|
ໃນທ້າຍປີ2004,ໂດຍອີງຕາມຄຳໝັ້ນສັນຍາທີ່ກ່ຽວຂ້ອງໃນເວລາເຂົ້າຮ່ວມອົງການການຄ້າໂລກ,ຈີນໄດ້ອະນຸຍາດໃຫ້ທະນາຄານທຶນຕ່າງປະເທດເຮັດທຸລະກິດເງິນຢວນຈີນຢູ່5ຕົວເມືອງເຊັ່ນປັກກິ່ງ,ຊີ່ອ່ານ,ເສີນຢາງເປັນຕົ້ນ.ນັບມາຮອດປະຈຸບັນ,ຕົວເມືອງທີ່ຈີນອະນຸຍາດໃຫ້ທະນາຄານທຶນຕ່າງປະເທດເຮັດທຸລະກິດເງິນຢວນຈີນໄດ້ເພີ່ມຂຶ້ນຮອດ18ເມືອງ.ໃນລາຍກນການປະຕິຮູບພາກນີ້,ເຊີນຟັງບົດແຈ້ງຂ່າວທີ່ພາດຫົວເລື່ອງວ່າ:ທະນາຄານທຶນຕ່າງປະເທດເລັ່ງລັດການພັດທະນາຢູ່ຈີນ.
ໃນທ້າຍປີ2001,ໃນເວລາເຂົ້າຮ່ວມອົງການການຄ້າໂລກ,ຈີນໄດ້ໃຫ້ຄຳໝັ້ນສັນຍາວ່າ,ພາຍໃນ5ປີຂ້າງໜ້າ,ຈະໄຂຕະຫຼາດຂະແໜງການທະນາຄານເປັນກ້າວໆ.ເມື່ອຮອດທ້າຍປີ2006,ທະນາຄານທຶນຕ່າງປະເທດເຮັດທຸລະກິດຢູ່ຈີນຈະບໍ່ຖືກຈຳກັດໃນດ້ານເຂດແຄວ້ນແລະລັກສະນະຂອງລູກຄ້າ.ແຕ່ນັ້ນມາ,ບັນດາທະນາຄານໃຫຍ່ທຶນຕ່າງປະເທດລ້ວນແຕ່ໄດ້ຕິດຕາມຢ່າງໃກ້ຊິດຕໍ່ຂະບວນການໄຂປະຕູຂອງຂະແໜງການທະນາຄານຈີນ,ກຳທຸກໂອກາດທີ່ສາມາດເຂົ້າຕະຫຼາດຂະແໜງການການທະນາຄານຂອງຈີນ.
ບໍລິສັດການທະນາຄານຮົງກົງຊຽງໄຮ້ຈຳກັດສາຂາປັກກິ່ງແມ່ນທະນາຄານທຶນຕ່າງປະເທດທີ່ໄດ້ຮັບການອະນຸຍາດກ່ອນໝູ່ເຮັດທຸລະກິດເງິນຢວນຈີນຢູ່ປັກກິ່ງ.ປະຈຸບັນ,ທະນາຄານດັ່ງກ່າວຍັງໄດ້ຮັບການອະນຸຍາດຕັ້ງສາຂາທະນາຄານອີກແຫ່ງໜຶ່ງຢູ່ປັກກິ່ງ.ແລ້ວກາຍເປັນທະນາຄານທຶນຕ່າງປະເທດແຫ່ງທຳອິດທີ່ມີສອງສາຂາໃນນະຄອນປັກກິ່ງ.ທ່ານຕິ່ງໂກລຽງ ຜູ້ວ່າການທະນາຄານດັ່ງກ່າວເວົ້າວ່າ:"ຖ້າເປັນໄປໄດ້,ພວກເຮົາຫວັງຢາກເປີດສາຂາຫຼາຍກວ່າເກົ່າ,ເພື່ອຂະຫຍາຍຕາໜ່າງທຸລະກິດຂອງພວກເຮົາຕື່ມອີກ."
ເກືອບໃນຂະນະດຽວກັນກັບບໍລິສັດການທະນາຄານຮົງກົງຊຽງໄຮ້,ທະນາຄານທຶນຕ່າງປະເທດ10ກວ່າແຫ່ງເຊັ່ນທະນາຄານສັດເຕີສະແຕນດາດອັງກິດຮົງກົງຈຳກັດ, ທະນາຄານໂຕກຽວມີຊູບີຊິຍີ່ປຸ່ນ,ທະນາຄານຊີຕີແບງອາເມລິກາເປັນຕົ້ນ,ກໍໄດ້ຮ້ອງຂໍເຮັດທະລຸກິດເງິນຢວນຈີນຢູ່ຕົວເມືອງທີ່ໄຂຕໍ່ພາຍນອກໃໝ່.ທ່ານລຽງຖຽນຈ່າວ ຜູ້ວ່າການເຂດຈີນຂອງທະນາຄານDBSແບງສິງກະໂປບອກນັກຂ່າວວ່າ:"ຄັນຢາກພັດທະນາຢູ່ພາກພື້ນອາຊີ,ແນ່ນອນແລ້ວວ່າ,ຈີນແມ່ນບ່ອນທີ່ມີກຳລັງດູດດຶງແຮງກວ່າໝູ່ແລະກໍແມ່ນຕະຫຼາດທີ່ໃຫຍ່ກວ່າໝູ່."
1 2
|
