຍເຫລືອຈີນ.ຫລັງຈາກນັ້ນ 20 ປີ, ຈີນອາໃສກຳລັງຂອງຕົນສ້າງສາປະເທດຕົນ,ແລະປົກປັກຮັກສາຄວາມປອດໄພຂອງຕົນເກືອບຢູ່ໃຕ້ສະພາບປິດປະຕູຕໍ່ພາຍນອກ,.
ໃນໄລຍະຕົ້ນທ່ີຫາກໍ່ສະຖາປະນາປະເທດ,ຍ້ອນວ່າຈີນຖືການສ້າງສາປະເທດທ່ີມີລັກສະນະສັງຄົມນິຍົມເປັນເປົ້າຫມາຍ, ໃນຄາວນັ້ນ ຈີນແມ່ນລອກແບບລະບອບສັງຄົມແລະເບົ້າແບບເສດຖະກິດຂອງສະຫະພາບໂຊວຽດເກືອບຫມົດແລະໄດ້ປະຕິບັດມາຢ່າງຫນ້ອຍ 20 ປີ.ແຕ່ພາຍຫລັງມາ, ຂໍ້ຂາດຕົກຜົກຜ່ອງຂອງເບົ້າແບບນີ້ຂອງສະຫະພາບໂຊວຽດກໍ່ນັບມື້ນັບພົ້ນເດັ່ນອອກຄື: ສິດຄຸ້ມຄອງເສດຖະກິດແລະວຽກງານລາຍຕ່າງໆໂຮມສູນຢູ່ນຳສູນກາງແລະອົງການປົກຄອງທຸກຂັ້ນຫລາຍເກີນໄປ, ບົດບາດດັດສົມຂອງ ຕະຫລາດແລະສັງຄົມຢ່າງທຳມະຊາດນັ້ນເກືອບຖືກປະຕິເສດຫມົດ,ກົນໄກຫມນູເດີນຕາຍຕົວ, ບໍ່ມີຊີວິດຊີວາ.ບໍ່ຫນຳໃນສະພາບແວດລ້ອມສາກົນກໍ່ມີປັດໄຈທ່ີບໍ່ມີຜົນດີຫລວງຫລາຍ, ຜູ່ນຳຈີນໄດ້ມີຄວາມຜິດພາດໃນດ້ານນະໂຍບາຍແລະມູນເຫດຕ່າງໆ,ສະນັ້ນ ເລີ່ມແຕ່ທ້າຍຊຸມປີ 50, ເສດຖະກິດແຫ່ງຊາດຈີນໄດ້ຕົກຢູ່ໃນສະພາບສົນລະວົນໃນຊົ່ວໄລຍະຫນຶ່ງ.
ເຖິງເປັນແນວນີ້ກໍ່ຕາມ,ຊຸມປີ 60-70, ຈີນກໍ່ຍັງຄົງໄດ້ຮັບຜົນງານກໍ່ສ້າງບໍ່ຫນ້ອຍ.ຕົວເມືອງໃຫມ່ງວດຫນຶ່ງໄດ້ສ້າງສາຂຶ້ນ, ອາຍຸສະເລ່ຍຕາມຫົວຄົນສູງຂຶ້ນ.ຈີນຍັງໄດ້ຄົ້ນຄວ້າຜະລິດລູກລະເບີດປະລະມານູແລະລູກສອນໄຟນຳວິຖີຢ່າງສຳເລັດຜົນ, ໄດ້ຍິງສ່ົງດາວທຽມຂຶ້ນສູ່ອະວະກາດ.ພ້ອມກັນນັ້ນ ຖານະຂອງຈີນໃນສາກົນກໍ່ສູງຂຶ້ນຢ່າງຫລວງຫລາຍ.ເມື່ອມາຮອດທ້າຍຊຸມປີ 70, ຈີນໄດ້ສ້າງການພົວພັນທາງການທູດກັບທຸກປະເທດໃຫຍ່ໃນໂລກ, ສະ ພາບແວດລ້ອມຊົງຕົວຂອງຈີນໃນສາກົນກໍ່ໄດ້ດີຂຶ້ນຢ່າງຫລວງຫລາຍ.
1 2
|
