ຍ້ອນວ່າການປູກພືດພັນທັນຍາຫານໄດ້ນຳເອົາຜົນປະໂຫຍດຂ້ອນຂ້າງຫຼາຍມາສູ່ຊາວກະສິກອນ,ຈິ່ງເຮັດໃຫ້ພວກເຂົາເຈົ້າຍິ່ງມີຄວາມຈູບຈ້າວຫ້າວຫັນໃນການດັດແປງເຕັກນິກການຜະລິດ,ສຸມກຳລັງຫຼາຍກວ່າເກົ່າເຂົ້າໃນການວາງແຜນປູກພືດພັນທັນຍາຫານ,ຮຽນຮູ້ເຮັດແນວໃດເລືອກເອົາປັດໄຈການຜະລິດເຊັ່ນເລືອກແນວພັນ,ຝຸ່ນເຄມີແລະເຄື່ອງມືກະເສດເປັນຕົ້ນ.ໃນຊູ່ມື້ນີ້,ຢູ່ຊົນນະບົດ,ທັດສະນະຄະຕິທີ່ວ່າມີແຕ່ເຮັດນາຕາມຫຼັກວິທະຍາສາດຈິ່ງເກັບກ່ຽວທັນຍາຫານໄດ້ຫຼາຍແລະຈິ່ງມີລາຍໄດ້ເພີ່ມຂຶ້ນນັ້ນໄດ້ຖືກຮັບຮອງຢ່າງກວ້າງຂວາງແຕ່ດົນແລ້ວ.
ກ່ຽວກັບການເຮັດແນວໃດ,ປູກພືດພັນທັນຍາຫານໃຫ້ດີນັ້ນ,ທ່ານຢູຊື້ໄຫລູກຫຼ້າຂອງພໍ່ເຖົ້າຢູລຽນຈ່ຽງມີທິດສະດີຊຸດໜຶ່ງຂອງຕົນ.ທ່ານຢູຊືໄຫແມ່ນຜູ້ເກັ່ງໃນການປູກພືດພັນທັນຍາຫານ.ໝົດຄອບຄົວຂອງທ່ານໄດ້ປູກເຂົ້າສາລີສອງເຮັກຕາແລະປູກຜັກເຄິ່ງເຮັກຕາ,ເມື່ອກ່າວເຖິງວິທີດີໃນການປູກພືດພພັນທັນຍາຫານ,ທ່ານເວົ້າວ່າ:"ການປູກພືດພັນທັນຍາຫານ,ຕ້ອງໃຊ້ແນວພັນໜ້ອຍ,ແນວພັນຄຸນນະພາບດີ.ຄັດເລືອກແນວພັນດີແລະໃສ່ຝຸ່ນດີ,ປູກເຂົ້າ1ເຮັກຕາກໍເກັບກ່ຽວໄດ້1ໝື່ນກວ່າກິໂລ."
ເມື່ອຮອດທ້າຍປີ2004,ລູກຊາຍແລະລູກສາວຂອງພໍ່ເຖົ້າຢູລຽນຈ່ຽງທີ່ເຮັດວຽກໃນຕົວເມືອງໄດ້ຝາກເງິນເມືອບ້ານ.ພໍ່ເຖົ້າຢູລຽນຈ່ຽງເວົ້າວ່າ,ທີ່ຈິງແລ້ວ,ຄອບຄົວເພິ່ນບໍ່ໄດ້ຂາດເງິນດອກ,ແຕ່ວ່າ,ພວກລູກຮູ້ບຸນຄຸນພໍ່ແມ່ເຮັດໃຫ້ພໍ່ເຖົ້າດີໃຈທີ່ສຸດ.ປີ2004,ລາຍໄດ້ສະເລ່ຍຕາມຫົວຄົນຂອງຄອບຄົວພໍ່ເຖົ້າມີເກືອບ5ພັນຢວນ,ຕົວເລກນີ້ໄດ້ສູງກວ່າລະດັບສະເລ່ຍຂອງຊາວກະສິກອນຈີນໃນປະຈຸບັນເກືອບ1ເທົ່າ.
ແມ່ເຖົ້າລິນຊິ້ວຈ່ວນ ແມ່ເຮືອນ ທີ່ຂຸ້ນນຳວຽກຢ້າວການເຮືອນຮູ້ດີທີ່ສຸດກ່ຽວກັບການປ່ຽນແປງຂອງຊີວິດການເປັນຢູ່ຂອງໄທບ້ານ.ແມ່ເຖົ້າເວົ້າວ່າ, "ລະດັບຊີວິດການເປັນຢູ່ຂອງໄປບ້ານພວກເຮົາກໍຢູ່ໃນຂັ້ນດີ,ລາຍໄດ້ສະເລ່ຍຕາມຫົວຄົນບັນລຸເຖິງ4ພັນກວ່າຢວນຕໍ່ປີ,ມໍ່ຈະຮອດລະດັບເຫຼືອຢູ່ເຫຼືອກິນແລ້ວ.ເຮືອນຢູ່ໃນບ້ານພວກເຮົາລ້ວນແຕ່ກໍ່ດ້ວຍດິນຈີ່,ປີໃດກໍມີຄົນປຸກເຮືອນໃໝ່.ພາຍໃນບ້ານເກືອບບໍ່ມີທາງດິນແລ້ວ,ລ້ວນແຕ່ແມ່ນທາງປູ ດິນຈີ່."
ແມ່ເຖົ້າລິນຊິ້ວຈ່ວນເວົ້າວ່າ,ຄອບຄົວ80%ໃນບ້ານມີລົດຕຼັກເຕີ,ໄດ້ຕິດຕັ້ງໂທລະສັບແລະມີໂທລະພາບໃຊ້ສາຍ.ນ້ຳ ສ້າງຂອງຄອບຄົວພໍ່ເຖົ້າຢູລຽນຈ່ຽງດຽວນີ້ກໍບໍ່ໃຊ້ແລ້ວ,ເພາະວ່າຄອບຄົວໃດກໍ່ມີນ້ຳປະປາໃຊ້ແຕ່ດົນແລ້ວ.ຢູ່ໃນເຮືອນ,ຕູ້ໃຫຍ່ສອງໜ່ວຍວາງເຕັມແຕ່ໜັງສືກ່ຽວກັບການປູກຝັງ.ໃນເດີ່ນບ້ານ,ມີລົດຈັກໃໝ່ຄັນໜຶ່ງອີງໃສ່ຝາກຳແພງເດີ່ນບ້ານ.ເຖິງວ່າພໍ່ເຖົ້າຢູລຽນຈ່ຽງອາຍຸແກ່ແລ້ວກໍຕາມ,ແຕ່ເພິ່ນຍັງສາມາດຂີ່ລົດຈັກໄປເຮັດນາເລື້ອຍໆ.
ໃນຍາມລະດູໜາວຢູ່ພາກຕາເວັນອອກສຽງເໜືອ,ຟ້າມືດໄວ,ຫາກໍ່4ໂມງແລງ,ຕາເວັນກໍຄ້ອຍຄ່ຳແລ້ວ.ເມື່ອໄດ້ສົ່ງຍາດຕິພີ່ນ້ອງເພື່ອນມິດທີ່ມາຮັບປະທານອາຫານເຮັດດ້ວຍຊີ້ນໝູເມືອເຮືອນແລ້ວ,ພວກຜູ້ໃຫຍ່ກໍພາກັນນັ່ງເບິ່ງໂທລະພາບ,ຫຼານຊາຍຂອງພໍ່ເຖົ້າຢູລຽນຈ່ຽງທີ່ຫາກໍ່ເຂົ້າໂຮງຮຽນປະຖົມໄດ້ຫຼິ້ນນຳໝານ້ອຍ.ເມື່ອຟັງລະຄອນພື້ນເມືອງພາກຕາເວັນອອກສຽງເໜືອທີ່ອອນຊອນ,ພໍ່ເຖົ້າຢູລຽນຈ່ຽງເລີຍຫຼັບຕາຮ້ອງນຳ,ເວລານີ້ແມ່ນເວລາທີ່ພໍ່ເຖົ້າຮູ້ສຶກສະບາຍໃຈທີ່ສຸດ.ພໍ່ເຖົ້າທັງຟັງລະຄອນ, ທັງໄດ້ວາງແຜນໃນປີ2005:"ປະຈຸບັນ,ຕ້ອງເກັບໂຮມຂີ້ໄກ່ເພື່ອກຽມໄວ້ໃຊ້ປີໜ້າ.ດິນຜືນໜຶ່ງຕ້ອງໃສ່ຂີ້ໄກ່10ກວ່າລົດ,ທຳມະດາແລ້ວ,ບໍ່ໃສ່ຝຸ່ນເຄມີ,ຕ້ອງໃສ່ຝຸ່ນຄອກ.ໃສ່ຂີ້ໄກ່ດີຫຼາຍ,ສາມາດຮັບປະກັນການເກັບກ່ຽວເຂົ້າສາລີໄດ້ຫຼາຍ.
ເວົ້າສຳລັບຊາວກະສິກອນສາມັນຄອບຄົວນີ້ແລ້ວ,ປີ2004ທີ່ເກັບກ່ຽວໄດ້ອຸດົມສົມບູນໄດ້ຜ່ານໄປແລ້ວ,ປີ2005ຄືຊິຍິ່ງເຕັມໄປດ້ວຍຄວາມຫວັງໃໝ່?
1 2
|
