|
|
 |
| (GMT+08:00)
2005-01-18 14:44:17
|
 |
|
ຊີວິດຕ່າງຫາກຢູ່ພາກຕາເວັນຕົກຂອງນາງສືຈ່ວນ
cri
Author: Q
ໃນປີ2004,ນາງສືຈ່ວນໄດ້ທຳການຕົກລົງສຳຄັນອັນໜຶ່ງ,ໃນເວລາໄຂສົກຮຽນລະດູໃບໄມ້ຫຼົ່ນປີ2004,ນາງຕົກລົງປະວຽກງານຢູ່ສຳນັກງານທະນາຍຄວາມແຫ່ງໜຶ່ງຢູ່ເສີ່ນເຈິ້ນ ເມືອງພາກໃຕ້ຂອງຈີນ,ອຳລາຈາກຜົວແລະລູກຊົ່ວຄາວ,ແລ້ວໄປເປັນຄູອາຈານຢູ່ເຂດພູດອຍທີ່ສອກຫຼີກດ້ວຍຄວາມສະໝັກໃຈ.
ຢູ່ນະຄອນເສີ່ນເຈິ້ນ,ນາງສືຈ່ວນເຄີຍມີວຽກງານຄົງທີ່,ຍັງມີຜົວທີ່ຮັກແພງຕົນແລະລູກຊາຍທີ່ໜ້າຮັກ.ໃນສາຍຕາຂອງຜູ້ອື່ນ,ນາງຄືຈັ່ງວ່າມີທຸກສິ່ງທຸກຢ່າງທີ່ແມ່ຍິງທຳມະດາຢາກໄດ້.ຍ້ອນເຫດຜົນໃດນາງຈິ່ງປະຊີວິດການເປັນຢູ່ທີ່ອິ່ມໜຳ ສຳລານ,ໄປ ບ້ານພູດອຍຢູ່ແຂວງກຸຍໂຈ່ວທີ່ໄກຈາກເສິ່ນເຈິ້ນຕັ້ງ500ກວ່າກິໂລແມັດແຕ່ພູ້ດຽວ? ຄຳຕອບຂອງນາງສືຈ່ວນແມ່ນງ່າຍທີ່ສຸດ:
"ເຮົາ ຢາກຢູ່ນຳກັນກັບນັກຮຽນເຫຼົ່ານີ້,ຢາກຜ່ານຈາກການສິດສອນຂອງຜູ້ອາສາສະໝັກພວກເຮົາ,ດັດແປງທັດສະນະຄະຕິຈຳນວນໜຶ່ງຂອງພວກເຂົາເຈົ້າ.ໃນເວລາເຮົາສອນໜັງສື,ພວກເຂົາເຈົ້າມີຄວາມຫ້າວຫັນຫຼາຍ. ເຮົາ ຢາກຜ່ານຄວາມພະຍາຍາມຂອງຕົນ,ເຮັດໃຫ້ພວກເຂົາເຈົ້າຮັບຮູ້ວ່າການຮຽນຄວາມຮູ້ແມ່ນເລື່ອງສຳຄັນ."
ຢູ່ຈີນຊູ່ມື້ນີ້,ຄົນທີ່ມີຄວາມຄິດຄືກັນກັບນາງສືຈ່ວນນັ້ນເພີ່ມຂຶ້ນນັບມື້ນັບຫຼາຍ,ມີຄົນນັບມື້ນັບຫຼາຍປາຖະໜາຢາກເຂົ້າຮ່ວມພາລະກິດສາທາລະນະປະໂຫຍດສັງຄົມ.ໃນຫຼາຍປີມໍ່ໆມານີ້,ອົງການຈັດຕັ້ງຝ່າຍທາງການແລະຝ່າຍພົນລະເຮືອນຂອງຈີນຈຳນວນໜຶ່ງ,ແຕ່ລະປີຍັງໄດ້ຈັດຕັ້ງຜູ້ອາສາສະໝັກເປັນປະຈຳ,ຈັດວາງພວກເຂົາເຈົ້າໄປເຂດພາກຕາເວັນຕົກຂອງຈີນທີ່ການພັດທະນາເສດຖະກິດຫຼ້າຫຼັງໂດຍທຽບຖານ,ເພື່ອດຳເນີນການເຄື່ອນໄຫວບໍລິການໃນດ້ານຕ່າງໆເຊັ່ນ:ການສຶກສາ,ການປິ່ນປົວ,ການຜະລິດກະສິກຳ,ໃຫ້ຄຳປຶກສາດ້ານກົດໝາຍ,ການຄຸ້ມຄອງບໍລິຫານເປັນຕົ້ນ.ນັບມາຮອດທ້າຍປີ2004,ຜູ້ອາສາສະໝັກຢູ່ພາກຕາເວັນຕົກຂອງຈີນມີເກືອບ2ໝື່ນຄົນແລ້ວ.
ໃນນາມເປັນສະມາຊິກຜູ້ໜຶ່ງ,ນາງສືຈ່ວນເວົ້າວ່າ,ຕົນ ທຳການຕົກລົງໃນຫົວທີແມ່ນຍ້ອນໄດ້ຮັບຜົນສະທ້ອນຈາກຜູ້ອາສາສະໝັກນຳໜ້າຫຼາຍຄົນ.ນາງສືຈ່ວນໄດ້ດຳລົງຊີວິດໃນຕົວເມືອງໂດຍຕະຫຼອດ,ໃຊ້ຊີວິດແບບກິ່ນອິ່ມນຸ່ງອຸ່ນ,ເຖິງວ່ານາງໄດ້ມີຊີວິດການເປັນຢູ່ທີ່ສະຫງົບສຸກກໍຕາມ,ແມ່ນນາງມີຄວາມຮັກແພງອັນອົບອຸ່ນ.ນາງຮູ້ສຶກວ່າຕົນຄວນເຮັດເລື່ອງຈຳນວນໜຶ່ງເພື່ອຜູ້ທີ່ຕ້ອງການຄວາມຊ່ອຍເຫຼືອ.ສ່ວນຄວາມເຂົ້າໃຈແລະການສະໜັບສະໜູນຂອງຜົວໄດ້ເຊີດຊູກຳລັງໃຈໃຫ້ນາງເປັນຢ່າງໃຫຍ່ຫຼວງ.
1 2
|
|
|
