|
|
 |
| (GMT+08:00)
2004-12-13 09:48:15
|
 |
|
ເຜົ່າເຊີ
cri
Author: sayvanny
ເດືອນສາມອອກໃຫມ່ສາມຄ່ຳທາງຈັນທະຄະຕິຈີນເຊິ່ງກົງກັບເດືອນເມສາຫຼືເດືອນພຶດສະພາຂອງຄ.ສ.ແຕ່ລະປີ,ກໍແມ່ນມື້ບຸນປະເພນີຂອງເຜ່ົາເຊີຄືກັນ,ໃນມື້ນັ້ນ,ຄົນຫມົດຄອບຄົວຕ້ອງໂຮມກັນກິນເຂົ້າຮ່ວມພາທີ່ມີສີສັນພິເສດແນວຫນຶ່ງ,ຄືເກັບເອົາພືດປ່າຊະນິດຫນຶ່ງມາບົດໃຫ້ມຸ່ນແລ້ວເອົາຜ້າມາຫໍ່ໄວ້ໃນຫມໍ້,ຖອກນ້ຳໃສ່ເອົາໄປຕົ້ມຈົນຮອດນ້ຳສີດຳ,ແລ້ວເອົາເຂົ້າຫນຽວຖອກລົງໄປຕົ້ມຈົນສຸກ,ເຂົ້າຊະນິດນີ້ເປັນສີດຳກ່ຳແລະມີບົດບາດບຳລຸງມ້າງ,ເອົາໄວ້ຢູ່ບ່ອນມືດໃນຮົ່ມຫຼາຍມື້ກໍບໍ່ບູດ,ເວລາຈະກິນ,ເອົານ້ຳມັນຫມູມາຂົ້ວຈົນຫອມອ່ອຍຮ່ອຍຫນ້າກິນ.
ໃນມື້ນັ້ນ,ນອກຈາກຄົນຫມົດຄອບຄົວກິນເຂົ້າຮ່ວມພາຍັງຕ້ອງຈັດງານລ້ຽງຍາດມິດແລະລ້ຽງຜີເຮືອນອີກ,ເຄື່ອງນຸ່ງຂອງຖືທີ່ມີມູມເຊື້ອຂອງແມ່ຍິງເຜົ່າເຊີແມ່ນມີຫຼາຍຮູບຫຼາຍສີ,ຜູ່ເຖົ້າມັກນຸ່ງສົ້ງກິ້ນ,ໃນເວລາແຕ່ງດອງ,ແມ່ຍິງເຜົ່າເຊີກໍຕ້ອງນຸ່ງເຄື່ອງແບບນົກຫົງ,ອັນເປັນສັນຍາລັກໃຫ້ແກ່ສິລິມຸງຄຸນ,ເຄື່ອງນຸ່ງແບບນົກຫົງແມ່ນມີວາດພິເສດ,ສິ້ນກໍແສ່ວຂອບສີຕ່າງໆໃສ່,ເຜົ່າເຊີມັກຫຼິ້ນກິລາ,ໃນລາຍການກິລາທີ່ມີມູນເຊື້ອນັ້ນ,ປະເພດທີ່ດູດດຶງຄົນກວ່າຫມູ່ແມ່ນປີນພູ,ຄັນຮອດເດືອນສາມອອກໃຫຍ່ສາມຄ່ຳທາງຈັນທະຄະຕິຈີນເຊິ່ງເປັນຍາມດອກໄມ້ບານອາກາດອົບອຸ່ນແລະໃນຍາມເດືອນ 9 ອອກໃຫມ່ 9 ຄ່ຳທາງຈັນທະຄະຕິຈີນເຊິ່ງອາກາດແຈ່ມໃສທ້ອງຟ້າສີຄາມ,ແຕ່ລະບ້ານເຜົ່າເຊີກໍຈັດການແຂ່ງຂັນປີນພູທີ່ມີລັກສະນະມວນຊົນ.ບ່ອນປີນພູສ່ວນຫຼາຍແມ່ນເລືອກຈັດຢູ່ຕາມດອຍສູງກວ່າລະດັບນ້ຳທະເລ 600 ກວ່າແມັດຂຶ້ນເມືອ,ໃນເວລານັ້ນ,ເຂົາເຈົ້າບໍ່ຈຳກັດທ້ອງຖິ່ນບໍ່ຈຳແນກຍິງຊາຍນ້ອຍໃຫຍ່,ຈົນຮອດແຂກຄົນທີ່ເດີນຜ່ານບ້ານເຫຼົ່ານັ້ນ,ກໍສາມາດເຂົ້າຮ່ວມນຳໄດ້,ໃນມື້ນັ້ນ,ພໍຕາເວັນໂພ່ຂຶ້ນຈາກຂອບຟ້າກໍເຫັນຄົນທັງຫຼາຍນຸ່ງເຄື່ອງຊົນເຜົ່າຊຸດງາມໆ,ໃສ່ກຸບທີ່ເຮັດຢ່າງປານີດ,ມາເຕົ້າໂຮມກັນຢູ່ບ່ອນປີນພູ,ພໍຕາເວັນໂພ່ຂຶ້ນແຈ້ງຄັກແລ້ວ,ກໍໄດ້ຍິນສຽງປືນແກັບດັງກ້ອງຂຶ້ນໃນຮ່ອມພູ,ແລ້ວກໍໄດ້ຍິນສຽງຄ້ອງສຽງກອງດັງຖ້ວມຟ້າ,ບັດນັ້ນ,ຄົນທັງຫຼາຍກໍແລ່ນຂຶ້ນພູ,ຕາມທາງຂອງໃຜຂອງລາວປານລູກຫນ້າພຸ່ງອອກຈາກຄັນ,ຕ່າງຍາດກັນປີນຂຶ້ນເມືອຮອດຈອມພູ,ຜູ່ໄປຮອດຈຸດຫມາຍປາຍທາງກ່ອນຫມູ່ເປັນຜູ່ຊະນະເລີດ,ຈະໄດ້ຮັບທຸງໄຊແລະໄດ້ຮັບຄວາມຍ້ອງຍໍສໍລະເສີນຈາກຄົນທັງຫຼາຍ,ເມື່ອຜູ່ເຂົ້າຮ່ວມການແຂ່ງຂັນປີນພູຂຶ້ນເມືອຮອດຈອມດອຍຫມົດທຸກຄົນແລ້ວ,ເຂົາເຈົ້າກໍເລີ່ມຈັດຊຸມນຸມຕໍ່ແຍກັນຢ່າງມ່ວນຊື່ນ,ຊ່າງຂັບທັງຫຼາຍຕ່າງສະແດງສຽງຂັບສຽງລຳຂອງຕົນຢ່າງເຕັມທີ່,ສຽງຂັບສຽງລຳດັງຂຶ້ນດັງລົງບໍ່ຂາດສາຍ,ອັນໄດ້ສ້າງບັນຍາກາດຟົດຟື້ນທີ່ສຸດ.
1 2 3
|
|
|
