|
|
 |
| (GMT+08:00)
2004-12-13 09:34:42
|
 |
|
ການນຳໃຊ້ພະລັງລົມ
cri
Author: sayvany
ຕາມສະຖິຕິບໍ່ຄົບຖ້ວນ,ພາຍໃນ 15 ປີຄືແຕ່ປີ 1976 ຮອດປີ 1991,ບັນດາປະເທດໃນໂລກໄດ້ສ້າງເຄື່ອງຈັກແຮງລົມ 1 ແສນກວ່າເຄື່ອງແລ້ວ,ກຳລັງຕິດຕັ້ງທັງຫມົດລື່ນກາຍ 2 ລ້ານ 5 ແສນກິໂລວັດ,ໃນນັ້ນມີປະມານ 1 ລ້ານ 5 ແສນກິໂລວັດໃຊ້ມາກະຈາຍໄຟຟ້າ.ປະຈຸບັນ,ແຕ່ລະປີ,ໃນທົ່ວໂລກຕ້ອງເພ່ີມເຫງົ້າພະລັງເຄື່ອງຈັກແຮງລົມປະມານ 2 ແສນກິໂລວັດ,ແລະຍັງຈະເພີ່ມຂຶ້ນຕໍ່ໄປອີກ.ຄາດວ່າ:ເມື່ອຮອດ ປີ 2030 ,ໄຟຟ້າແຮງລົມອາດຈະກວມຍອດບໍລິມາດໄຟຟ້າໃນໂລກແຕ່ 10% ຂຶ້ນໄປ.
ເມື່ອສັງເກດເບ່ິງແລ້ວ,ການພັດທະນາການກະຈາຍໄຟຟ້າດ້ວຍແຮງລົມໄດ້ກາຍເປັນການເຄື່ອນໄຫວທີ່ມີລັກສະນະທ່ົວໂລກໃນດ້ານຜ່ອນຄາຍການຂາດເຂີນພະລັງງານໃນທ່ົວໂລກແລ້ວ,ບາດລ້ຽວຂອງມັນກໍແມ່ນວິກິດການພະລັງງານນັ້ນມັນເຊື້ອໄຟບັ້ນຊຸມປີ 70 ,ຫລັງຈາກວິກິດການເທື່ອນີ້ແລ້ວ,ອາເມລິກາກໍຍ່ິງເອົາໃຈໃສ່ນຳການພັດທະນານຳໃຊ້ພະລັງລົມ,ດ້ານຫນ່ຶງອອກແຮງຄົ້ນຄວ້າເຮັດເຄື່ອງຈັກກະຈາຍໄຟຟ້າດ້ວຍແຮງລົມຂະຫນາດໃຫຍ່,ອີກດ້ານຫນຶ່ງກໍຜະລິດເຄື່ອງກະຈາຍໄຟຟ້າດ້ວຍແຮງລົມຂະຫນາດນ້ອຍເປັນຈຳນວນຫຼວງຫຼາຍທີ່ຕົ້ນທຶນຕ່ຳ ເຄື່ອງກໍເບົາແລະທົນໃຊ້,ປະຈຸບັນ,ກຳລັງຕິດຕັ້ງຂອງເຄື່ອງຈັກກະຈາຍໄຟຟ້າແຮງລົມຂອງອາເມລິກາໄດ້ບັນລຸເຖິງ 1 ລ້ານ 3 ແສນກິໂລວັດແລ້ວ,ແມ່ນປະເທດທີ່ພັດທະນານຳໃຊ້ຊັບພະຍາກອນແຮງລົມຫຼາຍກວ່າເພິ່ນໃນໂລກ.
ດານມາກແມ່ນປະເທດນ້ອຍຢູ່ເອີລົບເຫນືອ,ປະເທດນີ້ບໍ່ພຽງແຕ່ແມ່ນປະເທດທີ່ນຳໃຊ້ແຮງລົມກະຈາຍໄຟຟ້າກ່ອນຫມູ່ໃນໂລກທໍ່ນັ້ນ,ປະຈຸບັນ,ຍັງແມ່ນປະເທດທີ່ກະຈາຍໄຟຟ້າດ້ວຍແຮງລົມຫຼາຍເປັນທີ 3 ໃນໂລກເຊິ່ງພຽງແຕ່ຖັດຈາກອາເມລິກາແລະແມັກຊິກທໍ່ນັ້ນ,ເລ່ີມແຕ່ປີ 1976 ດານມາກໄດ້ປະຕິບັດແຜນການພະລັງລົມຂອງລັດ,ປີ 1993 ,ທົ່ວປະເທດໄດ້ສ້າງເຄື່ອງກະຈາຍໄຟຟ້າດ້ວຍແຮງລົມຫຼາຍພັນເຄື່ອງແລ້ວ,ສາມາດຕອບສະຫນອງ 3% ຂອງຄວາມຕ້ອງການພະລັງໄຟຟ້າໃນທົ່ວປະເທດ,ຕາມເວົ້າວ່າ,ດານມາກມີແຜນການ,ເມື່ອຮອດປີ 2005 ,ການກະຈາຍໄຟຟ້າດ້ວຍແຮງລົມຈະກວມ 10%ໃນການຜະລິດໄຟຟ້າໃນທົ່ວປະເທດ.
1 2 3 4 5 6
|
|
|
