|
|
 |
| (GMT+08:00)
2004-09-29 15:15:36
|
 |
|
ທ່ານຫຼົງຊຽນຊື ຈິດຕະກອນເອກທີ່ແຕ້ມຮູບມັງກອນຂອງຈີນ(ສຽງ)
cri
Author: zs
ຊຸມປີ70,80ສະຕະວັດແລ້ວນີ້,ໃນສັງຄົມຈີນ,ການເຊື່ອຖືຂອງບາງຄົນໂດຍສະເພາະແມ່ນຊາວໜຸ່ມຈຳນວນໜຶ່ງເກີດບັນຫາ.ທ່ານໄດ້ເຫັນຊາວຈີນຕ່າງດ້າວເປັນຈຳນວນຫຼວງຫຼາຍບໍ່ວ່າໄດ້ດຳລົງຊີວິດຢູ່ຕ່າງປະເທດເທົ່າໃດປີກໍກັບຄືນປະເທດຊາດມາສະແຫວງຫາກົກເຄົ້າຂອງຕົນ,ແລະຖືຕົນເປັນລູກຫຼານມັງກອນໂດຍຕະຫຼອດຢ່າງບໍ່ຫວັ່ນໄຫວຄອນແຄນຈັກດີ້,ແຕ່ຢູ່ຈີນມີບາງຄົນຊ້ຳພັດບໍ່ເຊື່ອຖືຊາດຕົນ,ທ່ານຫຼົງຊຽນຊືຮູ້ສຶກເສຍດາຍທີ່ສຸດ.ຄຽງຄູ່ກັບການຄົ້ນຄວ້າມັງກອນຄ່ອຍໆລົງສູ່ລວງເລິກ,ທ່ານນັບມື້ນັບຮູ້ສຶກວ່າ,ເຜີຍແຜ່ວັດທະນະທຳມັງກອນແມ່ນພັນທະແລະໜ້າທີ່ຂອງຕົນ.
ໃນ30ປີມານີ້,ທ່ານໄດ້ຄົ້ນຄວ້າວັດທະນະທຳມັງກອນຢ່າງສຸມຈິດສຸມໃຈແລ້ວໄດ້ຂຽນ《ການແປປ່ຽນຂອງມັງກອນປະຊາຊາດຈີນ》,ໃນບົດນີ້,ທ່ານສະເໜີອອກວ່າຄວນຖືມັງ ກອນ ເຊ່ິງເປັນສັນຍະລັກຈິດໃຈແຫ່ງວິວັດທະນາການຂອງປະຊາຊາດຈີນໃນ5ພັນປີມານີ້ເຊື່ອມເຂົ້າໃນດວງວິນຍານຂອງປະຊາຊາດຈີນຄືນໃໝ່.
ທ່ານຫຼົງຊຽນຊືເວົ້າວ່າ: "ໂຕມັງກອນໄດ້ຮັບເອົາຫົວກະທິຂອງວັດທະນະທຳບັນດາຊົນເຜ່ົາຈີນຈຶ່ງແປປ່ຽນເປັນຮູບຊົງໃນປະຈຸບັນນີ້,ໃນດວງໃຈຂອງປະຊາຊາດຈີນ,ມັງກອນແມ່ນສາຍພົວພັນແຫ່ງຄວາມສາມັກຄີ,ຊາດໃດກໍຄວນມີຄວາມເຊື່ອຖືຂອງຕົນ,ມັງກອນຢູ່ຈີນມີປະຫວັດ8000ປີແລ້ວ,ມັນສ່ອງແສງໃຫ້ເຫັນກຳລັງໜ່ຽງປັ້ນຂອງຊົນຊາດ,ດັ່ງນັ້ນມັນບໍ່ມີມື້ຫຼ້າສະໄໝຈົນເທ່ົ່າໃດໆ."
ວັນທີ5ເມສາປີ2002,ຮູບແຕ້ມ《ມັງກອນຈີນທີ່ບິນຂຶ້ນສູ່ທ້ອງຟ້າ》ທີ່ແຕ້ມໂດຍທ່ານຫຼົງ ຊຽນຊືໄດ້ເອົາໄວ້ຢູ່ໃນຍານອະວະກາດເຊິນໂຈ່ວເລກ3ບິນຂຶ້ນໄປທ່ຽວອະວະກາດຢ່າງສຳເລັດຜົນ.ແຕ່ໃດມາ,ມັງກອນທີ່ຢູ່ທ້ອງຟ້າເປັນນິທານທີ່ປັ້ນແຕ່ງຂຶ້ນ,ແຕ່ໃນມື້ນັ້ນ,ນິທານປັ້ນແຕ່ງຂຶ້ນນັ້ນໄດ້ກາຍເປັນເລື່ອງຈິງແລ້ວ.
ປີນີ້ແມ່ນປີສ້າງຕັ້ງສາທາລະນະລັດປະຊາຊົນຈີນຄົບຮອບ55ປີ,ເມື່ອເວົ້າເຖິງການພັດທະນາແລະການປ່ຽນແປງຂອງຈີນແລ້ວ,ທ່ານຫຼົງຊຽນຊືຮູ້ສຶກກະຕຸ້ນໃຈທີ່ສຸດ: "ປະເທດຊາດແລະສັງຄົມພວກເຮົາໄດ້ມີຄວາມກ້າວໜ້າ,ຂ້າພະເຈົ້າຮູ້ສຶກທະນົງໃຈທີ່ສຸດ. ຂ້າພະເຈົ້າຄິດວ່າ,ປະເທດຊາດນັບມື້ນັບເຂັ້ມແຂງຂຶ້ນ,ຈະມີຄົນຫຼາຍກວ່ານີ້ອີກມາຊອກຮູ້ວັດທະນະທຳມັງກອນຂອງຈີນ,ມາຊອກຮູ້ປະເທດຈີນໃນສູ່ມື້ນີ້."
1 2
|
|
|
