|
ວິທະຍາສາດກັບອາຍຸຍືນ
cri
Author: sayvanny
ທີ່ຈິງແລ້ວ,ໃນຊີວິດຂອງຄົນເຮົາ,ຕັ້ງແຕ່ໃດໆມາກໍໄດ້ມີວິທີທີ່ສາມາດເຮັດໃຫ້ອາຍຸຍືນກວ່າເກົ່າໂດຍບໍ່ຕ້ອງກິນຢາ,ບໍ່ຕ້ອງປ່ຽນແປງແຊນແລະກໍ່ບໍ່ຕ້ອງກິນອາຫານບຳລຸງ,ນັ້ນກໍຄືແບບວິທີດຳລົງຊີວິດຂອງພວກເຮົາ.
ໃນເກາະໂອກີນາວາຂອງຍີ່ປຸ່ນມີພົນລະເມືອງ 1 ລ້ານ 3 ແສນຄົນ,ພວກເຂົາເຈົ້າແມ່ນພົນລະເມືອງທີ່ມີອາຍຸຍືນກວ່າຫມູ່ໃນໂລກນັບມາຮອດປັດຈຸບັນ.ຕົ້ນຕໍແມ່ນສະແດງໃຫ້ເຫັນຢູ່ບ່ອນວ່າໃນເກາະດັ່ງກ່າວມີຜູ່ເຖົ້າອາຍຸຮ້ອຍປີຍອດຈຳນວນປະຊາກອນແມ່ນ 4 ເທ່ົາຂອງປະເທດພັດທະນາຝ່າຍຕາເວັນຕົກ.
ຊາວໂອກີນາວາອາຍຸຍືນແມ່ນຍ້ອນພວກເຂົາເຈົ້າມີແບບວິທີດຳລົງຊີວິດທີ່ດີ,ພວກເຂົາເຈົ້າບໍ່ສູບຢາ.ບໍ່ກິນເຫຼົ້າ,ເຖິງຈະສູບຢາຫຼືກິນເຫຼົ້າ,ເປັນບາງຄັ້ງບາງຄາວກໍສູບຫຼືກິນຫນ້ອຍທີ່ສຸດ.
ອາຫານຂອງພວກເຂົາເຈົ້າບໍ່ຄ່ອຍມີຊີ້ນ,3 ສ່ວນ 4 ແມ່ນພືດ,ຫມາກໄມ້,ຜັກແລະໃຍອາຫານ,ພ້ອມກັນນັ້ນ,ນອກຈາກກິນເຄື່ອງທະເລອ່າວຫຼາຍແລ້ວ,ເຂົາເຈົ້າກິນຫມາກໄມ້ແລະຜັກຫຼາຍກວ່າຫມູ່ບໍ່ສູ້ກິນອາຫານທີ່ເອືອບເກືອແລະລົນຄວັນໄຟ,ຊີ້ນມັນແລະໄຂມັນກໍກຶນຫນ້ອຍຄືກັນ,ສະນັ້ນ,ຜູ່ຍິງໂອກີນາວາມີຫນ້ອຍທີ່ສຸດທີ່ອ້ວນພີຄືກັບຄົນປະເທດຝ່າຍຕາເວັນຕົກ,ຊາວໂອກີນາວາບໍ່ສູ້ມີຜູ່ເປັນພະຍາດຫຼອດເລືອດຫົວໃຈ,ແລະເປັນອຳມະພາດຫຼືຈະມີຜູ່ເປັນກໍຈົນຮອດບັ້ນທ້າຍຂອງຊີວິດແລ້ວ,ຊາວໂອກີນາວາມີຫນ້ອຍທີ່ເປັນໂລກມະເຮັງທີ່ກ່ຽວພັນກັບຮັອກໂມນເຊ່ັນມະເຮັງຕ່ອມນົມ,ມະເຮັງຣັງໄຂ່ແລະມະເຮັງຕ່ອມຫມາກອັກເສບເປັນຕົ້ນ, ອັດຕາເປັນມະເຮັງລຳໄສ້ໃຫຍ່ກໍພຽງແຕ່ກວມເຄິ່ງຫນຶ່ງຂອງຊາວອັງກິດແລະອາເມລິກາ.ກໍ່ບໍ່ແມ່ນຍ້ອນວ່າຊາວໂອກີນາວາມີແຊນອາຍຸຍືນ,ຖ້າມີແທ້ພວກເຂົາເຈົ້າໄປຢູ່ໃສກໍຄວນມີອາຍຸຍືນ,ແຕ່ວ່າຊາວໂອກີນາວາທີ່ຍ້າຍໄປຢູ່ປະເທດຝ່າຍຕາເວັນຕົກຊ້ຳພັດບໍ່ເປັນແນວນັ້ນ, ພວກເຂົາເຈົ້າເຂົ້າເມືອງຕາຫຼິ່ວ,ກໍຫຼິ່ວຕາຕາມ,ປະຖິ້ມຄວາມລື້ງເຄີຍອັນຈົບດີໃນເມື່ອກ່ອນ,ກິນອາຫານມັນ,ນ້ຳມັນເບີ,ຊີ້ນປະເພດຕ່າງໆແລະອາຫານລົນຄວັນ,ເອືອບເກືອຫຼາຍຂຶ້ນ,ຜັກ,ຫມາຍໄມ້ແລະປູປາພັດກິນຫນ້ອຍລົງ, ຜົນສຸດທ້າຍຜູ່ເປັນໂລກມະເຮັງ,ໂລກຫຼອດເລືອດຫົວໃຈກໍຫຼາຍຂຶ້ນ,ອາຍຸກໍສັ້ນເຂົ້າ. ສະນັ້ນ,ຖ້າວ່າໃນອະນາຄົດວິທະຍາສາດເຮັດໃຫ້ຄົນເຮົາອາຍຸຍືນໄດ້ແທ້,ແຕ່ເວົ້າໃນດ້ານທຽບຖານແລ້ວ,ແບບວີທີດຳລົງຊີວິດອັນຈົບດີບໍ່ວ່າໃນເມື່ອກ່ອນ,ປັດຈຸບັນແລະໃນອະນາຄົດກໍຍັງແມ່ນສິ່ງທີ່ແນ່ນອນກວ່າຫມູ່,ດີກວ່າຫມູ່ແລະໄດ້ຜົນກວ່າຫມູ່ທີ່ຈະເຮັດໃຫ້ຄົນເຮົາອາຍຸຍືນຍາວ.
1 2 3 4
|
|
