|
ພວກເຮົາຢາກດຳລົງຊີວິດແບບທຳມະດາ-----ຊີວິດການເປັນຢູ່ໃນປະຈຸບັນຂອງຜູ້ເຝິກຟາລຸນກົງທີ່ເຂົ້າຮ່ວມເຫດການເຜົາໂຕເອງຕາຍຢູ່ສະໜາມຫຼວງທຽນອານເມິນ(ພາບ)
cri
Author: q
ເມື່ອກ່າວເຖິງທ່ານວາງຈິ່ນຕົ່ງທີ່ພວມໃຊ້ຊີວິດໃນຄຸກໃນປະຈຸບັນ,ແມ່ແລະລູກສາວສອງຄົນຄື ນາງເຮີຫາຍຮວາແລະນາງວາງຈ່ວນລ້ວນແຕ່ໄວ້ວາງໃຈຫຼາຍ,ພວກເຂົາເຈົ້າຫວັງໃຫ້ທ່ານວາງຈິ້ນຕົ່ງດັດສ້າງຕົນເອງໃຫ້ດີ,ເພື່ອໃຫ້ໄດ້ອອກຈາກຄຸກແລ້ວປຸ້ມລຸມຫຸ້ມຫໍ່ກັນກັບຄອບຄົວໂດຍໄວ.ນາງ ເຮີຫາຍຮວາພວມປາຖະໜາຫາຊີວິດອັນດີງາມພາຍຫຼັງຜົວອອກຈາກຄຸກ,ນາງເວົ້າວ່າ:
"ວາງຈິ້ນຕົ່ງເວົ້າວ່າເມື່ອອອກຈາກຄຸກແລ້ວ,ຈະເຮັດທຸລະກິດກິ່ນດີ່ມກ່ອນ,ເມື່ອອາຍຸແກ່ແລ້ວຈິ່ງເຮັດທຸລະກິດຂາຍຂອງລະລຶກທ່ອງທ່ຽວ.ລາວໄດ້ຂຽນຈົດໝາຍມາວ່າ,ພາຍຫຼັງອອກຈາກຄຸກແລ້ວຈະພາໝົດຄອບຄົວເຮັດທຸລະກິດ,ເມື່ອຮັ່ງມີຂຶ້ນແລ້ວກໍພາຂ້ອຍອອກໄປທ່ອງທ່ຽວ."
ການເອົາໃຈໃສ່ແລະການເຊີດຊູກຳລັງໃຈຂອງເມຍແລະລູກສາວໄດ້ໃຫ້ການສະໜັບສະໜູນດ້ານຈິດໃຈອັນແຂງແຮງແກ່ທ່ານວາງຈິ້ນຕົ່ງທີ່ຍັງຢູ່ຄຸກ.ພາຍໃຕ້ການຊ່ອຍເຫຼືອຂອງລັດຖະບານແລະຄອບຄົວ,ທ່ານວາງຈິ້ນຕົ່ງໄດ້ຫຼຸດພົ້ນອອກຈາກການຄວບຄຸມທາງຈິດໃຈຂອງຟາລຸນກົງ,ແລະໄດ້ປົວຫາຍບາດແຜໄຟໃໝ້ໂດຍພື້ນຖານ.ທ່ານວາງຈິ້ນຕົ່ງເປັນຄົນເວົ້າກົງໄປກົງມາ,ໄດ້ສະແດງໃຫ້ເຫັນທ່າທີແຈ່ມແຈ້ງຕໍ່ຜູ້ທີ່ເຄີຍຊ່ອຍຕົນແລະຜູ້ທີ່ເຄີຍທຳຮ້າຍຕົນ,ທ່ານເວົ້າວ່າ:
"ລັດຖະບານໄດ້ກອບກູ້ຂ້ອຍ,ກອບກູ້ເອົາຄອບຄົວຂ້ອຍ,ໄດ້ໃຫ້ຂ້ອຍມີຊີວິດເປັນເທື່ອທີສອງ.ໃນນາມເປັນຄົນຈີນ,ຂ້ອຍຕ້ອງຮັກຫອມປະເທດຊາດຂອງຕົນ.ຂ້ອຍມີໜ້າທີ່ຮັບຜິດຊອບໄປຊັກຊວນພວກທີ່ຍັງມົວເມົານຳຟາລຸນກົງແລະພວກທີ່ຍັງມີທັດສະນະມະລຸມມະລ້ວຍ.ເກມທີ່ໂງ່ຈ້າແລະໄຮ້ສາລະແບບນີ້ໄດ້ສິ້ນສຸດລົງແລ້ວ.ຟາລຸນກົງແມ່ນສັບແທນນາມຂອງຄວາມໂງ່ຈ້າ.ຕໍ່ລີຫົງຈີ້ ຫົວໂປ່ຟາລຸນກົງ,ຂ້ອຍມີແຕ່ຢາກເວົ້າວ່າ,ຂ້ອຍຄຽດຊັງແລະເບື່ອໜ່າຍເຈົ້າ.ເພາະວ່າເຂົາໄດ້ທຳຮ້າຍຍາດຕິພີ່ນ້ອງຂອງພວກເຮົາຈົນຕາຍ."
ຜູ້ທີ່ຈຳຄຸກຮ່ວມກັນກັບທ່ານວາງຈິ້ນຕົງຍັງມີນາງລີວຢຸນຟາງແລະທ່ານເສຍຫົງຈຸ່ນ,ຍ້ອນເຫດການເຜົາໂຕເອງຕາຍໄດ້ພາໃຫ້ສອງຄົນເສຍຊີວິດ,ສະນັ້ນ,ພວກເຂົາເຈົ້າສາມຄົນລ້ວນແຕ່ຖືກຕັດສິນມີໂທດຖານຂ້າຄົນໂດຍເຈດຕະນາ.ໃນນາມເປັນຜູ້ວາງແຜນແລະຜູ້ເຂົ້າຮ່ວມທີ່ສຳຄັນຂອງເຫດການເຜົາໂຕເອງ,ປະຈຸບັນ,ທ່ານລີວຢຸນຟາງໄດ້ຮັບຮູ້ຢ່າງເຕັມສ່ວນເຖິງຄວາມຜິດພາດຂອງຕົນແລ້ວ,ທ່ານເວົ້າວ່າ:"ປະຈຸບັນ,ຂ້ອຍຮູ້ວ່າຕົນຜິດແລ້ວ,ພວກເຮົາໄດ້ລະເມີດກົດໝາຍແຫ່ງຊາດ,ໄດ້ທຳລາຍລະບຽນການຂອງສັງຄົມ,ຂ້ອຍຄວນໄດ້ຮັບການລົງໂທດຕາມກົດໝາຍ.ຂ້ອຍຮູ້ແລ້ວວ່າດຽວນີ້ຂ້ອຍຄວນດັດສ້າງຕົນເອງໃຫ້ດີຢູ່ໃນຄຸກ."
ໃນ7ຄົນທີ່ເຜົາໂຕເອງຢູ່ສະໜາມຫຼວງທຽນອານເມິນ,ຍັງມີຜູ້ໜຶ່ງຊື່ວ່ານາງລິວປາວຢົງ,ເມື່ອຈາກປັກກິ່ງກັບຄືນຮອດບ້ານເກີດ ເມືອງຄາຍເຟິງແລ້ວ,ນາງຄ່ອຍໆຮັບຮູ້ທາດແທ້ຂອງສາສະໜາເຂວຟາລຸນກົງ,ຈາກນັ້ນຈິ່ງໄດ້ປະລະຟາລຸນກົງຢ່າງເຖິງຖອງ.ປະຈຸບັນ,ນາງສຸດທີ່ຖະໜອມຮັກຊີວິດການເປັນຢູ່ທີ່ສະຫງົບ,ແຕ່ລະມື້,ນາງເຮັດວຽກຢ້າວການເຮືອນ,ເປັນເມຍທີ່ດີແລະແມ່ທີ່ດີ.ໄດ້ດຳລົງຊີວິດຢ່າງສະຫງົບສຸກ.
1 2 3
|
|
