|
ເມືອງນົງອານ ແຂວງຈີລິນ ຕັ້ງຢູ່ພາກກາງຂອງູທົ່ງພຽງຕາເວັນອອກສຽງເໜືອຂອງຈີນ,ເປັນເມືອງຜະລິດທັນຍາຫານທີ່ມີຊື່ສຽງດົ່ງດັງໃນທົ່ວປະເທດຈີນ.ຄອບຄົວພໍ່ເຖົ້າຢູລຽນຈ່ຽງ ກໍແມ່ນຕັ້ງຢູ່ແຫ່ງນີ້.
ໃນຕອນຂ້ອນແຈ້ງມື້ໜຶ່ງຂອງເດືອນທັນວາປີ2004,ຢູ່ຊົນນະບົດທາງພາກຕາເວັນອອກສຽງເໜືອຂອງຈີນທີ່ມິດງຽບ.ແຕ່ໃນເດີ່ນບ້ານຂອງພໍ່ເຖົ້າຢູລຽນຈ່ຽງພັດມີໄຟຟ້າແຈ້ງສະຫວ່າງ.ຂະນະນີ້,ພໍ່ເຖົ້າຢູລຽນຈ່ຽງຢືນຢູ່ກາງເດີ່ນບ້ານ,ເຖິງວ່າພໍ່ເຖົ້າມີອາຍຸເກືອບ80ແລ້ວກໍຕາມ,ແຕ່ຍັງຫັນມັງຢູ່.ບົນໃບໜ້າດຳແດງຂອງພໍ່ເຖົ້າໄດ້ເຕັມໄປດ້ວຍຮອຍຫ່ຽວ.ເມື່ອຈັບມືຂອງພໍ່ເຖົ້າທີ່ຫຍາບຊາ ,ນັກຂ່າວກໍຮູ້ສຶກວ່າພໍ່ເຖົ້າຜູ້ນີ້ໄດ້ເຮັດວຽກໄຮ່ການນານຕະຫຼອດຊີວິດມາແລ້ວ.
ເຖິງວ່າຍັງເຊົ້າຢູ່ກໍຕາມ,ແຕ່ໃນເຮືອນຄົວ,ແມ່ເຖົ້າລິນຊິ້ວຈ່ວນແມ່ເຈົ້າເຮືອນກໍໄດ້ພາລູກໃພ້ສາມຄົນຂຸ້ນນຳການແຕ່ງກິນແລ້ວ.ເພາະວ່າມື້ນີ້ຈະຂ້າໝູ.ຕາມຮີດຄອງປະເພນີ,ເມື່ອຮອດທ້າຍປີ,ຄອບຄົວຊົນນະບົດພາກຕາເວັນອອກສຽງເໜືອຂອງຈີນກໍຕ້ອງຂ້າໝູ,ເຊີນແຂກມາຮັບປະທານອາຫານເຮັດດ້ວຍຊີ້ນໝູ.
ພໍ່ເຖົ້າຢູລຽນຈ່ຽງເວົ້າວ່າ,ປີ2004,ເກັບກູ້ເຂົ້າສາລີໄດ້ຢ່າງຫຼວງຫຼາຍ,ຄຸນນະພາບກໍດີກວ່າທຸກປີທີ່ຜ່ານມາ,ສະນັ້ນ,ຕ້ອງເຊີນຍາດຕິພີ່ນ້ອງແລະໝູ່ເພື່ອນຫຼາຍຄົນມາຮ່ວມມ່ວນຊື່ນນຳກັນ.
ໃນຖານເປັນແຫຼ່ງຜະລິດທັນຍາຫານຕົ້ນຕໍຂອງຈີນ,ເຂດພາກຕາເວັນອອກສຽງເໜືອຈີນປີ2004ເກັບກ່ຽວທັນຍາຫານໄດ້ຫຼາຍໂດຍທົ່ວໄປ.ນອກຈາກລູກຊາຍຜູ້ໜຶ່ງແລະລູກສາວຜູ້ໜຶ່ງໄດ້ໄປເຮັດວຽກຢູ່ຕົວເມືອງແລ້ວ,ຄົນອື່ນໃນຄອບຄົວພໍ່ເຖົ້າຢູລຽນຈ່ຽງລ້ວນແຕ່ເຮັດການປູກຝັງຢູ່ບ້ານ.ປີ2004,ພາຍໃຕ້ການຊ່ອຍເຫຼືອຂອງພວກລູກເຕົ້າ,ພໍ່ເຖົ້າຢູລຽນຈ່ຽງກັບເມຍໄດ້ເຮັດນາ1ເຮັກຕາ.ພໍ່ເຖົ້າເວົ້າວ່າ:"ລະດູບານໃໝ່ປີ2004,ຂ້ອຍໄດ້ປູກເຂົ້າສາລີ1ເຮັກຕາ,ເກັບກ່ຽວເຂົ້າສາລີໄດ້1ໝື່ນ8ພັນກວ່າກິໂລ,ຄັນຂາຍໄດ້0,8ຢວນຕໍ່ໂລໜຶ່ງ.ຈະໄດ້ເງິນລວມ1ໝື່ນ5ພັນກວ່າຢວນ,ເມື່ອຫັກຄ່າໃຊ້ຈ່າຍຕ່າງໆແລ້ວ,ຍັງຈະເຫຼືອ1ໝື່ນຢວນ."
ເມື່ອນັ່ງຢູ່ເທິງຕຽງດິນຈີ່ໂດຍມີໄຟໃຕ້ຢູ່ກ້ອງແບບອຸ່ນໆ,ພ້ອມກັນກັບໄທບ້ານທັງຫຼາຍກິນອາຫານ ທີ່ສົດໆຮ້ອນໆທີ່ເຮັດດ້ວຍຊີ້ນໝູ,ໃບໜ້າຂອງພໍ່ເຖົ້າຢູລຽນຈ່ຽງແຈ່ມໃສ,ເມື່ອໄດ້ດື່ມເຫຼົ່າຫຼາຍຈອກແລ້ວ,ພໍ່ເຖົ້າກໍເວົ້າສຽງດັງຂຶ້ນວ່າ,ປີ2004,ການປູກທັນຍາຫານບໍ່ຕ້ອງເສຍພາສີກະສິກຳ,ແຖມຍັງໄດ້ເງິນເກື້ອກູນອີກຊ້ຳ.ສະນັ້ນ,ໄທບ້ານທັງຫຼາຍຈິ່ງມີຄວາມຫ້າວຫັນຫຼາຍໃນການປູກພືດພັນທັນຍາຫານ.
ປີ2004,ຊາວກະສິກອນສ່ວນຫຼາຍຂອງຈີນອາດຈະມີຄວາມຮູ້ສຶກ ຄືກັນກັບພໍ່ເຖົ້າຢູລຽນຈ່ຽງ.ການຂາຍພືດພັນທັນຍາຫານຫຼາຍແລະສ້າງລາຍໄດ້ເພີ່ມຂຶ້ນແມ່ນຫົວຂໍ້ທີ່ພວກເຂົາເຈົ້າສົນໃຈທີ່ສຸດ.ແຕ່ທ້າຍປີ2003ເປັນຕົ້ນມາ,ລາຄາທັນຍາຫານສູງຂຶ້ນນັ້ນໄດ້ນຳເອົາຜົນປະໂຫຍດຕົວຈິງມາໃຫ້ຊາວກະສິກອນ.ໃນ9ເດືອນຕົ້ນປີ2004,ລາຍໄດ້ສະເລ່ຍຕາມຫົວຄົນຂອງຊາວກະສິກອນໄດ້ເພີ່ມຂຶ້ນຫຼາຍກວ່າເວລາດຽວກັນຂອງປີ200310%ຂຶ້ນໄປ,ແມ່ນປີທີ່ເພີ່ມຂຶ້ນໄວກວ່າໝູ່ແຕ່ປີ1997ມານີ້.
ເລື່ອງທີ່ເຮັດໃຫ້ພໍ່ເຖົ້າຢູລຽນຈ່ຽງພໍໃຈທີ່ສຸດນັ້ນແມ່ນຕົ້ນປີ2004,ລັດຖະບານຈີນໄດ້ວາງນະໂຍລາຍຍົກເລີກພາສີກະສິກຳໝົດພາຍໃນ5ປີຂ້າງໜ້າ,ພ້ອມທັງຍົກເລີກພາສີຜະລິດຕະພັນກະສິກຳພິເສດນອກຈາກໃບຢາສູບ.ເມື່ອເວົ້າເຖິງເລື່ອງນີ້,ພໍ່ເຖົ້າຢູລຽນຈ່ຽງກະຕຸ້ນໃຈຫຼາຍແລະເວົ້າວ່າ:"ນະໂຍບາຍຍົກເວັ້ນພາສີກະສິກຳຈັ່ງແມ່ນດີຫຼາຍ,ບໍ່ວ່າຜູ້ໃຫຍ່ຫຼືເດັກນ້ອຍ,ຊາວກະສິກອນລ້ວນແຕ່ຊົມເຊີຍທີ່ສຸດ."
1 2
|
