|
ວິທະຍາສາດກັບອາຍຸຍືນ
cri
Author: sayvanny
ການມີອາຍຸຮ້ອຍປີ,ບໍ່ວ່າໃນເມື່ອກ່ອນຫຼືດຽວນີ້ກໍຍັງແມ່ນຄວາມປາຖະຫນາອັນດີງາມຂອງມະນຸດເຮົາທັງຫມົດ,ສິ່ງທີ່ຕ່າງກັນນັ້ນແມ່ນຢູ່ບ່ອນວ່າ,ໃນເມື່ອກ່ອນ, ຢາກມີອາຍຸຍືນຮອດຮ້ອຍປີແມ່ນເກືອບວ່າບໍ່ມີຄວາມຫວັງຈັກດີ້,ແຕ່ດຽວນີ້ແມ່ນງ່າຍແດ່ແລ້ວ,ເມື່ອສັງເກດເບິ່ງປະຫວັດອາຍຸຂອງມວນມະນຸດພວກເຮົາຈົ່ງມາຊອກຮູ້ວ່າ,ວິທະຍາສາດ,ໂດຍສະເພາະແມ່ນແພດສາດ,ຈະໃຫ້ຄຳຫມັ້ນສັນຍາອັນໃດແດ່ແກ່ພວກເຮົາ.
ໃນຊູ່ມື້ນີ້,ການຄົ້ນຄວ້າກ່ຽວກັບແຊນແມ່ນຟົດຟື້ນ,ໂດຍສະເພາະແມ່ນການເຮັດຮູບແຊນມະນຸດສຳເລັດຫວ່າງກ່ອນນີ້ບໍ່ດົນ,ເຮັດໃຫ້ຄົນທັງຫຼາຍຍິ່ງມີຄວາມຫວັງຫຼາຍ ກວ່າເກົ່າຕໍ່ການຕໍ່ອາຍຸໃຫ້ຍືນກວ່າເກົ່າດ້ວຍການປ່ຽນແປງແຊນ,ສະນັ້ນ,ບັນດານັກວິທະຍາສາດໄດ້ເລີ່ມດຳເນີນການຄົ້ນຄວ້າລາຍນີ້ຈາກສານເສັ້ນ,ເປັນຫຍັງຕ້ອງເອົາສານເສັ້ນເປັນສິ່ງຄົ້ນຄວ້າຕົ້ນຕໍ?ເພາະວ່າອາຍຸຂອງມັນສັ້ນຫຼາຍ,ທຳມະດາແລ້ວມັນຢູ່ໄດ້ແຕ່ 20 ມື້ທໍ່ນັ້ນ,ສະນັ້ນ,ໃຊ້ວິທີປ່ຽນແປງແຊນຂອງມັນແລ້ວເຮັດໃຫ້ມັນອາຍຸຍືນນັ້ນ,ຈະເຮັດໃຫ້ການຄົ້ນຄວ້າໄດ້ຮັບຜົນໄວແດ່.
ຕາມໄດ້ຄົ້ນຄວ້າເຫັນວ່າ,ຖ້າສັບຊ້ອນແຊນໃດຫນຶ່ງໃນຕະກຸນແຊນທີ່ເອີ້ນວ່າໂມງຂອງສານເສັ້ນ,ກໍຈະສາມາດເຮັດໃຫ້ສານເສັ້ນມີອາຍຸຍືນອີກ 60%. ສະນັ້ນ,ມີຄົນເຫັນວ່າ,ຖ້າພວກເຮົາສາມາດຕໍ່ອາຍຸຂອງສານເສັ້ນດ້ວຍການດັດສ້າງແຊນຂອງມັນແລ້ວ,ກໍສາມາດໃຊ້ວິທີດຽວກັນເຮັດໃຫ້ມະນຸດອາຍຸຍືນໄດ້ຄືກັນ,ແຕ່ວ່າຄົນສ່ວນຫຼາຍໄດ້ສະແດງຄວາມສົງໃສທີ່ສຸດຕໍ່ຄວາມເຫັນດັ່ງກ່າວ,ເພາະວ່າສານເສັ້ນກັບມະນຸດແມ່ນຕ່າງກັນຫຼາຍທີ່ສຸດໃນດ້ານຈຸດພິເສດຊີວະສາດແລະໃນດ້ານກົນໄກສະລີລະສາດ,ຕົວຢ່າງຄືສານເສັ້ນບໍ່ມີຈຸລັງໃດແບ່ງແຍກໄດ້,ນອກນີ້,ຄົນເຮົາເມື່ອອາຍຸແກ່ແລ້ວອາດຈະເປັນໂລກຜູ່ເຖົ້າຫຼາຍຢ່າງຫຼາຍແນວເຊັ່ນ:ໂລກເບົາ ຫວານ ໂລກມະເຣັງແລະໂລກເຊີ້ຊ້າໄວຊະລາເປັນຕົ້ນ,ແຕ່ສານເສັ້ນບໍ່ເປັນສານເສັ້ນກໍບໍ່ມີໂລກກະດູກ,ອີກດ້ານຫນຶ່ງ,ພາຍຫລັງປ່ຽນແປງແຊນຂອງມັນແລ້ວ,ຄຸນນະພາບຊີວິດຂອງມັນກໍມີບັນຫາອັນຫນັກຫນ່ວງຄື:ການເຕີບໃຫຍ່ ຫັນໃຈ ເຄື່ອນເຫນັງ,ກິນອາຫານຖ່າຍແລະດ້ານອື່ນໆຂອງມັນ,ຍັງຊ້າກວ່າສານເສັ້ນທຳມະດາ, ມັນເກືອບວ່ານອນຢູ່ຕະຫຼອດ, ຫນ້ອຍທີ່ສຸດທີ່ຈະມີຄວາມສາມາດອອກແມ່ແພ່ລູກ,ຖ້າຄົນເຮົາປ່ຽນແປງແຊນໃດຫນຶ່ງ, ແລ້ວເຮັດໃຫ້ພວກເຮົາສາມາດມີອາຍຸຮອດ 120 ປີ,ພັດມີຊີວິດທີ່ໄຮ້ຄຸນນະພາບຄືກັບສານເສັ້ນ,ບໍ່ມີຄວາມມ່ວນຊື່ນຫຍັງໃນຊີວິດແລ້ວ,ພວກເຮົາຍັງຕ້ອງການອາຍຸຍືນແບບນີ້ບໍ່?
1 2 3 4
|
|
