|
ທ່ານວາງເຈ ນັກຮ້ອງໄຕ້ຫວັນກັບແຜ່ນCDແຜ່ນທີ 50 ຂອງທ່ານຄື"ບໍ່ໂດດດ່ຽວ"
cri
ທີ່ທ່ານຈະໄດ້ຟັງໃນອັນດັບຕໍ່ໄປແມ່ນດົນຕີເສບດ້ວຍເປຍໂນທີ່ໃຫ້ຊື່ວ່າ Jimo ຫງ່ວມເຫງົາ ເຊິ່ງເປັນເພງເສບເປຍໂນເພງດຽວໃນCDແຜ່ນໃໝ່, ເຊິ່ງເສບໂດຍທ່ານວາງເຈເອງ. ໃນດົນຕີນີ້, ທ່ານຈະໄດ້ຍິນສຽງຕ່າງໆຄື ສຽງບາດຍ່າງ, ສຽງໝາເຫົ່າ, ສຽງຝົນຕົກແລະອື່ນໆ. ທ່ານວາງເຈແນະນຳວ່າ, ເຮືອນຂອງທ່ານຢູ່ແຄມທະເລ, 4 ດ້ານແມ່ນປ່າຊ້າ, ມິດງຽບທີ່ສຸດ. ສະນັ້ນ, ຕົນເອງມັກໄປຍ່າງຫຼີ້ນຢູ່ບໍລິເວນນັ້ນໃນຍາມຄ່ຳ, ສຳນຶກຄວາມປະ ໂລມໃຈຍ້ອນຄວາມສະຫງົບ. ມີມື້ໜຶ່ງ, ໃນເວລາໄປຍ່າງຫຼີ້ນ, ທ່ານໄດ້ຍິນສຽງໝາປ່າເຫົ່າ, ຮູ້ສຶກເສົ້າໝອງຫລາຍ, ສະນັ້ນ, ທ່ານຈຶ່ງອັດສຽງເອົາໄວ້ໃນທັນທີ, ແລະແຕ່ງນົດດົນຕີເປຍໂນໃສ່. ພ້ອມກັນນັ້ນ, ເພື່ອສົມທົບກັບດົນຕີ, ທ່ານຍັງໄດ້ອັດເອົາສຽງບາດຍ່າງ ສຽງຝົນຕົກ ປະສານເຂົ້າໃນດົນຕີນີ້. ເຊີນຟັງໄດ້ເລີຍ.
ທີ່ຟັງມານັ້ນແມ່ນດົນຕີເສບເປຍໂນທີ່ຊື່ວ່າ Jimo ຫງ່ວມເຫງົາ.
ສຸດທ້າຍ, ພວກເຮົາມາຟັງເພງເອກໃນCDແຜ່ນນີ້ທີ່ຊື່ວ່າ: Bugudan ບໍ່ໂດດດ່ຽວ.ເພງນີ້, ທີ່ຈິງບໍ່ກ່ຽວພັນກັບຄວາມຮັກ, ມີແຕ່ວາດພາບຊາວໜຸ່ມ ທີ່ປະສົບຄວາມຫຼົ້ມເຫຼວໃນສັງຄົມແລ້ວ, ຍັງອວດອົ່ງທະນົງຕົວຢູ່ຄືເກ່ົາ. ທ່ານວາງເຈເວົ້າວ່າ, ທີ່ຈິງແລ້ວ, ທີ່ເວົ້າມານັ້ນກໍແມ່ນລາວເອງ. ເນື້ອເພງຮ້ອງວ່າ: ໃຫ້ເປັນຄົນສຸກງອມແດ່, ເຮັດວາດຊົງເຂົ້າກັບໝູ່ເພື່ອນ, ຂ້ອຍກໍເຄີຍລອງບໍ່ເວົ້າ ບໍ່ຟັງ ບໍ່ເບິ່ງ, ຄວາມເວົ້າຂອງຂ້ອຍແມ່ນເລື່ອງທີ່ຂ້ອຍເອງຈຶ່ງເຂົ້າໃຈ. ຂ້ອຍມາດ້ວຍສອງມືເປ່ົາ, ຈ່ັງໃດກໍຕ້ອງມີຈຸດຈົບຈຶ່ງຈາກໄປໄດ້ຊັ້ນບໍ່? ຂ້ອຍເປັນຄົນງ່າຍດາຍ, ທະແນມແຕ່ໃຫ້ຂ້ອຍມີບ່ອນພັກເຊົາ, ຂ້ອຍກໍຈະບໍ່ພະເນຈອນອີກ. ທ່ານວາງເຈເວົ້າວ່າ, ຈາກປະສົບການຂອງຕົນໃນການເຕີບໃຫຍ່, ທ່ານຮູ້ຈັກຄວາມທໍລະມານຍ້ອນການປ່ຽນແປງ, ສະນັ້ນ, ທ່ານຈຶ່ງລະດົມໃຈໃຫ້ໄວໜຸ່ມຍຶດໝັ້ນອຸດົມຄະຕິຂອງຕົນ, ກໍຈະບໍ່ຮູ້ສຶກໂດດດ່ຽວແນ່ນອນ.
1 2
|
|
