|
|
 |
| (GMT+08:00)
2004-10-02 18:31:30
|
 |
|
ປະມວນເພງສັນລະເສີນປະເທດຊາດ----ລາຍການພິເສດສະຫລອງວັນສະຖາປະນາປະເທດຈີນໃໝ່ຄົບຮອບ55ປີ (ສຽງ)
cri
Author: MO
ສະບາຍດີທ່ານຜູ່ຟັງທີ່ເຄົາລົບ, ວັນທີ 1 ຕຸລາແມ່ນວັນຊາດຈີນ, ນັບມາຮອດປີນີ້, ສາທາລະນະລັດປະຊາຊົນຈີນໄດ້ເດີນຜ່ານໄລຍະທາງ 55 ປີແລ້ວ. ໂດຍສະເພາະແມ່ນໃນ 10 ປີມໍ່ໆມານີ້, ຄຽງຄູ່ກັບການປະຕິຮູບໄຂປະຕູສູ່ພາຍນອກຂອງຈີນລົງສູ່ລວງເລິກ, ເສດຖະກິດຈີນໄດ້ພັດທະນາຢ່າງວ່ອງໄວ, ສັງຄົມກ້າວໜ້າໃໝ່ສູ່ມື້, ກຳລັງສັງລວມຂອງຊາດນັບມື້ນັບເຂັ້ມແຂງຂຶ້ນ, ຊີວິດການເປັນຢູ່ຂອງປະຊາຊົນກໍຍົກລະດັບສູງຂຶ້ນສູ່ປີ. ໃນລາຍການຢ່ອນອາລົມໃນວັນເສົາມື້ນີ້, ແສງແກ້ວໄດ້ຄັດເລືອກເອົາເພງຫລາຍເພງທີ່ປະຊາຊົນຈີນມັກຟັງແລະສ່ອງແສງນຳ້ໃຈຂອງປະຊາຊົນຈີນມາສູ່ທ່ານຟັງ, ຈາກສຽງເພງເຫຼ່ົານີ້, ທ່ານຈະຮູ້ສຶກເຖິງຄວາມຮັກຫອມ ຄວາມອວຍພອນແລະຄວາມສັນລະເສີນປະເທດຊາດຂອງປະຊາຊົນຈີນ, ພວກເຮົາພາກັນມາແບ່ງປັນຄວາມປິຕິຊົມຊື່ນຂອງປະຊາຊົນຈີນທີ່ຕ້ອນຮັບວັນສະຖາປະນາປະເທດຈີນໃໝ່ຄົບຮອບ 55 ປີ.
ກ່ອນອ່ືນ, ເຊີນຟັງເພງWuxinghongqi ທຸງແດງ 5 ດາວ, ຂັບຮ້ອງໂດຍນາງລິວຢວນຢວນ.
ຢູ່ສະໜາມຫລວງທຽງອານເມີນປັກກິ່ງ ນະຄອນຫລວງຂອງຈີນ, ມື້ໃດກໍຕ້ອງຈັດພິທີຊັກທຸງຂຶ້ນເສົາຢ່າງເຄ່ັງຂຶມ, ໄດ້ດູດດຶງນັກທ່ອງທ່ຽວຈາກແຫ່ງຕ່າງໆຂອງຈີນ. ພາຍໃຕ້ການຈ້ອງມອງຂອງຄົນທັງຫລາຍ, ທຸງແດງ 5 ດາວໄດ້ຄ່ອຍໆຊັກຂຶ້ນສູ່ປາຍເສົາ ພ້ອມກັນກັບດວງຕາເວັນ ຍາມເຊົ້າທີ່ຄ່ອຍໆໂພ່ຂຶ້ນທຸກມື້. ເພງທຸງແດງ 5 ດາວໄດ້ລະບາຍຄວາມເຄົາລົບນັບຖືທຸງຊາດຂອງປະຊາຊົນຈີນ. ເພງນີ້ມີເນື້ອຮ້ອງວ່າ: ເຈົ້າເລື່ອນຂຶ້ນພ້ອມກັນກັບດວງຕາເວັນ, ເຍືອງຮຸ່ງທຸກດິນດອນຕອນຫຍ້າຂອງປະເທດຈີນແດງເຮື່ອເຮືອງ. ເຈົ້າກັບສາທາລະນະລັດຮ່ວມາຍເລືອດດຽວກັນ, ພ້ອມກັນເດີນຜ່ານໄລຍະທາງເຄິ່ງສະຕະວັດ. ເຈົ້າໂພ່ຂຶ້ນພ້ອມກັນກັບດວງຕາເວັນ, ບັນທຶກໄຊຊະນະທຸກຄັ້ງຂອງຈີນ. ເຈົ້າເກາະແຂນກັບສາທາລະນະລັດບຸກໜ້າບືນຕົວ, ພ້ອມກັນກ້າວໄປສູ່ສະຕະວັດໃໝ່. ໂອ້ ທຸງແດງ 5 ດາວ, ເຈົ້າເຮັດໃຫ້ດວງໃຈປະຊາຊາດຈີນເຊື່ອມສະໜິດຕິດພັນກັນ, ເຈົ້າເຮັດໃຫ້ຊາວຈີນທ່ົວໂລກພາກພູມໃຈ.
1 2
|
|
|
