|
ປະມວນເພງສັນລະເສີນປະເທດຊາດ----ລາຍການພິເສດສະຫລອງວັນສະຖາປະນາປະເທດຈີນໃໝ່ຄົບຮອບ55ປີ (ສຽງ)
cri
Author: MO
ຕໍ່ໄປເຊີນຟັງເພງZuguowansui ປະເທດຊາດໝັ້ນຍື່ນ, ຂັບຮ້ອງໂດຍທ່ານຕ້າຍຢູ້ສຽງ ນັກຮ້ອງສຽງສູງທີ່ມີຊື່ສຽງຂອງຈີນ. ເພງນີ້ແຕ່ງເມື່ອເດືອນກໍລະກົດປີ 2001. ນັກແຕ່ງເນື້ອເພງສະເໜີວ່າ, ຍ້ອນຈີນຮ້ອງຂໍເປັນເຈົ້າພາບຈັດງານກິລາໂອລິມປິກປີ 2008 ໄດ້ຮັບຜົນສຳເລັດ, ຈຶ່ງເຮັດໃຫ້ທ່ານມີຄວາມກະຕືລືລົ້ນຢາກແຕ່ງເພງນີ້. ເພງນີ້ໄດ້ສັນລະເສີນປະເທດຊາດແລະລະບາຍຄວາມຮັກຫອມປະເທດຊາດຂອງລູກຫລາຍປະຊາຊາດຈີນ.
ເນື້ອເພງມີຄວາມໝາຍວ່າ: ໃນຊາດນີ້, ຍ້ອນມີເຈົ້າ ຈຶ່ງມີກຽດ, ຈະລຳບາກຍາກເຂັນຊ່ຳໃດກໍຫົວຍິ້ມຫົວສູ້ທົນໄດ້. ໃນຊາດນີ້, ໄປນຳເຈົ້າ ບໍ່ກິນແໜງແຄງໃຈ, ເຖິງທາງຈະໄກ, ເຫື່ອໄຫຼໄຄຍ້ອຍ, ກໍຍິນຍອມ. ໃຈຂອງຂ້າຍິນຍອມທົນທຸກທົນຍາກເພື່ອເຈົ້າ, ຊີວິດຂອງຂ້າຍິນຍອມແຂ່ງຟ້າຝົນລົມແດງນຳເຈົ້າ. ຄວາມຮັກຂອງຂ້າມີແຕ່ເພື່ອເຈົ້າທໍ່ນັ້ນ, ຂວັນຂອງຂ້າເອື່ອຍອີງເຈົ້າຢ່າງໃກ້ຊິດ, ນອກຈາກເຈົ້າແລ້ວ, ຂ້າຈະໄປຮັກໃຜ? ຂໍຍົກຈອກດື່ມ ອວຍພອນມາຕຸພູມໝັ້ນຍື່ນ.
ທ່ານຜູ່ຟັງທີ່ເຄົາລົບ, ທີ່ທ່ານພວມຟັງຢູ່ນີ້ແມ່ນເພງWomenshihuanghetaishan ທີ່ຂັບຮ້ອງໂດຍນາງເພິງລີ້ຢວນ ນັກຮ້ອງຈີນທີ່ມີຊື່ສຽງ. ເພງນີ້ໄດ້ສະແດງຄວາມຮັກຫອມປະເທດຊາດຢ່າງຈິງໃຈແລະຝັກໃຝ່ອະນາຄົດອັນດີງາມຂອງລູກຫລານປະຊາຊາດຈີນ. ເນື້ອເພງມີຢູ່ວ່າ: ຂ້າຍ່າງລຽບຝ່ັງແມ່ນ້ຳເຫຼືອງ, ປະຫວັດສາດຂອງບັນພະບຸລຸດເໝື່ອນດ່ັງແມ່ນ້ຳເຫຼືອງທີ່ໄຫຼຜ່ານມາຫລາຍພັນປີ. ຂ້າປີນຂຶ້ນຍອດພູທາຍຊານ, ຫລຽວເຫັນຊາດຈີນທີ່ຍິ່ງໃຫຍ່ຕັ້ງສະຫງ່າດັ່ງພູທາຍຊານ. ພວກເຮົາສືບທອດອະດີດ, ບຸກເບີກອະນາຄົດ, ມຸ່ງໜ້າກ້າວເດີນໄປສູ່ວັນໃໝ່. ພວກເຮົາແມ່ນແມ່ນ້ຳເຫຼືອງ, ພວກເຮົາແມ່ນພູທາຍຊານ.
ສຸດທ້າຍ, ເຊີນຟັງເພງZhongguohaoyun ປະເທດຈີນໂຊກດີ, ເພງນີ້ໄດ້ສະແດງຄວາມສໍລະເສີນແລະອວຍພອນຢ່າງຈິງໃຈຕໍ່ປະເທດຊາດ. ຂັບຮ້ອງໂດຍນາງອີ່ນຊີ້ວເມີຍ.
ປີ 2001, ແມ່ນປີທຳອິດຂອງສະຕະວັດໃໝ່, ແລະກໍແມ່ນປີໜຶ່ງທີ່ຊາວຈີນປິຕິຊົມຊື່ນທີ່ສຸດ. ເລື່ອງໂຊກເລື່ອງໄຊຄືຈີນຮ້ອງຂໍເປັນເຈົ້າພາບຈັດງານກິລາໂອລິມປິກປີ 2008 ຢ່າງສຳເລັດຜົນ, ແລະເຂົ້າຮ່ວມອົງການການຄ້າໂລກເປັນຕົ້ນ, ໄດ້ເຮັດໃຫ້ທ່ົວໂລກສຸມສາຍຕາມາໃສ່ຈີນເທື່ອແລ້ວເທື່ອອີກ. ເພງປະເທດຈີນໂຊກດີ ກໍກຳເນີດຂຶ້ນໃນທ່າມກາງບັນຍາກາດອັນມ່ວນຊື່ນດັ່ງກ່າວ. ເພງນີ້ມີເນື້ອຮ້ອງວ່າ, ຈິດໃຈທຸກດວງມີປີກບິນ, ຄວາມຮັກທັງໝົດກາຍເປັນກຳລັງ, ຄວາມຝັນທັງມວນກາຍເປັນຄວາມຈິງ, ດວງດາວທຸກດວງເຫຼື້ອມຍິບຍັບ. ຊີວິດຂອງປະຊາຊົນດີຂຶ້ນສູ່ມື້, ທຸກຄົນໃຈຈິງເມດຕາ, ທ່ົວແຜ່ນດິນຈີນມ່ວນຊື່ນຟົດຟື້ນ, ມັງກອນຕາເວັນອອກບິນພຸ່ງຂຶ້ນຟ້າ. ຈີນໂຊກດີ, ຊີວິດສຸກສັນ. ໃນປະຫວັດ 5 ພັນປີ, ພວກເຮົາໄດ້ພົບເວລາທີ່ດີທີ່ສຸດ.
ທ່ານຜູ່ຟັງທີ່ໂຄລົບ, ຄຽງຄູ່ກັບເພງຈີນໂຊກດີມໍ່ຈະຈົບລົງ, ລາຍການຢ່ອນອາລົມໃນວັນເສົາພາກນີ້ກໍຈະອຳລາຈາກທ່ານແລ້ວ. ແສງແກ້ວຂອບໃຈທ່ານທີ່ຮັບຟັງ, ຂໍອວຍພອນໃຫ້ເພື່ອນຜູ່ຟັງທຸກທ່ານຈ່ົງໂຊກດີສຸກກາຍສະບາຍໃຈ.
1 2
|
|
