|
ມັງກອນມີຖານະພິເສດໃນປະຫວັດສາດແລະວັດທະນະທຳອັນເກົ່າແກ່ຂອງຈີນ.ຫຼາຍພັນປີມານີ້,ໃນດວງໃຈຄົນຈີນ,ມັງກອນແມ່ນສັນຍະລັກຂອງຊາດຈີນ.ສະນັ້ນ,ຄົນຈີນມັກເອີ້ນຕົນເອງເປັນຜູ່ສືບທອດຂອງມັງກອນ.ຢູ່ປັກກິ່ງ,ມີຈິດຕະກອນທ່ານໜຶ່ງ,ສະແຫວງຫາຈິດໃຈຂອງມັງກອນຕະຫຼອດຊີວິດ,ອຸທິດກຳລັງເຜີຍແຜ່ຈິດໃຈຂອງມັງກອນຕະຫຼອດຊີວິດ.ສໍ ແຕ້ມຮູບຂອງເພິ່ນບໍ່ພຽງແຕ່ໄດ້ແຕ້ມຮູບຊົງຂອງມັງກອນທໍ່ນັ້ນ,ຮູບແຕ້ມຂອງເພິ່ນຫາກຍັງໄດ້ສ່ອງແສງຈິດໃຈແລະວັດທະນະທຳຂອງມັງກອນ.
ຫ້ອງແຕ້ມຮູບຂອງທ່ານຫຼົງຊຽນຊືແມ່ນເຮືອນຊັ້ນດຽວຫຼັງໜຶ່ງຢູ່ທາງຮ່ອມເສັ້ນໜຶ່ງທີ່ຖະ ໜົນຫຼັງຫໍວິຈິດຕະກຳປັກກິ່ງ,ປະດັບປະດາຢ່າງມັດທະຍັດກະທັດຮັດ.ຫ້ອງແຕ້ມຮູບຫ້ອງນີ້ກວ້າງ16ຕາຕະລາງແມັດ,ຢູ່ເທິງໂຕະມີສໍຟອຍແລະສີແຕ້ມຮູບຢາຍຊະຢູ່,ແລະມີຮູບແຕ້ມມັງກອນເຕັມຫ້ອງທີ່ຄັບແຄບ.
ທ່ານຫຼົງຊຽນຊືກຳເນີດຢູ່ແຂວງກຸ້ຍໂຈ່ວ ພາກຕາເວັນຕົກຂອງຈີນ.ນາມສະກຸນຂອງທ່ານ ແມ່ນຫຼົງ ແປວ່າມັງກອນ,ແລະທ່ານກໍເກີດໃນປີມະໂລງ,ທ່ານແຕ້ມຮູບມັງກອນ,ຄວັດຮູບ ມັງກອນ,ຂຽນໂຕໜັງສືເປັນຮູບມັງກອນ,ທ່ານເອງກໍຖືວ່າຕົນມີຊີວິດເລືອດເນື້ອເຊື່ອມຕໍ່ກັບມັງກອນ.
"ບັນພະບຸລຸດຂອງຂ້າພະເຈົ້າແມ່ນເຜົ່າມົ້ງ,ເຜົ່າມົ້ງບູຊາມັງກອນ.ໃນສາຍຕາຂອງຊາວເຜ່ົາ ມົ້ງແລ້ວ,ມັງກອນສາມາດນຳເອົາລົມຟ້າອາກາດດີແລະໂຊກໄຊມາໃຫ້ພວກເຮົາ.ສະນັ້ນ,ແຕ່ຍາມນ້ອຍຂ້າພະເຈົ້າກໍຮູບບຸນຄຸນແລະນັບຖືມັງກອນ.ບ້ານຂ້າພະເຈົ້າກ່ອນແມ່ນຢູ່ຖ້ຳເກົ້າມັງກອນ,ສະນັ້ນອາດເວົ້າໄດ້ວ່າ,ໃນຊີວິດຂອງຂ້າພະເຈົ້າມີມັງກອນຢູ່ເກືອບທຸກແຫ່ງຫົນ."
ມັງກອນເຮັດໃຫ້ທ່ານຫຼົງຊຽນຊືເກີດມີຄວາມບັນດານໃຈ,ກໍເຮັດໃຫ້ຜູ່ມັກຮັກການແຕ້ມຮູບແຕ່ຍາມນ້ອຍຜູ່ນີ້ມັກຮັກມັງກອນເປັນພິເສດ.ບໍ່ວ່າໃນເວລາແຕ້ມຢູ່ເທິງດິນຊາຍຍ້ອນບໍ່ມີສໍຟອຍແລະເຈ້ຍໃນຍາມຍັງນ້ອຍ,ຫຼືຄວັດໃສ່ຫີນ,ຮູບທຸກແຜ່ນກໍມີການພົວພັນກັບມັງກອນ.
ໃນເວລາອາຍຸ17ປີ,ທ່ານຫຼົງຊຽນຊືສະໝັກໄປເປັນທະຫານ,ແລະອອກຈາກເຂດພູດອຍມາຮອດນະຄອນຫຼວງປັກກິ່ງ.
"ປີ1971,ຂ້າພະເຈົ້າມາເປັນທະຫານຢູ່ປັກກິ່ງ,ຂ້າພະເຈົ້າສັງເກດເຫັນວ່າ,ມັງກອນໄດ້ຝັງຢູ່ໃນດວງໃຈຂອງຄົນຈີນຢ່າງເລິກເຊິ່ງມາເປັນຫຼາຍພັນປີ.ຢູ່ທົ່ວທຸກແຫ່ງຫົນ,ເຊັ່ນພະລາ ຊະວັງກູ້ກົ່ງ ຝາເກົ້າມັງກອນເປັນຕົ້ນລ້ວນແຕ່ມີຮູບມັງກອນ,ຢູ່ປັກກິ່ງ,ຊື່ທາງຮ່ອມແລະຊື່ສະຖານທີ່ທີ່ກ່ຽວພັນເຖິງມັງກອນນັ້ນກໍມີຫຼາຍຮ້ອຍແຫ່ງ,ທັງໝົດເຫຼົ່ານີ້ໄດ້ມີບົດບາດໃຫຍ່ທີ່ສຸດຕໍ່ການຄົ້ນຄວ້າວັດທະນະທຳມັງກອນຂອງຂ້າພະເຈົ້າໃນພາຍຫຼັງມາ.ໃນທັນໃດ,ຂ້າພະເຈົ້າເຫັນວ່າ,ບໍ່ຄວນແຕ້ມແຕ່ຮູບມັງກອນທໍ່ນັ້ນ,ຫາກຍັງຄວນຊອກຫາກົກເຄົ້າຂອງມັງ ກອນ,ແລະຄົ້ນຄວ້າວັດທະນະທຳຂອງມັງກອນອີກດ້ວຍ.
ພາຍຫຼັງອອກຈາກທະຫານແລ້ວ,ທ່ານຫຼົງຊຽນຊືກໍໄດ້ປະຈຳຢູ່ປັກກິ່ງ.ທ່ານໄດ້ເລີ່ມເຮັດວຽກທີ່ມີສ່ວນກ່ຽວຂ້ອງກັບມັງກອນຢ່າງເປັນທາງການ,ເພິ່ນແຕ້ມຮູບມັງກອນ,ຄວັດຮູບ ມັງກອນ,ແລະຄົ້ນຄວ້າເລື່ອງກ່ຽວກັບມັງກອນຢ່າງຕັ້ງອົກຕັ້ງໃຈ.
1 2
|
