|
|
 |
| (GMT+08:00)
2004-09-29 15:15:53
|
 |
|
ຄວາມເປັນມາຂອງບຸນໄຫວ້ພະຈັນຂອງຈີນ(ພາບ)(ສຽງ)
cri
Author: zs
ໃນປະຫວັດສາດ,ເມື່ອຮອດບຸນໄຫວ້ພະຈັນປີໃດ,ເຈົ້າຊີວິດກໍຍ່ອມຈະສະເດັດໄປໄຫວ້ພະ ຈັນຢູ່ທີ່ແທ່ນບວງສວງຢົ້ວທານ.ຮີດຄອງດັ່ງກ່າວມີມາແຕ່ສະໄໝລາດຊະວົງຊິນ ລາດຊະວົງຮ້ານເມື່ອ2000ກວ່າປີກ່ອນ,ແລະສືບຕໍ່ກັນມາຈົນຮອດລາດຊະວົງມິງແລະລາດຊະວົງເຊັ່ງ.ຕາມພື້ນເມືອງກໍມີພິທີໄຫວ້ພະຈັນແບບງ່າຍໆ.ສືບຕໍ່ກັນມາຮອດດຽວນີ້,ຄົນທັງຫຼາຍກໍຈົ່ງແຕ່ມູນເຊື້ອຊົມພະຈັນເທົ່ານັ້ນ.ໃນຍາມລາຕີບຸນໄຫວ້ພະຈັນ,ມັກເປັນຄືນເດືອນຫງາຍ.ໃນຄຳ່ຄືນມື້ນັ້ນ,ຄົນໝົດຄອບຄົວນັ່ງຕີເປັນວົງ,ກິນເຂົ້າໜົມເປ້ຍໄປນຳ,ຊົມເດືອນໄປນຳ,ມ່ວນຊື່ນນຳຄອບຄົວທີ່ໄດ້ເຕົ້າໂຮມກັນ.ຄົນທັງຫຼາຍຖືວົງເດືອນເຕັມດວງແລະເຂົ້າໜົມເປ້ຍເປັນສັນຍະລັກແຫ່ງຄວາມເຕົ້າໂຮມກັນ,ສະນັ້ນ,ບຸນໄຫວ້ພະຈັນກໍເອີ້ນເປັນບຸນເຕົ້າໂຮມກັນ.
 
ບຸນໄຫວ້ພະຈັນຍັງແມ່ນຍາມທີ່ນັກກະວີແລະນັກຂຽນທັງຫຼາຍມັກຂຽນບົດຂຽນກອນ.ທ່ານຊູ່ຊື້ ນັກວັນນະຄະດີໃນສະໄໝລາດຊະວົງຊົ້ງ,ຍ້ອນຄຶດຮອດນ້ອງຊາຍເພິ່ນຫຼາຍໃນຍາມບຸນໄຫວ້ພະຈັນ,ເລີຍໄດ້ແຕ່ງກອນບົດໜ່ຶງ,ໃນນັ້ນມີຄຳທີ່ວ່າ "ຂໍໃຫ້ທຸກຄົນຈົ່ງອາຍຸຍືນໝັ້ນ,ຂໍໃຫ້ສາຍຕາເຮົາຈົ່ງພົບກັນໃນວົງຈັນທາ."
ທີ່ຈິງແລ້ວ,ບໍ່ພຽງແຕ່ຢູ່ຈີນທໍ່ນັ້ນ,ຢູ່ແຫ່ງຕ່າງໆໃນໂລກ,ເຊັ່ນຢູ່ໄທ ຍີ່ປຸ່ນ ສປປເກົາຫຼີຈົນຮອດຕານຊານີແລະອາຟະລິກາກໍມີບຸນພະຈັນທີ່ມີຮູບການຕ່າງກັນ,ເຖິງວ່າເວລາບໍ່ຄືກັນ, ຊື່ກໍຕ່າງກັນ,ແຕ່ຮີດຄອງຊົມພະຈັນ ເຕົ້າໂຮມກັນນັ້ນແມ່ນຄ້າຍຄືກັນ.ທັງນັ້ນອາດຈະແມ່ນຍ້ອນວ່າຄົນທັງຫຼາຍໃຜກໍຝັກໄຝ່ຫາຊີວິດອັນດີງາມ,ຫວັງໃຫ້ມີຄວາມຮັກແພງແທ້ຈິງຕະ ຫຼອດໄປ,ມີຄວາມສຸກສັນຊົ່ວກາລະນານ.
1 2 3
|
|
|
