|
ປີ 1976 ທ່ານມາວເຈີຕົງ ຜູ່ນຳສູງສຸດຂອງຈີນໄດ້ລ່ວງລັບໄປ.ຈາກນັ້ນບໍ່ດົນ, ທ່ານເຕິ້ງສຽວຜິງກໍ່ໄດ້ກາຍເປັນແກນກາງການນຳຜູ່ໃຫມ່ຂອງຈີນ.ທ່ານເຕິ້ງສຽວຜິງໄດ້ກຶກກອງພິຈາລະນາຢ່າງເລິກເຊິ່ງຕໍ່ສະພາບການ ພັດທະນາຂອງຈີນໃນ 30 ປີຜ່ານມາແລ້ວເຫັນວ່າ, ຄັນຈີນຢາກພັດທະນາອ່າວໄວກໍ່ຕ້ອງນຳໃຊ້ເບົ້າແບບພັດທະນາໃຫມ່, ຈະເຮັດຕາມເບົ້າແບບພັດທະນາຂອງສະຫະພາບໂຊວຽດບໍ່ໄດ້ອີກແລ້ວ.ບົນພື້ນຖານແນວຄິດດັ່ງກ່າວ, ທ່ານຕົກລົງວ່າ,ໃນດ້ານນະໂຍບາຍຕໍ່ພາຍໃນ,ຕ້ອງປະຕິຮູບການກະທຳແຕ່ກ່ອນ;ໃນດ້ານນະໂຍບາຍຕໍ່ຕ່າງປະເທດ, ຕ້ອງເປັນເຈົ້າການປະຕິບັດການໄຂປະຕູສູ່ພາຍນອກ.
ການປະຕິຮູບນະໂຍບາຍພາຍໃນຂອງທ່ານເຕິ້ງສຽວຜິງຕົ້ນຕໍມີຢູ່ສອງດ້ານດ່ັງລຸ່ມນີ້ ຄື ຫນຶ່ງ:ທ່ານເຫັນວ່າ, ຕ້ອງເຮັດໃຫ້ສະພາບເປີດຂະບວນການເມືອງຢູ່ຈີນຢ່າງບໍ່ຂາດສາຍໃນຫລາຍສິບປີຜ່ານມານັ້ນສິ້ນສຸດລົງ,ເພາະມັນລົບກວນການກໍ່ສ້າງເສດຖະກິດບໍ່ເປັນປົກກະຕິ.ຕ້ອງຖືການກໍ່ສ້າງເສດຖະ ກິດເປັນໃຈກາງວຽກງານຂອງພັກກຳອຳນາດແລະວຽກງານທົ່ວທັງຊາດຢ່າງສະເຫມີຕົ້ນສະປາຍ;ສອງ,ທ່ານເຫັນວ່າ, ຕ້ອງປ່ຽນແປງວິທີຄຸ້ມຄອງວຽກງານເສດຖະກິດຂອງລັດເປັນກ້າວໆ, ດຳເນີນການປະຕິຮູບທ່ີກ່ຽວຂ້ອງກັນເພື່ອເສີມຂະຫຍາຍບົດບາດຂອງເສດຖະກິດຕະຫລາດ.
ໃນດ້ານການພົວພັນກັບຕ່າງປະເທດ, ທ່ານເຕິ້ງສຽວຜິງສະເຫນີອອກມາວ່າ,ຕ້ອງເປີດກວ້າງການໄຂປະຕູສູ່ພາຍນອກຂອງຈີນໃນລວງກວ້າງແລະລວງເລິກດ້ວຍທ່າທີຕັ້ງຫນ້າແລະເປັນເຈົ້າການ;ຕ້ອງມີເນື້ອໃນກ່ຽວກັບເສດ ຖະກິດໃນເວລາໄປມາຫາສູ່ກັບພາຍນອກ;ຕ້ອງຖອດຖອນບົດຮຽນທັງຫມົດທ່ີມີຜົນດີຕໍ່ການພັດທະນາເສດຖະກິດຂອງຈີນ,ໂດຍສະເພາະແມ່ນບົດຮຽນກ້າວຫນ້າຂອງປະເທດທຶນນິຍົມທ່ີຈະເລີນໃນດ້ານຄຸ້ມຄອງເສດຖະກິດ,ພ້ອມກັນນັ້ນກໍ່ຕັ້ງຫນ້ານຳເຂົ້າເທັກນິກກ້າວຫນ້າແລະທຶນຮອນຂອງເຂົາເຈົ້າ.
ແຕ່ທ້າຍປີ 1978 ມາຮອດປະຈຸບັນນີ້້ ການປະຕິຮູບແລະໄຂປະຕູສູ່ພາຍນອກຂອງຈີນໄດ້ດຳເນີນມາ 26 ປີແລ້ວ, ການປະຕິຮູບອັນເລິກເຊິ່ງບັ້ນນີ້ໄດ້ຊຸກຍູ້ເສດຖະກິດແລະດ້ານຕ່າງໆຂອງຈີນພັດທະນາຢ່າງຫລວງຫລາຍ.ໃນ 26 ປີມານີ້ ເສດຖະກິດຈີນໄດ້ມີການເຕີບໂຕຢ່າງວ່ອງໄວຕະຫລອດມາ, ອັດຕາເຕີບໂຕສະເລ່ຍເປັນທີຫນຶ່ງຂອງໂລກ.ຈີນໄດ້ອຳລາປະຫວັດຂາດເຂີນສິນຄ້າໃນຊີວິດການເປັນຢູ່ຂອງປະຊາຊົນມາຫລາຍປີນັ້ນແລ້ວເຂົ້າສູ່ໄລຍະທ່ີມີວັດຖຸອຸດົມສົມບູນໂດຍທຽບຖານ.
ໂດຍອີງຕາມໂຄງຄວາມຄິດປະເທດຫນຶ່ງສອງລະບອບທ່ີສະເຫນີໂດຍທ່ານເຕິ້ງສຽວຜິງ ຮົງກົງແລະມາກາວໄດ້ກັບຄືນສູ່ປະເທດຊາດຕາມໆກັນໃນປີ 1997 ແລະປີ 1999,ແລະໄດ້ຮັກສາຄວາມຈະເລີນຮຸ່ງເຮືອງແລະສະຖຽນລະພາບ.ໃນຂະນະດຽວກັນນີ້ ກຳລັງສັງລວມແຫ່ງຊາດຂອງຈີນໄດ້ຮັບການເພີ່ມທະວີຂຶ້ນເລື້ອຍໆ,ທົ່ວທັງສັງຄົມຈີນມີສະຖຽນລະພາບ.
ເບົ້າແບບພັດທະນາທ່ີຈີນນຳໃຊ້ໃນ 20 ປີມານີ້ມີຈຸດພິເສດຫລາຍຂໍ້ມີດັ່ງລຸ່ມນີ້ ຫນຶ່ງ,ໃນບັນຫາກົກຮາກທ່ີສຸດທ່ີຕົກລົງຊີ້ຂາດສັງຄົມຄື ຮູບການລະບອບກຳມະສິດນັ້ນ, ໄດ້ຍຶດຫມັ້ນຖືເສດຖະກິດລະບອບກຳມະສິດສ່ວນລວມເປັນອັດຕະພາບໃນເສດຖະກິດແຫ່ງຊາດ, ແລະສ່ົງເສີມພັດທະນາເສດຖະກິດລະບອບກຳມະສິດພາກສ່ວນອື່ນໆ, ເຮັດໃຫ້ພວກມັນກາຍເປັນພາກສ່ວນປະກອບອັນສຳຄັນໃນເສດຖະກິດແຫ່ງຊາດ;ສອງ,ສັງຄົມນິຍົມກັບເສດຖະກິດຕະຫລາດໄດ້ຕິດພັນກັນຢ່າງບັງເກີດຜົນ, ປະຕິບັດຮູບການຫມູນເດີນຂອງເສດຖະກິດທ່ີສັບຊ້ອນດ້ວຍຕະຫລາດເປັນຕົ້ນຕໍທັງມີການດັດສົມໂດຍລັດຖະບານເປັນສຳຮອງ.
ປີ 2003 ຜູ່ນຳຈີນໄດ້ສຳເລັດການປ່ຽນຮຸ້ນຢ່າງສະດວກ.ຜູ່ນຳຈີນຮຸ່ນໃຫມ່ທ່ີມີທ່ານຫູຈີນທາວເປັນຫົວຫນ້າໄດ້ເພີ່ມທະວີການເສີມສ້າງຄວາມສາ ມາດກຳອຳນາດຂອງພັກກອມມູນິດຈີນ, ກ່າວເນັ້ນວ່າຕ້ອງຖືຄົນເປັນຫລັກ,ເພີ່ມທະວີການພົວພັນລະຫວ່າງລັດຖະບານກັບມວນຊົນ, ເຮັດໃຫ້ມວນຊົນມີສິດແລະຮັບຜົນປະໂຫຍດຍິ່ງຫລາຍ.
55ປີ, ເວົ້າສຳລັບປະຫວັດສາດອັນຍາວນານຂອງປະຊາຊາດຈີນ 55 ປີເປັນໄລຍະອັນສັ້ນສັ້ນ, ແຕ່ເວົ້າສຳລັບປະເທດຈີນໃຫມ່ແລ້ວພັດແມ່ນວິວັດ ທະນາການບໍ່ທຳມະດາ.ຊູ່ມື້ນີ້ ໃນເວລາຫວນຄືນປະຫວັດສາດ, ປະຊາຊົນຈີນຍິ່ງມີຄວາມຫມັ້ນໃຈອັນເຕັມປ່ຽມຕໍ່ອະນາຄົດ.
1 2
|
