|
|
 |
| (GMT+08:00)
2004-11-29 09:36:31
|
 |
|
ສະຫະພັນປະເທດອາຊີອາຄະເນ ຄື ກຸ່ມອາຊຽນ
cri
Author: sayvanny
ສະຫະພັນປະເທດອາຊຽນ ຄື, ກຸ່ມອາຊຽນໃນປະຈຸບັນແມ່ນສະຫະພັນອາຊີອາຄະເນໃນເມື່ອກ່ອນທີ່ມາເລຢູ ຟິ ລິບປິນແລະໄທສ້າງຕັ້ງຂຶ້ນຢູ່ບາງກອກໃນວັນທີ 31 ກໍລະກົດປີ 1961.ເດືອນສິງຫາປີ 1967 ລັດຖະມົນຕີການຕ່າງປະເທດຂອງສີ່ປະເທດຄື ອິນໂດເນເຊຍ ໄທ ສິງກະໂປ ແລະຮອງນາຍົກລັດຖະມົນຕີມາເລເຊຍຈັດກອງປະຊຸມຢູ່ບາງກອກ, ອອກຄຳຖະແຫລງການບາງກອກ,ແລະປະກາດສ້າງຕັ້ງສະຫະພັນປະເທດອາຊີອາຄະເນຢ່າງເປັນທາງການ.ທ້າຍເດືອນດຽວກັນ, ສາມປະເທດມາເລເຊຍ ໄທ ແລະຟິລິບປິນໄດ້ຈັດກອງປະຊຸມຂັ້ນລັດຖະມົນຕີຢູ່ກົວລະລຳເບີ ນະຄອນຫລວງມາເລເຊຍ.ຕົກລົງເອົາສະຫະພັນປະເທດອາຊີອາ ຄະເນເຂົ້າແທນສະຫະພັນອາຊີອາຄະເນ, ຄື ກຸ່ມອາຊຽນ.ພາຍຫລັງບຼູໄນເປັນເອກະລາດໃນປີ 1984 ກໍ່ເຂົ້າຮ່ວມກຸ່ມອາຊຽນ. ຈາກນັ້ນມາ, ຫວຽດນາມ ມຽນມາ ລາວແລະກຳປູເຈຍຕ່າງໄດ້ເຂົ້າຮ່ວມກຸ່ມອາຊຽນໃນຊຸມປີ 90 ສະຕະວັດແລ້ວນີ້ກ ປະຈຸບັນ ກຸ່ມອາຊຽນມີ 10 ປະເທດສະມາຊິກ. ເລຂາທິການກຸ່ມອາຊຽນຜູ່ປະຈຸບັນແມ່ນທ່ານອົງເຄັງຢົງ ຊາວສິງກະໂປ, ກອງເລຂາກຸ່ມອາຊຽນຕັ້ງຢູ່ຢາກາກຕາ ນະຄອນຫລວງອິນໂດເນເຊຍ.
ນອກນີ້ ບາປົວນິວກີເນແມ່ນປະເທດສັງເກດການຂອງກຸ່ມອາຊຽນ, ອົສຕຼາລີ ການາດາ ຈີນ ສະຫະພາບເອີລົບ ອິນເດຍ ຍີ່ປຸ່ນ ນູແວນເຊລັງ ລັດເຊຍ ສາທາລະນະລັດເກົາຫລີແລະອາເມລິກາແມ່ນປະເທດຄູ່ສົນທະນາຂອງອາຊຽນ.
ຕັ້ງແຕ່ກຸ່ມອາຊຽນສ້າງຕັ້ງຂຶ້ນເມື່ອປີ 1967 ເປັນຕົ້ນມາ, ລວມໄດ້ຈັດກອງປະຊຸມສຸດຍອດທາງການ 9 ເທື່ອແລະກອງປະຊຸມສຸດຍອດບໍ່ເປັນທາງການ 4 ເທື່ອ.ປີ 2000, ກອງປະຊຸມສຸດຍອດບໍ່ເປັນທາງການຂອງກຸ່ມອາຊຽນຄັ້ງທີ 4 ໄດ້ຕົກລົງບໍ່ຈຳແນກກອງປະຊຸມທາງການແລະບໍ່ເປັນທາງການ,ແລະຕົກລົງຈັດກອງປະຊຸມສຸດຍອດປີລະເທື່ອຫນຶ່ງ.ປີນີ້ຈະຈັດກອງປະຊຸມສຸດຍອດຄັ້ງທີ 10 ຢູ່ວຽງຈັນ ນະຄອນຫຼວງ ສ.ປ.ປ.ລາວ.
1 2
|
|
|
