|
ທ່ານຜູ້ຟັງ,ທີ່ທ່ານພວມຟັງຢູ່ນີ້ແມ່ນໂຄສົກຂອງຮ້ານຄ້າແຫ່ງໜຶ່ງຢູ່ປັກກິ່ງພວມອ່ານປະກາດແຈ້ງການຕໍ່ລູກຄ້າກ່ຽວກັບເລື່ອງບໍລິຈາກເງິນ.ປະກາດແຈ້ງການຫາກໍ່ອ່ານແລ້ວ,ຫຼາຍຮ້ອຍຄົນກໍໄດ້ພາກັນລຽນເປັນແຖວຍາວຢູ່ຕໍ່ໜ້າຫີບບໍລິຈາກເງິນ,50ຢວນ,100ຢວນ,ເງິນຢວນຈີນທີ່ເຕັມໄປດ້ວຍຄວາມຮັກແພງຂອງລູກຄ້າໃນຮ້ານຄ້ານັ້ນໄດ້ປ່ອນລົງຫີບ.ໄພພິບັດຄື້ນທະເລຊູນາມີມະຫາສະໝຸດອິນເດຍທີ່ເກີດຂຶ້ນໃນວັນທີ26ທັນວາປີກາຍໄດ້ເຮັດໃຫ້ປະຊາຊົນຈີນມີຄວາມເຫັນອົກເຫັນໃຈນຳປະຊາຊົນປະເທດປະສົບໄພ,ເລີຍພາກັນບໍລິຈາກເງິນແລະວັດຖຸໃຫ້ເຂດປະສົບໄພ.
ວັນທີ7ມັງກອນ,ນັກຮຽນປະຖົມຂອງນະຄອນຊຽງໄຮ້ບໍລິຈາກເງິນໃຫ້ເຂດປະສົບໄພ
ຕອນບ່າຍວັນທີ31ທັນວາປີ2004,ຢູ່ປັກກິ່ງ,ໃນເວລາທ່ານເວິນເຈຍປາວ ນາຍົກລັດຖະມົນຕີຈີນພົບປະທູຕານຸທູດຂອງປະເທດປະສົບໄພຄື້ນທະເລຊູນາມີປະຈຳຈີນແລະຜູ້ຕາງໜ້າຂອງອົງການຈັດຕັ້ງສາກົນປະຈຳຈີນ,ທ່ານໂຣດຼີໂກເອອັກຄະລັດຖະທູດສີລັງກາປະຈຳຈີນໄດ້ເລົ່າເລື່ອງໜຶ່ງສູ່ຟັງວ່າ,ຕອນທ່ຽງມື້ນັ້ນ,ນັກຮຽນມັດຖະຍົມຕົ້ນປັກກິ່ງ2ຄົນໄດ້ໄປຮອດສະຖານທູດສີງລັງກາປະຈຳຈີນ,ບໍລິຈາກເງິນ400ຢວນໃຫ້ມວນຊົນສີລັງກາທີ່ປະສົບໄພ.ທ່ານໂຣດຼິໂກເອອັກຄະລັດຖະທູດຮູ້ສຶກກະຕຸ້ນໃຈຫຼາຍ,ທ່ານເຫັນວ່າ,ແຕ່ເກີດໄພຄື້ນທະເລຊູນາມີມານີ້,ການຊ່ອຍເຫຼືອເຂດປະສົບໄພຢ່າງຕັ້ງໜ້າບໍ່ພຽງແຕ່ແມ່ນການກະທຳຂອງລັດຖະບານຈີນທໍ່ນັ້ນ,ຫາກຍັງແມ່ນການເຄື່ອນໄຫວຂອງຊາວຈີນທຸກຖ້ວນໜ້າ.ຈາກເດັກນ້ອຍສອງຄົນນີ້,ທ່ານໄດ້ ຮູ້ສຶກຄວາມຈິງໃຈຂອງປະຊາຊົນຈີນອີກເທື່ອໜຶ່ງ. ທ່ານເຫັນວ່າ,ເງິນ400ຢວນດັ່ງກ່າວແມ່ນເຕັມໄປດ້ວຍຄວາມຮັກແພງຢ່າງເລິກເຊິ່ງເຊັ່ນດຽວກັນກັບເງິນຊ່ວຍເຫຼືອຈຳນວນ1ລ້ານໂດລາສະຫະລັດ.
ນັກຮຽນມັດຖະຍົມຕົ້ນສອງຄົນທີ່ທ່ານໂຣດຼີໂກກ່າວມາຂ້າງເທິງນັ້ນ,ຜູ້ໜຶ່ງຊື່ວ່າຟູ້ຈີ້ ອີກຜູ້ໜຶ່ງຊື່ວ່າລີວຊ່ຽວຢາງ,ແມ່ນນັກຮຽນປີ3ຂອງໂຮງຮຽນມັດຖະຍົມຕົ້ນຈົ່ງກວນຊຸນປັກກິ່ງ.ເມື່ອເວົ້າເຖິງເລື່ອງບໍລິຈາກເງິນຢູ່ສະຖານທູດສີລັງກາ,ທ້າວຟູຈີທີ່ອາຍຸ14ປີເວົ້າວ່າ:
" ເມື່ອໄດ້ຍິນຂ່າວວ່າປະເທດຈຳນວນໜຶ່ງໄດ້ຮັບຜົນກະທົບຈາກຄື້ນທະເລຊູນາມີ,ພວກເຮົາກໍ ຄຶດໂດຍຕະຫຼອດວ່າຈະປະກອບສ່ວນເລັກໜ້ອຍເພື່ອປະຊາຊົນທີ່ປະສົບໄພຈາກຊ່ອງທາງໃດແດ່,ຈາກນັ້ນມາ,ພວກເຮົາກໍຊອກໄດ້ເບີໂທຂອງສະຖານທູດສີລັງກາປະຈຳຈີນ,ພວກເຮົາໄດ້ໂທຢູ່ໂຮງຮຽນ,6ໂມງປາຍໃນຕອນແລງມື້ດຽວກັນ,ສະຖານທູດສີລັງກາກໍໄດ້ຕິດຕໍ່ກັບພວກເຮົາຍວ່າ,ຈະຮັບເອົາການບໍລິຈາກຂອງພວກເຮົາ,ເມື່ອກັບຄືນຮອດບ້ານແລ້ວ,ພໍ່ແມ່ກໍສະໜັບສະໜູນພວກເຮົາ,ມື້ລຸນມາ,ພວກເຮົາກໍໄດ້ບໍລິຈາກເງິນໃຫ້ສະຖານທູດສີລັງກາ"
ນອກຈາກບໍລິຈາກເງິນໃຊ້ຈ່າຍຍິກຍ່ອຍຂອງຕົນແລ້ວ,ພວກເຂົາເຈົ້າຍັງໄດ້ຂຽນຈົດໝາຍກ້ານໜຶ່ງດ້ວຍພາສາອັງກິດໄປຍັງມາດາມກູມາລາຕຸງປະທານາທິບໍດີສີລັງກາເພື່ອສະແດງຄວາມຮັກແພງແລະເອົາໃຈໃສ່ນຳປະຊາຊົນເຂດປະສົບໄພ.
1 2
|
