|
ຈີນແມ່ນໝູ່ຄູ່ຮ່ວມມືທາງເສດຖະກິດການຄ້າສຳຄັນຂອງລາວ
cri
Author: huachunmei
ທ່ານບຸນລຽນສະເໜີໃຫ້ຮູ້ວ່າ, ໃນບໍ່ເທົ່າໃດປີມາ, ການພົວພັນດ້ານເສດຖະກິດການຄ້າລາວຈີນໄດ້ເພີ່ມທະວີຂຶ້ນຢ່າງບໍ່ຢຸດຢັ້ງ. ທ່ານເວົ້າວ່າ, ການພົວພັນການຄ້າລາວຈີນໃນໄລຍະຜ່ານມາໄດ້ມີການຂະຫຍາຍຕົວຢ່າງຕໍ່ເນື່ອງ, ມູນຄ່າການຊື້-ຂາຍລະຫວ່າງສອງປະເທດໄດ້ເພີ່ມຂຶ້ນເປັນລຳດັບ. ໃນປີ 2003 ຍອດມູນຄ່າຊື້-ຂາຍບັນລຸໄດ້ 109,437,000 ໂດລາສະຫະລັດ, ທຽບໃສ່ປີ 2002 ເພີ່ມຂຶ້ນ 71,1%. ໃນນັ້ນ, ສິນຄ້າລາວສົ່ງເຂົ້າຈີນມີຈຳນວນ 11,202,000 ໂດລາ, ເພີ່ມຂຶ້ນ 16,1% ແລະສິນຄ້າຈີນສົ່ງເຂົ້າລາວມີຈຳນວນ 98,235,000 ໂດລາ, ເພີ່ມຂຶ້ນ 80,9%.
ສຳລັບການລົງທຶນຂອງບັນດາບໍລິສັດຂອງສ.ປ.ຈີນຢູ່ສ.ປ.ປ.ລາວແຕ່ປີ 2000 ຮອດເດືອນເມສາປີ 2004 ມີຈຳນວນ 49 ໂຄງການ, ລວມມູນຄ່າ 199,58 ລ້ານໂດລາສະຫະລັດ. ໃນນັ້ນ, ບໍລິສັດຈີນລົງທຶນຝ່າຍດຽວມີ 35 ໂຄງການ, ມູນຄ່າ 159,48 ລ້ານໂດລາແລະຮ່ວມລົງທຶນກັບຝ່າຍລາວມີ 14 ໂຄງການ, ມູນຄ່າ 40,11 ລ້ານໂດລາ. ສະເພາະສົກປີ 2003 – 2004 ຈີນເປັນປະເທດອັນດັບໜຶ່ງໃນການລົງທຶນຢູ່ສ.ປ.ປ.ລາວ.
ທ່ານບຸນລຽນເຫັນວ່າ, ປີ 2002, ຈີນໄດ້ຕົກລົງໃຫ້ລາວປະຕິບັດນະໂຫຍພິເສດທີ່ສົ່ງສິນຄ້າກະສີກຳ 202 ຊະນິດເຂົ້າຈີນ. ທັງນີ້ເປັນຂີດໝາຍສະແດງໃຫ້ເຫັນການຮ່ວມມືດ້ານເສດຖະກິດການຄ້າລະຫວ່າງຈີນລາວໄດ້ກ້າວຂຶ້ນສູ່ໃນໄລຍະໃໝ່. ແຕ່ໃນຂະນະດຽວກັນນນີ້, ທ່ານບຸນລຽນກໍ່ຊີ້ອອກວ່າ, ການຮ່ວມມືດ້ານເສດຖະກິດການຄ້າລະຫວ່າງລາວຈີນໃນສະເພາະໜ້ານນີ້ສ່ວນຫຼາຍແມ່ນການຄ້າຊາຍແດນ, ໝາກຜົນການຮ່ວມມືດ້ານເສດຖະກິດການຄ້າລະຫວ່າງສອງປະເທດຍັງຕ້ອງນັບມື້ເສີມເນື້ອໃນໃຫ້ອຸດົມສົມບູນຂຶ້ນຕື່ມ.
1 2
|
|
