|
ຍັງຈື່ໄດ້ວ່າ,ໃນຫຼັກສູດຮຽນຄວາມຮູ້ທຳມະຊາດຊັ້ນປະຖົມ,ກໍໄດ້ສອນພວກເຮົາວ່າ,ເມື່ອາກາດຮ້ອນລອຍຂຶ້ນ,ອາກາດເຢັນກໍເຂົ້າແທນທີ່,ການເຄື່ອນໄຫວຂອງອາກາດພາໃຫ້ເກີດເປັນລົມ,ແມ່ນແລ້ວ,ການຫມູນເດີນຂອງອາກາດພາໃຫ້ເກີດເປັນລົມ,ວັດຖຸທີ່ຫມູນເດີນມັນກໍມີພະລັງຫມູນເດີນ,ການບຸກເບີກນຳໃຊ້ພະລັງງານຊະນິດນີ້ມາຮັບໃຊ້ຊີວິດການເປັນຢູ່ແລະການຜະລິດຂອງມວນມະນຸດສາມາດຜ່ອນຄາຍວິກິດການພະລັງງານ.ຫົວຂໍ້ທີ່ພວກເຮົາຈະລົມນຳທ່ານໃນມື້ນີ້ກໍແມ່ນການນຳໃຊ້ພະລັງລົມ.
ເມື່ອເວົ້າເຖິງພະລັງລົມ,ທ່ານອາດຈະຄຶດເຫັນເຮືອໃບແລະກົງພັດດ້ວຍແຮງລົມ,ແມ່ນແລ້ວ,ເມືອຫຼານພັນປີກ່ອນ,ບັນພະບູລຸດຂອງມະນຸດພວກເຮົາກໍໄດ້ເລີ່ມໃຊ້ແຮງລົມຊຸກຍູ້ໃບເຮືອໃຫ້ເຮືອແລ່ນໄວ,ຕາມເວົ້າວ່າ,ກົງພັດດ້ວຍແຮງລົມເຄື່ອງທຳອິດໃນໂລກແມ່ນທ່ານອາບູ ໂລລາຂ້າທາດຜູ່ຫນ່ຶງປະດິດສ້າງກ່ອນ ຄ.ສ 6 ສັດຕະວັດ.
ກົງພັດດ້ວຍແຮງລົມຂອງທ່ານອາບູ ໂລລາ ແມ່ນສ່ິງກໍ່ດ້ວຍຫີນແບບຮູບທາດທີ່ສູງໃຫຍ່,ມີປ່ອງລົມໃຫຍ່ສອງປ່ອງ,ໃນນັ້ນມີເພົາທີ່ສູງໃຫຍ່,ມີໃບລານດ້ວຍສາຍອໍ້,ແຮງລົມເຂົ້າທາງປ່ອງລົມ,ຊຸກໃບກົງພັດປິ່ນແລ້ວລະບາຍອອກຈາກປ່ອງລົມອີກປ່ອງຫນຶ່ງ,ກົງພັດດ້ວຍແຮງລົມຊະນິດນີ້,ເຫມາະສຳລັບບ່ອນທີ່ທິດລົມບໍ່ປ່ຽນຕະຫຼອດປີ.
1 2 3 4 5 6
|
