|
|
 |
| (GMT+08:00)
2004-11-08 17:13:33
|
 |
|
ໄພຮ້າຍທີ່ເນື່ອງຈາກອາກາດໃນທ່ົວໂລກອຸ່ນຂຶ້ນ
cri
Author: sayvanny
ແຕ່ບູຮານນະການມານີ້,ດິນຟ້າອາກາດແມ່ນມີການພົວພັນຢ່າງສະຫນິດແຫນ້ນກັບການຜະລິດແລະຊີວິດການເປັນຢູ່ຂອງມະນຸດ.ສ່ວນການປ່ຽນແປງຂອງດິນຟ້າອາກາດແມ່ນເລື້ອງທີ່ຄົນເຮົາໂຈຕະນາກັນຫຼາຍໃນຫຼາຍປີມານີ້.
ດິນຟ້າອາກາດຕາມແຫ່ງຕ່າງໆໃນໂລກແມ່ນຜິດແຜກແຕກຕ່າງກັນຫຼາຍແລະມີ ການຜັນປ່ຽນເລື້ອຍໆ.ດິນຟ້າອາກາດຄືອຸນຫະພູມ ປະລິມານຝົນຕົກໃນປີປົກກະຕິ ຢູ່ຕາມແຫ່ງຕ່າງໆແມ່ນມີການປ່ຽນແປງຂຶ້ນໆລົງໆຈາກຕົວເລກສະເລ່ຍໃນຫຼາຍປີ ຖ້າປະກົດມີສະພາບເກີນຈາກຕົວເລກສະເລ່ຍຫຼາຍ,ກໍ່ມັກເກີດມີໄພຮ້າຍທາງອາ ກາດ,ຄືໄພນ້ຳຖ້ວມ,ຫຼືໄພແຫ້ງແລ້ງເປັນຕົ້ນ,ແລະຈະນຳເອົາຄວາມເສຍຫາຍຮ້າຍແຮງສົມຄວນມາສູ່ການສ້າງສາເສດຖະກິດແລະຊີວິດພ້ອມທັງຊັບສົມບັດຂອງປະຊາຊົນ.
ເມື່ອສັງເກດຈາກສັດຕະວັດທີ 20 ແລ້ວເຫັນວ່າ:ດິນຟ້າອາກາດຂອງຫນ່ວຍໂລກແມ່ນເຢັນກັບຮ້ອນສັບປ່ຽນກັນ,ທ່ວງທ່າລວມແຫ່ງການປ່ຽນແປງຂອງດິນຟ້າອາກາດຢູ່ປະເທດຈີນໃນສັດຕະວັດທີ 20 ຄື:ກ່ອນກາງຊຸມປີ 80 ຮອດຊຸມປີ 90 ພັດອຸ່ນຄືນມາອີກ,ຫວ່າງບໍ່ດົນນີ້,ອົງການອຸຕຸນິຍົມໂລກຂອງສະຫະປະຊາຊາດປະກາດວ່າ,10 ປີທີ່ອຸ່ນແດ່ໃນສັດຕະວັດທີ 20 ລ້ວນແຕ່ຢູ່ຫລັງປີ 1983 ,ໃນນັ້ນ, ມີ 7 ປີແມ່ນໃນຊຸມປີ 90 ,ປີ 1998 ແມ່ນປີທີ່ອຸ່ນກວ່າຫມູ່ໃນສັດຕະວັດທີ 20,ຜົນຂອງການໄຈ້ແຍກຂອງສູນອາກາດແຫ່ງຊາດຈີນສະແດງໃຫ້ເຫັນວ່າ,ແຕ່ປີ 1987 ມານີ້,ພາກເຫນືອຂອຈີນໄດ້ປະກົດມີຍາມຫນາວອຸ່ນແປວ່າບໍ່ຫນາວປານໃດຕິດໆກັນ 13 ປີ,ອູນຫະພູມສະເລ່ຍໃນຍາມຫນາວສູງກວ່າປີທຳມະດາແຕ່ 1 ຫາ 2 ອົງສາ,ໃນປີຈຳນວນຫນ່ຶງຂອງເຂດສ່ວນຫນ່ືງໄດ້ສູງຂຶ້ນກວ່າ 3 ອົງສາ,ທ່ວງທ່າອາກາດອຸ່ນຂຶ້ນດ່ັງກ່າວນີ້ແມ່ນເປັນເອກະສັນກັນກັບທ່ວງທ່າອາກາດໃນທົ່ວໂລກທີ່ອຸ່ນຂຶ້ນ,ສົມພໍເມື່ອອູນຫະພູມສະເລ່ຍຢູ່ຈີນໃນຍາມຫນາວປີ 1999 ຟື້ນຟູເປັນປົກກະຕິຄືນແລ້ວ,ຄົນທັງຫຼາຍພັດຮູ້ສຶກຫນາວພິລຶກ.
1 2 3
|
|
|
