|
ຄົນເຮົາມັກເວົ້າເລື້ອຍໆວ່າ,ການຄັດເລືອກເທື່ອດຽວອາດຈະຕັດສິນຊາຕາກຳຂອງຜູ້ໜຶ່ງ.ໃນ4ປີກ່ອນ,ຈີນມີຜູ້ເຝິກ ຟາລຸນກົງ7ຄົນໄດ້ກໍ່ເຫດການເຜົາຕົວເອງຕາຍຢູ່ສະໜາມຫຼວງທຽນອານເມິນທີ່ປັກກິ່ງເຊິ່ງເຮັດໃຫ້ຄົນຢູ່ພາຍໃນແລະຕ່າງປະເທດຕື່ນຕົກ ໃຈ.ເຫດການດັ່ງກ່າວໄດ້ພາໃຫ້ແມ່ແລະລູກສາວສອງຄົນເສຍຊີວິດ,ທັງໄດ້ປ່ຽນແປງຊີວິດຂອງຜູ້ກໍ່ເຫດການອື່ນໆພ້ອມດ້ວຍຄອບຄົວຂອງພວກເຂົາເຈົ້າ.4ປີຜ່ານໄປແລ້ວ,ປະຈຸບັນ,ຊີວິດການເປັນຢູ່ໃນປະຈຸບັນຂອງພວກຜູ້ກໍ່ເຫດພ້ອມດ້ວຍຄອບຄົວຄືແນວໃດ?ເຊີນທ່ານຕິດຕາມນັກຂ່າວວິທະຍຸCRIໄປເບິ່ງຊີວິການເປັນຢູ່ໃນປະຈຸບັນຂອງພວກເຂົາເຈົ້າ.
"ໃນໂຮງສະຫວັດດີການແຫ່ງໜຶ່ງທີ່ຕັ້ງຢູ່ຊານເມືອງຄາຍເຟີງ ແຂວງເຮີນານ ພາກກາງຂອງຈີນ,ມີເດີ່ນບ້ານນ້ອຍໆທີ່ສະອາດ,ພາຍໃນເດີ່ນບ້ານຍັງມີເຮືອນຊັ້ນດຽວທີ່ກວ້າງຂວາງແຖວໜຶ່ງ,ຕໍ່ໜ້າເຮືອນຍັງມີດິນປູກຜັກຜືນໜຶ່ງ.ຍັງມີສຽງດົນຕີທີ່ອອນຊອນດັງອອກມາຈາກເດີ່ນບ້ານນ້ອຍໆແຫ່ງນີ້.ນາງຫ້າວຮຸ້ຍຈຸ່ນແລະນາງເສີນໂກແມ່ກັບລູກສາວສອງຄົນທີ່ເຂົ້າຮ່ວມເຫດການເຜົາໂຕເອງຕາຍທີ່ສະໜາມຫຼວງທຽນອານເມິນນັ້ນກໍແມ່ນດຳລົງຊີວິດຢູ່ແຫ່ງນີ້."
ໃນຜູ້ເຂົ້າຮ່ວມເຫດການເຜົາໂຕຕາຍທັງໝົດ,ນາງ ເສີນໂກ ຜູ້ເປັນລູກສາວຂອງນາງຫ້າວຮຸ້ຍຈຸ່ນແມ່ນຜູ້ທີ່ໜ້າເສຍດາຍທີ່ສຸດ.ນາງເຄີຍເປັນນັກສຶກສາຂອງວິທະຍາຄານດົນຕີສູນກາງຂອງຈີນ,ນາງມັກດີດພິນ" ຜີຜາ" ມະໂຫລີດັ້ງເດີມຂອງຈີນ.ພາຍຫຼັງເຜົາໂຕເອງແລ້ວ,ແປວໄຟວູ່ໆໄດ້ທຳລາຍມືສອງເບື້ອງຂອງນາງ.ປະຈຸບັນ,ໃນເວລາຫວ່າງນອກການປິ່ນປົວຟື້ນຟູໃນແຕ່ລະມື້,ນາງມັກຟັງດົນຕີ.ນາງໄດ້ດຳລົງຊີວິດຢ່າງມ່ວນຊື່ນ.ປະຈຸບັນ,ຄວາມປາຖະໜາແຮງກວ່າໝູ່ຂອງນາງກໍແມ່ນໃສ່ອົງຄະທຽມ,ແລະຜ່ານການແປງໂສມໜ້າ,ແລ້ວສະແດງຢູ່ເທິງເວທີອີກ.
ນາງເສີນໂກກ່ອນເຜົາໂຕເອງຕາຍ
ນາງເສີນໂກແລະນາງຫ້າວຮຸຍຈຸ່ນ ຜູ້ເປັນແມ່ບາດເຈັບໜັກຍ້ອນເຜົາໂຕເອງ,ຖືກທໍລະມານທັງດ້ານຈິດໃຈແລະຮ່າງກາຍ.ພາຍໃຕ້ການຊ່ອຍເຫຼືອຈາກລັດຖະບານຈີນແລະວົງການຕ່າງໆໃນສັງຄົມ,ພວກເຂົາເຈົ້າໄດ້ຮັບຮູ້ເຖິງທາດແທ້ຂອງສາສະໜາເຂວຟາລຸນກົງ,ໄດ້ປະລະການເຊື່ອຖືຟາລຸນກົງຢ່າງເຖິງຖອງ.ພວກເຂົາເຈົ້າຮູ້ສຶກກິນແໜງແຄງໃຈຕໍ່ການກະທຳຂອງຕົນໃນເມື່ອກ່ອນ.
ຍ້ອນຮ່າງກາຍເປັນພິການຢ່າງໜັກໜ່ວງ,ຊີວິດປະຈຳວັນຂອງນາງຫ້າວຮຸ້ຍຈຸ່ນແລະນາງເສີນໂກລ້ວນແຕ່ຕ້ອງອີງໃສ່ການເບິ່ງແຍງດູເລຂອງຜູ້ປະຕິບັດງານຂອງໂຮງສະຫວັດດີການ.ພວກເຂົາເຈົ້າຮູ້ສຶກເພິງພໍໃຈທີ່ສຸດນຳຊີວິດການເປັນຢູ່ໃນປະຈຸບັນ.ນາງຫ້າວຮຸ້ຍຈຸ່ນຍັງຢາກເຮັດເລື່ອງເລັກໜ້ອຍເພື່ອສັງຄົມຕາມຄວາມສາມາດຂອງຕົນ.ນາງເວົ້າວ່າ:
"ເມື່ອຫຼຸດພົ້ນອອກຈາກຟາລຸນກົງແລ້ວ,ຂ້ອຍໄດ້ຮັບຮູ້ວ່າຕົນໄດ້ນຳເອົາຄວາມລຳຄານຢ່າງຫຼວງຫຼາຍມາໃຫ້ສັງຄົມ,ເລີຍຫວັງຢາກແຕ່ງບົດເພື່ອຕອບແທນບຸນຄຸນຂອງສັງຄົມ.ພາຍລຸນມາ,ຂ້ອຍໄດ້ຮຽບຮຽງນິທານພື້ນເມືອງແລະນິທານອຸປະມາເປັນຕົ້ນ,ຂໍໃຫ້ຜູ້ປະຕິບັດງານຊ່ອຍບັນທຶກໄວ້."
1 2 3
|
