|
|
 |
| (GMT+08:00)
2004-10-25 14:15:54
|
 |
|
ເພງຕ່າງປະເທດທີ່ຂັບຮ້ອງໂດຍຄະນະຮ້ອງຮວມໝູ່ຂອງຈີນ(ສຽງ)
cri
Author: mo
ຄະນະຮ້ອງຮວມໝູ່ສຽງຊາຍອ້າຍເຢ້ຂອງສະມາຄົມດົນຕີຈີນສ້າງຕັ້ງຂຶ້ນເມື່ອປີ 1993,
ເຊິ່ງປະກອບດ້ວຍນັກຮ້ອງທີ່ມີລະດັບສູງຂອງເກືອບ 10 ຄະນະດົນຕີແລະໂຮງຮຽນ
ສິລະປະຂອງປັກກິ່ງ, ປະຈຸບັນ, ມີສະມາຊິກ 60 ກວ່າຄົນ. ທ່ານສູຊີອີ ນັກແຕ່ງນົດທີ່
ມີຊື່ສຽງຂອງຈີນແມ່ນຜູ້ລິເລີ່ມສ້າງຄະນະດັ່ງກ່າວ, ທັງເປັນຫົວໜ້າຄະນະພ້ອມຜູ້ໃຫ້
ຈັງຫວະ, ພາຍຫລັງສ້າງຕັ້ງຄະນະຮ້ອງຮວມໝູ່ສຽງຊາຍອ້າຍເຢ້ປີໜຶ່ງແລ້ວ,ຈຶ່ງເລີ່ມ
ຂຶ້ນສະແດງຢູ່ເທິງເວທີ. ປີ 1997 ແລະປີ 1998, ຄະນະຮ້ອງຮວມໝູ່ສຽງຊາຍອ້າຍ
ເຢ້ເຄີຍໄປສະແດງຢູ່ຮົງກົງ 2 ເທື່ອ, ໄດ້ຮັບຄວາມຊົມເຊີຍຢ່າງຟົດຟື້ນຈາກຜູ້ຊົມ,ຖືກ
ຂະໜານນາມເປັນ"ຄະນະຮ້ອງຮວມໝູ່ທີ່ຕາງໜ້າໃຫ້ແກ່ລະດັບສູງຂອງອາຊີກໍຄື
ຂອງໂລກ". ຕໍ່ໄປເຊີນຟັງເພງຮ້ອງຮວມໝູ່ຂອງນາຍພານ ທີ່ຂັບຮ້ອງໂດຍຄະນະດັ່ງ
ກ່າວ, ເພງນີ້ຄັດຈາກເລື່ອງລະຄອນເອເປລາເລື່ອງນັກຍິງປືນເສລີແຕ່ງໂດຍທ່ານເວເບີ.
ທີ່ຟັງມານັ້ນແມ່ນເພງຮ້ອງຮວມໝູ່ຂອງນາຍພານ ທີ່ເຕັມໄປດ້ວຍຄວາມກະຕືລືລົ້ນ.
ຄະນະຮ້ອງຮວມໝູ່ສຽງຊາຍອ້າຍເຢ້ຍັງມັກໄປທ່ຽວສະແດງຢູ່ແຫ່ງຕ່າງໆຂອງຈີນເລື້ອຍໆ, ໄດ້ຈັດງານດົນຕເພງຈີນແລະເພງຕ່າງປະເທດ, ງານດົນຕີເພງຣັດເຊຍເປັນຕົ້ນ, ໂດຍສະເພາະແມ່ນງານດົນຕີເພງຣັດເຊຍ, ໄດ້ມີຜົນສະທ້ອນຢ່າງແຮງກ້າໃນສັງຄົມຈີນ.
ທ່ານຜູ້ຟັງ, ທີ່ທ່ານພວມຟັງຢູ່ນີ້ແມ່ນເພງຊາວເຮືອໂວນກາ ເພງພື້ນເມືອງຣັດເຊຍ, ຂັບຮ້ອງໂດຍຄະນະຮ້ອງຮວມໝູ່ສຽງຊາຍອ້າຍເຢ້.ເພງນີ້ໄດ້ໃຊ້ນ້ຳສຽງທີ່ຕ່າງກັນ, ສະແດງໃຫ້ເຫັນກຳມະກອນລາກເຮືອຈາກໄກຫາໃກ້, ແລ້ວຈາກໃກ້ໄປໄກ. ໃນພາກສຽງຊາຍສຽງຕ່ຳ, ພວກເຮົາຄືໄດ້ຍິນສຽງນ້ຳໃນແມ່ນ້ຳໂວນກາໄຫຼຜາດໆ, ແລະຮູ້ສຶກເຖິງຄວາມກວ້າງໃຫຍ່ຂອງແມ່ນ້ຳ.
ການຮ້ອງຮວມໝູ່ຂອງສຽງຊາຍບໍ່ພຽງແຕ່ສາມາດຮ້ອງເພງແຂງແຮງມີກຳລັງທໍ່ນັ້ນ, ຫາກຍັງສາມາດຮອງເພງລະບາຍອາລົມທີ່ອ່ອນໂຍມອີກດ້ວຍ. ຍ້ອນເປັນສຽງຊາຍໝົດ, ການດັດສຽງໄດ້ຫລາຍຢ່າງ. ຕໍ່ໄປເຊີນຟັງເພງທ່ົງຫຍ້າ ເພງພື້ນເມືອງຣັດເຊຍທີ່ຂັບຮ້ອງໂດຍຄະນະຮ້ອງຮວມໝູ່ສຽງຊາຍອ້າຍເຢ້. ເພງນີ້ມີທຳນອງໂສກແລະຊ້າ, ເລ່ົາເລື່ອງຜູ່ຂັບລົດມ້າຜູ່ໜຶ່ງກະດ້າງໜາວຍ້ອນພ້ໍພາຍຸຫີມະຕົກຢູ່ກາງທ່ົງຫຍ້າ, ກ່ອນຈະສິ້ນລົມຫາຍໃຈ, ໄດ້ຝາກຄວາມນຳຜູ້ຂີ່ລົດໄປນຳກັນ ໄປປອບໃຈພໍ່ແມ່ແລະລູກເມຍຂອງຕົນ.
ການຂັບຮ້ອງຂອງຄະນະຮ້ອງຮວມໝູ່ສຽງຊາຍອ້າຍເຢ້ເຕັມໄປຄວາມມີກຳລັງຂອງເພດຊາຍ, ທັງມີຄວາມອ່ອນໂຍນລະບາຍອາລົມ, ໄດ້ສະແດງໃຫ້ເຫັນສະເໜສິລະປະທີ່ມີເອກະລັກພິເສດຂອງການຮ້ອງຮວມໝູ່ສຽງຊາຍ. ໃນ 10 ກວ່າປີມານີ້, ຄະນະຮ້ອງຮວມໝູ່ສຽງຊາຍອ້າຍເຢ້ໄດ້ຝຶກຮ້ອງເພງດັ້ງເດີມຂອງຈີນແລະຕ່າງປະເທດງວດໜຶ່ງ, ໃນນັ້ນ, ມີຫລາຍເພງໄດ້ດັດແປງຮຽບຮຽງໃໝ່ແລ້ວຈຶ່ງສະແດງຢູ່ເທິງເວທີດ້ວຍຮູບການຮ້ອງຮວມໝູ່ເປັນຄັ້ງທຳອິດ. ສຸດທ້າຍ, ເຊີນຟັງເພງອາເມລິກາຄື"ເພງຄວາມຝັນທີ່ສວຍງາມ", ທີ່ຄະນະຮ້ອງຮວມໝູ່ສຽງຊາຍອ້າຍເຢ້ຮຽບຮຽງໃໝ່.
ທ່ານຜູ່້ຟັງທີ່ໂຄລົບ, ທີ່ຟັງມານັ້ນແມ່ນເພງຕ່າງປະເທດທີ່ຂັບຮ້ອງໂດຍຄະນະຮ້ອງຮວມໝູ່ຂອງຈີນ. ລາຍການຢ່ອນອາລົມໃນວັນເສົາພາກນີ້ຂໍສ້ຽງສຸດລົງພຽງທໍ່ນີ້, ຂອບໃຈທີ່ທ່ານຮັບຟັງ, ສະບາຍດີ.
1 2 3
|
|
|
