|
ໄພຮ້າຍທີ່ເນື່ອງຈາກອາກາດໃນທ່ົວໂລກອຸ່ນຂຶ້ນ
cri
Author: sayvanny
ນັກວິທະຍາສາດສ່ວນຫຼາຍເຫັນວ່າ,ມູນເຫດຕົ້ນຕໍທີ່ພາໃຫ້ອາກາດໃນທ່ົວໂລກອຸ່ນຂຶ້ນນັ້ນແມ່ນຜົນບັງເກີດຈາກຫ້ອງອຸ່ນໄດ້ເພ່ີມທະວີຂຶ້ນເລື້ອຍໆ.ໃນ 100 ປີມານີ້,ຄຽງຄູ່ກັບອຸດສາຫະກຳໄດ້ມີການພັດທະນາຢ່າງວ່ອງໄວນັ້ນ,ວັດຖຸເຊື້ອໄຟຈາກທາດແຮ່ໄດ້ຖືກສິ້ນເປື້ອງເປັນເທ່ົາໆ,ປ່າໄມ້ໄດ້ຖືກປ້ຳໄປຫຼາຍໂພດ,ຫນ້າດິນທີ່ມີຕົ້ນໄມ້ຕົ້ນຫຍ້າປົກຫຸ້ມກໍຖືກທຳລາຍຢ່າງຮ້າຍແຮງ,ເຮັດໃຫ້ອາຍອຸ່ນໃນອາກາດເພ່ີມຂຶ້ນຢ່າງເດ່ັນຊັດ,ບົດລາຍງານສຳຫຼວດທີ່ອົງການມູນນິທິອະນຸລັກທຳມະຊາດໂລກປະກາດນັ້ນໄດ້ເຮັດໃຫ້ຄົນຕື່ນຕົກໃຈວ່າ:ແຕ່ປີ 1970 ຫາປີ 1995 ,ເນື້ອທີ່ປ່າໄມ້ໃນທ່ົວໂລກໄດ້ຫຼຸດຫນ້ອຍລົງກວ່າ 10%,ເນື້ອທີ່ປ່າໄມ້ທີ່ສູນຫາຍໄປໃນແຕ່ລະປີມີ 1 ແສນ 5 ຫມື່ນກິໂລແມັດຕາ,ທໍ່ກັນກັບເນື້ອທີ່ດິນແດນຂອງເກຼັກ.ແຕ່ປີ 1960 ຫາ ປີ1996,ປະລິມານອີອົກຊິດເດີກາກບອນນິກໃນອາກາດໃນປະຈຸບັນແມ່ນ 353 ພີພີແອມ, ເມື່ອທຽບກັບປະລິມານກ່ອນການປະຕິວັດອຸດສາຫະກຳແລ້ວເຫັນວ່າໄດ້ເພ່ີມຂຶ້ນ 25%,ຄັນຄຶດໄລ່ຕາມຄວາມໄວດ່ັງກ່າວ,ເມື່ອຮອດປີ 2050,ປະລິມານດີອົກຊິດເດີກາກບອນນິກໃນອາກາດຈະເພ່ີມຂຶ້ນຮອດ 415—480 ພີພີແອມ,ເມື່ອຮອດປີ 2100,ຈະເພ່ີມຂຶ້ນຮອດ 460—560 ພີພີແອມ,ບັນດາຜູ່ຊ່ຽວຊານອຸຕຸນິຍົມຄາດຄະເນວ່າ,ຍ້ອນດີອົກຊິດເດີກາກບອນນິກເພ່ີມຂຶ້ນຢ່າງວ່ອງໄວ,ອາກາດໃນທ່ົວໂລກຈະອຸ່ນຂຶ້ນນີ້ແມ່ນທ່ວງທ່າລວມ.ນັກວິທະຍາສາດຄາດຄະເນວ່າ,ໂດຍໄດ້ ຮັບຜົນສະທ້ອນຈາກການປ່ຽນແປງຂອງທຳມະຊາດແລະການເຄື່ອນໄຫວຂອງມະນຸດ,ເມື່ອຮອດລະຫວ່າງປີ 2030 ,ອູນຫະພູມຍາມຫນາວຢູ່ເຂດພາກເຫນືອຂອງຈີນຈະອຸ່ນກວ່າປະຈຸບັນ 1 ຫາ 1,5 ອົງສາ,ການເພ່ີມຂຶ້ນໃນຍາມຮ້ອນຈະຫຼຸດກວ່າຍາມຫນາວ,ນັກວິທະຍາສາດອາເມລິກາເຫັນວ່າ,ອູນຫະພູມສະເລ່ຍໃນທ່ົວໂລກໃນ 50 ປີຂ້າງຫນ້ານີ້,ຈະສູງຂຶ້ນ 2 ຫາ 4 ອົງສາ,ຈະລື່ນກາຍການປ່ຽນແປງໃນຫຼາຍພັນປີກ່ອນ.
1 2 3
|
|
