|
|
 |
| (GMT+08:00)
2004-10-13 19:53:01
|
 |
|
ທ່ານວາງເຈ ນັກຮ້ອງໄຕ້ຫວັນກັບແຜ່ນCDແຜ່ນທີ 50 ຂອງທ່ານຄື"ບໍ່ໂດດດ່ຽວ"
cri
ຫວ່າງມໍ່ໆນີ້, ທ່ານວາງເຈ ນັກຮ້ອງໄຕ້ຫວັນທີ່ຂຶ້ນສູ່ເວທີດົນຕີ 17 ປີແລ້ວນັ້ນໄດ້ນຳອອກຈຳໜ່າຍແຜ່ນCDແຜ່ນທີ 50 ຂອງທ່ານທີ່ໃຫ້ຊື່ວ່າ: ບໍ່ໂດດດ່ຽວ. ມື້ນີ້, ແສງແກ້ວຈະແນະນຳແຜ່ນCDແຜ່ນນີ້ສູ່ທ່ານຟັງ.
ເງົາເປັນເພື່ອນຂອງຂ້ອຍ, ແຕ່ບໍ່ປາກບໍ່ເວົ້າ, ຈອກເຫຼົ້າໃນມືຊີ້ນຳຂ້ອຍຕ້ອງໄປທາງໃດ, ປ່ອຍໃຫ້ບາດແຜຖືກລົມພັດ. ທີ່ທ່ານພວມຟັງຢູ່ນີ້ແມ່ນເພງZhenkong  ຫວ່າງເປົ່າ, ຂັບຮ້ອງໂດຍທ່ານວາງເຈ.
ແຕ່ທ່ານວາງເຈອັດຈຳໜ່າຍCDແຜ່ນທຳອິດທ່ີ່ຊື່ວ່າ "Yichangyouxiyichangmeng" ແປວ່າ ຫຼີ້ນເກມຮອບໜຶ່ງທໍ່ກັບຝັນເທື່ອໜຶ່ງ ໃນປີ 1987 ເປັນຕົ້ນມາ, ນິດໄສຂອງທ່ານວາງເຈທີ່ບໍ່ມັກຖືກຜູກມັດ, ຄວາມຮູ້ສຶກທີ່ຮັກເຈົ້າໃນໃຈແຕ່ເວົ້າອອກປາກຍາກແລະສາຍຕາອັນເສົ້າໝອງ, ໄດ້ປະກອບເປັນຮູບໂສມ"ຜູ່ພະເນຈອນ"ໃນໃຈຂອງແຟນເພງທັງຫລາຍ. ໃນ 17 ປີມານີ້, ທ່ານວາງເຈໄດ້ປະສົບກັບຄວາມຫຼົ້ມເຫຼວດ້ານຄອບຄົວ, ບາງທີວຽກງານກໍບໍ່ສະດວກ, ໃນເວລາແຂ່ງລົດເທື່ອໜຶ່ງ, ກໍຖືກບາດເຈັບ. ແຕ່ສິ່ງເຫຼົ່ານີ້ບໍ່ໄດ້ປ່ຽນແປງຮູບໂສມຜູ່ພະເນຈອນຂອງທ່ານວາງເຈ, ກົງກັນຂ້າມ, ຍິ່ງໄດ້ເພີ່ມຄວາມຮູ້ສຶກທ່ານເປັນຜູ່ພັດເຊ ພະເນຈອນໃນໃຈຂອງຄົນທັງຫລາຍ. ຕໍ່ໄປເຊີນຟັງເພງLangzi2004nian ແປວ່າ ຄົນພັດເຊພະເນຈອນໃນປີ2004.
ຢູ່ຕໍ່ໜ້າລູກສາວ, ທ່ານວາງເຈແມ່ນພໍ່ຜູ່ອ່ອນໂຍນ. ພາຍຫລັງຢ່າກັນກັບເມຍແລ້ວ, ທ່ານວາງເຈໄດ້ຢູ່ກັບລູກສາວຕະຫລອດມາ, ເບິ່ງແຍງລູກສາວຈົນເຕີບໃຫຍ່ຮູ້ຄວາມ. ຕໍ່ເລື່ອງໃນອະດີດທີ່ຄ່ອຍຈາງຫາຍໄປ, ທ່ານວາງເຈມີຄວາມຮູ້ສຶກຫລາຍຢ່າງ, ແຕ່ທ່ານບໍ່ມັກປາກມັກເວົ້າຫຍັງ, ພຽງແຕ່ສະແດງຄວາມຄຶດໃນໃຈຂອງຜູ່ເປັນພໍ່ທີ່ມີຕໍ່ລູກສາວໃນຫລາຍປີມານີ້ດ້ວຍສຽງເພງ"Aiwuyan" ຮັກທີ່ໄຮ້ວາຈາ. ໃນດົນຕີເສບຕົ້ນ, ບາງບ່ອນມີສຽງແຊວຂອງເດັກນ້ອຍທີ່ພວມຢອກໄຍກັນ, ປະສານກັບຄວາມເວົ້າອັນອ່ອນໂຍນຂອງທ່ານວາງເຈ, ເຮັດໃຫ້ແຟນເພງທັງຫລາຍໄດ້ສັງເກດເຫັນອີກດ້ານໜຶ່ງຂອງທ່ານທີ່ບໍ່ມີໃຜຮູ້.
1 2
|
|
|
