|
|
 |
| (GMT+08:00)
2004-10-25 14:15:54
|
 |
|
ເພງຕ່າງປະເທດທີ່ຂັບຮ້ອງໂດຍຄະນະຮ້ອງຮວມໝູ່ຂອງຈີນ(ສຽງ)
cri
Author: mo
ຄະນະຮ້ອງຮວມໝູ່ເດັກຍິງເດັກຊາຍຂອງຄະນະດົນຕີປະສານສຽງຂອງຈີນແມ່ນຄະນະຮ້ອງຮວມໝູ່ຂອງເດັກນ້ອຍທີ່ມີຊື່ສຽງຂອງຈີນ, ແມ່ນທ່ານສາສະດາຈານຢາງຫົງນຽນ ນັກໃຫ້
ຈັງຫວະດົນຕີທີ່ມີຊື່ສຽງຂອງຈີນເປັນຜູ່ສ້າງຕັ້ງຂຶ້ນໃນປີ 1983, ສະມາຊິກຂອງຄະນະຮ້ອງຮວມໝູ່ມາຈາກໂຮງຮຽນປະຖົມແລະມັດທະຍົມຕ່າງໆຂອງປັກກິ່ງ. ໃນ 20 ກວ່າປີມານີ້, ຄະນະດັ່ງກ່າວໄດ້ໄປສະແດງຢູ່ປະເທດແລະເຂດແຄວ້ນຕ່າງໆຄືອາເມລິກາ ຍິ່ປຸ່ນ ແລະໂອຕິຼດເປັນຕົ້ນ, ບໍ່ວ່າໄປສະແດງຢູ່ໃສກໍໄດ້ຮັບຄວາມຊົມເຊີຍຢ່າງຝົດຟື້ນຈາກຜູ່ຊົມ.
ທີ່ທ່ານພວມຟັງຢູ່ນີ້ແມ່ນເພງນົກເຂົ້າໝິ້ນ ຂັບຮ້ອງໂດຍຄະນະຮ້ອງຮວມໝູ່ເດັກຍິງເດັກຊາຍຂອງຄະນະດົນຕີປະສານສຽງຈີນ. ນີ້ແມ່ນເພງທີ່ແຕ່ງໂດຍທ່ານອາລີຢາບີເຢັຟ ນັກແຕ່ງນົດເພງລັດເຊຍ, ເນື້ອເພງມີຄວາມໝາຍວ່າ: ນົກເຂົ້າໝິ້ນ, ນົກເຂົ້າໝິ້ນນ້ອຍຂອງຂ້ອຍເອີຍ, ສຽງເຈົ້າເສາະໃສ, ເຈົ້າບິນເວີ່ນຢູ່ໃສ? ເຈົ້າຮ້ອງໝົດຄືນຢູ່ທາງໃດ? ນົກເຂົ້າໝິ້ນນ້ອຍເອີຍ, ເຈົ້າຈ່ົງບິນເຖີດ, ບິນເຫາະເຫີນໄປທາງໄກ. ບິນໄປທຸກແຫ່ງຫົນໃນທ່ົວໂລກ, ກໍບໍ່ມີໃຜຮ້ອງເກ່ັງກວ່າເຈົ້າ, ບໍ່ມີໃຜ ສຽງມ່ວນທໍ່ເຈົ້າ.
ຮູບລັກສະນະການສະແດງຂອງຄະນະຮ້ອງຮວມໝູ່ເດັກຍິງເດັກຊາຍຂອງຄະນະດົນຕີປະສານສຽງຈີນສົດຊື່ນ, ອ່ອນຫວານ, ເສາະໃສ, ໜັກແໜ້ນແລະມີກຳລັງ, ການປະສານກົມກຽວກັນດີ, ສາມາດຮ້ອງເພງຮວມໝູ່ທີ່ຍາກຫລາຍ. ໃນຫລາຍປີມານີ້, ຄະນະດັ່ງກ່າວໄດ້ຮ້ອງເພງຈີນແລະເພງຕ່າງປະເທດເກືອບພັນເພງ, ໄດ້ຮັບລາງວັນສາກົນ 6 ລາຍເປັນລຳດັບ, ຖືກຂະໜານນາມເປັນໜຶ່ງໃນ 7 ຄະນະຮ້ອງຮວມໝູ່ສຽງເດັກໃນໂລກ. ຕໍ່ໄປ, ພວກເຮົາມາຟັງເພງທີ່ບໍ່ມີເນື້ອຮ້ອງທີ່ຊື່ວ່າ: ດົນຕີເສບຕົ້ນຂອງຂຸ່ຍວິເສດທີ່ພວກເຂົາເຈົ້າຂັບຮ້ອງ. ເພງນີ້ແມ່ນດັດແປງຕາມດົນຕີເສບຕອນໜຶ່ງໃນລະຄອນໂອເປລາທີ່ມີຊື່ດຽວກັນຂອງທ່ານໂມຈາດ ນັກແຕ່ງນົດທີ່ມີຊື່ສຽງຂອງໂອຕຼິສ.
1 2 3
|
|
|
