|
|
 |
| (GMT+08:00)
2004-11-29 09:36:31
|
 |
|
ສະຫະພັນປະເທດອາຊີອາຄະເນ ຄື ກຸ່ມອາຊຽນ
cri
Author: sayvanny
ວັດຖຸປະສົງຂອງກຸ່ມອາຊຽນແມ່ນພ້ອມກັນພະຍາຍາມຊຸກຍູ້ເສດຖະກິດເຕີບໂຕ ສັງ ຄົມກ້າວ ຫນ້າແລະວັດ ທະນະທຳພັດທະນາໃນພາກພື້ນດ້ວຍນ້ຳໃຈສະເຫມີພາບແລະປະສານງານ; ຮ່ວມມືຢ່າງແຫນ້ນແຟ້ນແລະຕ່າງຝ່າຍຕ່າງມີຜົນປະໂຫຍດກັບອົງການຈັດຕັ້ງສາກົນແລະພາກພື້ນ. ໃນ 30 ກວ່າປີມານີ້ ອາຊຽນນັບມື້ນັບກາຍເປັນອົງການຈັດຕັ້ງຮ່ວມມືທີ່ການເມືອງ ເສດຖະ ກິດແລະຄວາມປອດໄພເປັນເອກະພົບດຽວທັງຖືການຮ່ວມມືເສດຖະກິດເປັນພື້ນຖານຢູ່ພາກພື້ນອາຊີອາຄະເນ, ແລະໄດ້ສ້າງຫຼາຍກົນໄກຮ່ວມມືຂຶ້ນ.
ໃນຫລາຍປີມານີ້ ການຮ່ວມມືພາຍໃນກຸ່ມອາຊຽນໄດ້ມີການພັດທະນາຢ່າງວ່ອງໄວ.ປີ 2002 ໄດ້ເລີ່ມປະຕິບັດການສ້າງສາເຂດການຄ້າເສລີອາຊຽນ.ນອກນີ້ ຍັງໄດ້ຕັ້ງຫນ້າດຳເນີນການຕ່າງປະເທດຫລາຍທິດ.ປີ 1994 ໄດ້ສ້າງຕັ້ງເວທີປາໄສພາກພື້ນອາຊຽນ. ປີ 1997 ສ້າງກົນໄກກອງປະຊຸມຜູ່ນຳອາຊຽນກັບຈີນ ຍີ່ປຸ່ນແລະສ.ເກົາຫລີຄື 10+3 ແລະກອງປະຊຸມຜູ່ນຳອາຊຽນກັບຈີນ ກອງປະຊຸມຜູ່ນຳອາຊຽນກັບຍີ່ປຸ່ນແລະກອງປະຊຸມຜູ່ນຳອາຊຽນກັບສ.ເກົາຫລີຄື 10+1.ເລີ່ມແຕ່ເດືອນຕຸລາປີ 2003 ຈີນ ອິນເດຍແລະຍີ່ປຸ່ນໄດ້ເຂົ້າຮ່ວມສົນທິສັນຍາໄມຕີຈິດແລະຮ່ວມມືອາຊີອາຄະເນທີ່ໄດ້ກຳນົດຫລັກການກະທຳລະຫວ່າງຊາດແລະກົນໄກແກ້ໄຂຄວາມວິວາດກັນໂດຍສັນຕິ.ລັດເຊຍແລະສ.ເກົາຫລີກໍ່ມີຫວັງຈະເຊັນສັນຍາທີ່ກ່ຽວຂ້ອງກັບອາຊຽນໃນໄລຍະກອງປະຊຸມສຸດຍອດອາຊຽນຄັ້ງທີ 10 ປີນີ້,ແລະເຂົ້າຮ່ວມສົນທິສັນຍາດັ່ງກ່າວ.
1 2
|
|
|
