ຕາມໄດ້ຊາບ, ສຳນັກພັດທະນາເມືອງອ່າວກ່ຳປັ່ນຊູບິກໄດ້ສະໜອງເງື່ອນໄຂພິເສດດ້ານພາສີອາກອນແກ່ບໍລິສັດທີ່ລົງທຶນຢູ່ທີ່ນີ້. ບໍລິສັດລົງທຶນມີແຕ່ເສຍອາກອນນິຕິບຸກຄົນທີ່ກວມ 5% ຂອງຍອດຈຳນວນລາຍຮັບກໍໄດ້ແລ້ວ, ເມື່ອສົ່ງອອກສິນຄ້າແລ້ວ, ຍັງຍົກເວັ້ນພາສີອາກອນໄດ້. ເວັ້ນແຕ່ການເຄື່ອນໄຫວເສດຖະກິດທີ່ສຳນັກການ ລົງທຶນຂອງຟີລິບປີນເກືອດຫ້າມນັ້ນ, ບໍລິສັດຕ່າງປະເທດຈະສ້າງບໍລີສັດລົງທຶນແຕ່ຝ່າຍດຽວໄດ້ໃນທຸກການເຄື່ອນໄຫວເສດຖະກິດ, ເງື່ອນໄຂທີ່ມີຜົນດີເຫຼົ່ານີ້ໄດ້ດູດດຶງການລົງທຶນຂອງຕ່າງປະເທດ.
ເມືອງຊູບິກໃນປະຈຸບັນໄດ້ຖືກພັດທະນາເປັນໃຈກາງທີ່ດູດດຶງບໍລິສັດຂ້າມຊາດໃນທົ່ວໂລກມາລົງທຶນ, ດຽວນນີ້, ມີບໍລິສັດ 300 ກວ່າແຫ່ງແລ້ວ, ໄດ້ສ້າງ 7 ໝື່ນກວ່າຕ່ຳແໜ່ງວຽກງານ.
ເມືອງຊູບິກໄດ້ກາຍເປັນແບບຢ່າງແຫ່ງການພັດທະນາເສດຖະກິດຂອງຟີລິບປີນ, ຢູ່ນີ້, ມີພື້ນຖານໂຄງລ່າງ ອຸດສາຫະກຳຜະລິດການຄ້າ ອົງການວິຊາການ ການທ່ອງທ່ຽວຊີວະພາບ-ວັດທະນະທຳແລະບໍລິການອື່ນໆຄົບໝົດຊູ່ຢ່າງ. ໃນແຜນການປົກຄອງ 6 ປີຂ້າງໜ້ານີ້, ທ່ານນາງອາໂລໂຢ ປະທານາທິບໍດີຟີລິບປີນເວົ້າວ່າ, ຈະພັດທະນາເມືອງຊູບິກແລະເມືອງຄຼາກເປັນສູນບໍລິການສາກົນແລະສູນພະລາທິການສາກົນທີ່ມີຄວາມສາມາດແກ່ງແຍ່ງຫຼາຍທີ່ສຸດໃນພາກພື້ນອາຊີອາຄະເນ.
ເມືອງຊູບິກທີ່ຜ່ານຜ່າຟ້າຝົນລົມແດງໄດ້ບຸກໜ້າບືນຕົວແລ້ວ, ປະຈຸບັນນນີ້ໄດ້ມີໂສມໜ້າໃໝ່.
1 2
|
