|
 ເຜົ່າເຊີມີປະຊາກອນ 6 ແສນ 3 ຫມື່ນກວ່າຄົນ,ຢາຍກັນຢູ່ 5 ແຂວງຄື:ຟູຈຽນ,ເຈີຈຽງ ຈຽງຊີ ກວາງຕຸ້ງແລະອານຮຸຍຢູ່ພາກຕາເວັນອອກສ່ຽງໃຕ້ຂອງຈີນ,ໃນນັ້ນ,ສ່ວນຫຼາຍແມ່ນດຳລົງຊີວິດຢູ່ສອງແຂວງຄື:ຟູຈຽນແລະເຈີຈຽງ.
ເຜົ່າເຊີຕົ້ນຕໍແມ່ນຕັ້ງຖ່ິນຖານຢູ່ແຖບດິນໂພນພາກໃຕ້ຂອງປະເທດຈີນ,ຢູ່ແຫ່ງນັ້ນມີທິວທັດສວຍສົດງົດງາມ,ມີແມ່ນ້ຳລຳເຊຄົດໆໂງໆແລະຂຽວສະອາດມີພູຜາສີແດງຈົນນັບບໍ່ຖ້ວນ,ອັນໄດ້ກາຍເປັນຮູບພາບອັນສວຍງາມຫຼາຍແຜ່ນ,ຢູ່ແຫ່ງນີ້ມີພູອູອີທີ່ມີທິວທັດງານພິອລຶກ,ຍັງມີປ່າໄມ້ໄຜ່ຂຽວຊະອຸ່ນ,ພູອຽນຕັງແລະພູທຽນມຸທີ່ມີພາບວິວທິວທັດສວຍງາມ.|
ເຜົ່າເຊີເອີ້ນຕົນເອງວ່າຊານຮາ,ແປວ່າຊາວບ້ານທີ່ດຳລົງຊີວິດຢູ່ເຂດພູດອຍ,ເຜົ່າເຊີແມ່ນເຜົ່າທີ່ມັກຟ້ອນລຳເພງ,ຜູ່ໃດກໍຂັບລຳພູດອຍເປັນຄູ່ຄົນ,ໃນເວລາຈັດພິທີຕາມປະເພນີຍັງມີການເສບອັນຫນ້າອ່ອນຊອນສະຫຼັບໄປພ້ອມເດືອນຍີ່ອອກໃຫມ່ 2 ຄ່ຳຕາມຈັນທະຄະຕິຂອງຈີນ,ກົງກັບເດືອນເມສາຂອງ ຄ.ສ.ແມ່ນຫນ່ຶງໃນຈຳນວນບຸນປະເພນີນິຍົມຂອງເຜົ່າເຊີ,ບຸນດັ່ງກ່າວແມ່ນແຜ່ຜາຍຢູ່ເຂດເຜົ່າເຊີໃນເມືອງຕິງຊ້ຽນແຂວງຟູຈ້ຽນ,ຢູ່ແຫ່ງນັ້ນມີພູສູງອ້ອມຫມົດທັງສີ່ດ້ານ ເຊິ່ງມີຊາວເຜົ່າເຊີຕັ້ງພູມລຳເນົາຈຸ້ມກັນຢູ່ຢ່າງຫຼວງຫຼາຍ,ເມື່ອຮອດເດືອນຍີ່ອອກໃຫມ່ 2 ຄ່ຳຕາມຈັນທະຄະຕິຂອງຈີນ,ພວກລູກຫຼານເຜົ່າເຊີທີ່ຕັ້ງບ້ານຢູ່ແຫ່ງຕ່າງໆ. ແຖບພາກໃຕ້ຂອງແຂວງເຈີຈຽງແລະພາກຕາເວັນອອກຂອງແຂວງຟູຈຽນ,ກໍລ້ວນແຕ່ມາໂຮມກັນຢູ່ແຫ່ງນີ້ເພື່ອສະຫຼອງບຸນດ້ວຍຄວາມມ່ວນຊື່ນ,ມາຮອດດຽວນີ້,ກໍມີປະຫວັດເຖິງ 200 ກວ່າປີແລ້ວ,ໃນຍາມບຸນດັ່ງກ່າວ,ຄົນທັງຫຼາຍກໍໄປຢາມຍາດມິດ,ຕ່າງຖາມຂ່າວກັນ,ໃນຍາມບຸນຍັງຈັດໃຫ້ມີການເສັງຂັບເສັງລຳ,ຄ່ຳມາ,ເຮືອນຫລັງໃດກໍໄຕ້ໂຄມໄຟແຈ້ງຮຸ່ງເຕັມຮ່ອມພູ,ບ່ອນໃດກໍໄດ້ຍິນແຕ່ສຽງຂັບສຽງລຳ, ສຽງຄ້ອງສຽງກອງດັງຄັບທ້ອງຟ້າ,ສຽງບັງກະໂພກດັງຄັບຮ່ອມພູ,ຄົນທັງຫຼາຍຖືໂຄມທີ່ໄດ້ແຕ້ມຮູບສັດນານາຊະນິດ,ຍ່າງເປັນແຖວຍາວປານມັງກອນຄຳລີເລືອໄປຫາແຕ່ລະບ້ານເຜົ່າເຊີ,ເຮັດໃຫ້ຮ່ອມພູເຕັມໄປດ້ວຍພາບສະຫຼອງບຸນດ້ວຍຄວາມເບີກບານມ່ວນຊື່ນ.
1 2 3
|
