ນັກກິລາຈີນ 3 ຄົນທີ່ສຳເລັດການແຂ່ງຂັນລ້ວນແຕ່ເນັ້ນໜັກເຖິງການຮ່ວມມືຂອງທີມແມ່ນຂໍກະແຈທີ່ສຳເລັດການແຂ່ງຂັນທັງໄດ້ຮັບຜົນງານດີ. ທ້າວໂຈວຢົງເວົ້າວ່າ: ຜົນງານກໍດີຢູ່, ແຕ່ຍັງຕ້ອງເບິ່ງຜູ່ໜູນຫຼັງຂອງຂ້າພະເຈົ້າວ່າມີໃຜແດ່? ຜູ່ຂັບເຮັດວຽກພຽງສ່ວນໜ້ອຍທໍ່ນັ້ນ, ຍິ່ງສຳຄັນກວ່ານັ້ນ ແມ່ນການຮ່ວມມືຂອງທົ່ວທີມແລະການຮັບປະກັນຢ່າງແຂງແຮງຂອງຜູ່ໜູນຫຼັງ. ເພາະວ່າການແຂ່ງຂັນນີ້ແມ່ນລຳບາກທີ່ສຸດ ໄລຍະທາງແຂ່ງຂັນກໍຍາວໄກທີ່ສຸດ, ບໍ່ວ່າຈະແມ່ນລົດຍົນຫຼືແມ່ນນັກກິລາ ລ້ວນແຕ່ເປັນການທົດສອບອັນໃຫຍ່ຫຼວງ, ສະນັ້ນ, ຖ້າບໍ່ມີການຮ່ວມມືຂອງທົ່ວທີມແລ້ວ, ມີແຕ່ນັກກິລາແລະລົດຍົນບໍ່ອາດສຳເລັດຜົນໄດ້.
ທີມທີ່ພວກທ່ານເວົ້າເຖິງນັ້ນກໍ່ແມ່ນທີມລົດຍົນນິດສັນ ພາລາດິນເຈິງໂຈວ, ລົດແຂ່ງຂັນສາມຄັນທີ່ເຂົ້າຮ່ວມການແຂ່ງຂັນແລະລົດໜູນຫຼັງຕ່າງໆຂອງທີມດັ່ງກ່າວລ້ວນແຕ່ຜະລິດຢູ່ຈີນ. ຜົນງານຂອງພວກທ່ານໄດ້ຢືນຢັນກຳລັງແຮງຂອງທີມແລະຜົນສຳເລັດຂອງການຈັດຕັ້ງແລະວາງແຜນ, ມັນບໍ່ພຽງແຕ່ມີການສະໜັບສະໜູນທາງພະລາທິການອັນພຽງພໍແລະເຕັກນິກບົວລະບັດສ້ອມແປງລົດຍົນທໍ່ນັ້ນ, ຍັງຕ້ອງໄດ້ຄັດເລືອກນັກກິລາຜູ່ດີເດັ່ນໃນທົ່ວປະເທດແລ້ວສົ່ງໄປຝຶກແອບວິຊາສະເພາະຢູ່ຕ່າງປະເທດ.
ທຸງຊາດຈີນປິວສະບັດ
ທ່ານຫູເສຈຸນ ຜູ່ອຳນວຍການຂອງທີມລົດພາລາດິນຊີ້ອອກວ່າ, ທີ່ຈິງແລ້ວ, ນັກກິລາຈີນໄດ້ມີລະດັບອັນແນ່ນອນ, ແຕ່ຂາດການຝຶກແອບຢ່າງເປັນລະບົບແລະໂອກາດເຂົ້າຮ່ວມງານແຂ່ງຂັນລະດັບໂລກ, ໃນນັ້ນ ມູນເຫດສຳຄັນກວ່າໝູ່ແມ່ນຕະຫຼາດກິລາລົດຍົນຂອງຈີນຍັງຂ້ອນຂ້າງນ້ອຍ, ລາຍຮັບຂອງນັກກິລາຕ່ຳ, ຕົນເອງບໍ່ມີທຶນເຂົ້າຮ່ວມການແຂ່ງຂັນ. ສ່ວນຢູ່ຕ່າງປະເທດ, ນັກກິລາທີ່ຊື່ດັງຫຼາຍຄົນ ຄືທ້າວປີເຕີຮັນແຊນ ຜູ່ຊິງໄດ້ແຊມປຽນຂອງປະເພດລົດສະໜາມໃນງານແຂ່ງຂັນລົດຍົນຣາລີດາກາຣ໌ປີນີ້, ລາວໄດ້ຂັບລົດຈັກເຂົ້າຮ່ວມງານແຂ່ງຂັນລົດຍົນຣາລີດາກາຣ໌ຫຼາຍເທື່ອ, ພາຍຫຼັງມາຍັງໄດ້ເຂົ້າຮ່ວມການແຂ່ງຂັນປະເພດລົດສະໜາມໂດຍເສຍຄ່າເອງ. ສະນັ້ນ ທີມລົດຍົນນິດສັນ ພາລາດິນເຈິງໂຈວໄດ້ສະໜອງໂອກາດໃຫ້ນັກກິລາລະດັບສູງຂອງຈີນ, ຄືໃຫ້ທ້າວລູນິງຈຸນ ນັກກິລາລົດຍົນຣາລີທີ່ຊື່ດັງທີ່ສຸດຂອງຈີນ ແລະທ້າວສິລ້າງ ທ້າວໂຈວຢົງທີ່ໂປໂລຂຶ້ນຈາກການຄັດເລືອກໃນທົ່ວປະເທດມີໂອກາດເຂົ້າຮ່ວມງານແຂ່ງຂັນລະດັບໂລກ. ທ່ານຫູເສຈຸນເວົ້າວ່າ: ລົດຍົນໄດ້ເຂົ້າສູ່ຄອບຄົວສາມັນຊົນຈີນແລ້ວ, ກິລາລົດຍົນຈີນກໍ່ໄດ້ດຳເນີນຂ້ອນຂ້າງດີ, ແຕ່ປະຈຸບັນລະດັບຍັງຂ້ອນຂ້າງຕ່ຳ, ບໍ່ມີນັກກິລາແລະທີມລົດຍົນຈີນເຂົ້າຮ່ວມງານແຂ່ງຂັນລະດັບໂລກ. ທີມລົດຍົນນິດສັນ ພາລາດິນເຈິງໂຈວຫວັງຜ່ານການເຂົ້າຮ່ວມງານແຂ່ງຂັນລົດຍົນຣາລີດາກາຣ໌, ຊຸກຍູ້ໃຫ້ອຸດສາຫະກຳລົດຍົນແລະກິລາລົດຍົນຂອງຈີນພັດທະນາ. ສະເພາະຢ່າງຍິ່ງ ໃຫ້ນັກກິລາຂັບລົດເຂົ້າຮ່ວມງານແຂ່ງຂັນລະດັບໂລກຫຼາຍກວ່າເກົ່າ.
ທີ່ຈິງແລ້ວ, ທີມລົດຍົນມີກຳລັງເຂົ້າຮ່ວມງານແຂ່ງຂັນທີ່ລຳບາກເໝືອນກັບງານແຂ່ງຂັນລົດຍົນຣາລີດາກາຣ໌, ໄດ້ສະແດງໃຫ້ເຫັນວ່າອຸດສາຫະກຳຜະລິດລົດຍົນຂອງຈີນໄດ້ມີລະດັບສູງສົມຄວນແລ້ວ, ກໍເປັນພາບຫຍໍ້ຂອງກິລາລົດຍົນຈີນ. ໃນເວລາສະຫຼຸບບົດຮຽນຂອງການເຂົ້າຮ່ວມງານແຂ່ງຂັນຣາລີດາກາຣ໌ເທື່ອນີ້, ທ່ານຫູເສຈຸນເວົ້າວ່າ: ກ່ອນອື່ນ, ທີມລົດຍົນພາລາດິນທີ່ເປັນທີມລົດຍົນຈີນ, ເຂົ້າຮ່ວມການແຂ່ງຂັນສອງເທື່ອແລະໄດ້ແລ່ນຈົນຮອດປາຍທາງ, ນີ້ແມ່ນສະຖິຕິລາຍໜຶ່ງ; ນອກນີ້, ໃນງານແຂ່ງຂັນຄັ້ງນີ້, ລົດຍົນພາລາດິນສາມຄັນຂອງຈີນລ້ວນແຕ່ແລ່ນຮອດປາຍທາງ, ນີ້ກໍ່ແມ່ນສະຖິຕິລາຍໜຶ່ງ; ສາມ, ນັກກິລາຈີນໄດ້ຮັບຜົນງານຂ້ອນຂ້າງດີ, ໃນທີ່ສຸດ ທ້າວໂຈວຢົງໄດ້ຜົນງານລວມເປັນທີ 19, ເປັນຜົນງານດີທີ່ສຸດຂອງທີມລົດຍົນຈີນ. ສະຖິຕິເຫຼົ່ານີ້ມີຄວາມໝາຍທີ່ສຸດຕໍ່ການຊຸກຍູ້ອຸດສາຫະກຳລົດຍົນແລະກິລາລົດຍົນຈີນ, ຍ່ອມຈະເຮັດໃຫ້ນັກກິລາຂັບລົດແລະວິສາຫະກິດຫຼາຍກວ່າເກົ່າເຂົ້າຮ່ວມງານແຂ່ງຂັນຣາລີເໝືອນງານແຂ່ງຂັນລົດຍົນຣາລີດາກາຣ໌ນີ້.
ທີມລົດນິສຊັນ ພາລາດິນຈີນພວມແຂ່ງຂັນຢູ່
ທ່ານຫູເສຈຸນກ່າວວ່າ, ທີມລົດຍົນພາລາດິນຈະສືບຕໍ່ເຂົ້າຮ່ວມງານແຂ່ງຂັນລົດຍົນຣາລີ ດາກາຣ໌ໃນປີໜ້າ, ຍັງອາດຈະສົ່ງລົດຍົນແລະນັກກິລາຫຼາຍກວ່ານີ້ໄປເຂົ້າຮ່ວມ. ຕາມຄຳເວົ້າຂອງທ້າວໂຈວຢົງເວົ້ານັ້ນວ່າ, ນັກກິລາລະດັບສູງຂອງຈີນເຫຼົ່ານີ້ "ຊອກເຫັນຈັງຫວະອັນຖືກຕ້ອງຂອງງານແຂ່ງຂັນລົດຍົນຣາລີດາກາຣ໌ແລ້ວ", ຄົນຈີນຈະສືບຕໍ່ແລ່ນຢູ່ຕາມທາງແຂ່ງຂັນທີ່ມີສະເໜເສັ້ນນີ້.
ທ່ານຜູ່ຟັງທີ່ໂຄລົບ, ລາຍການໂລກກິລາພາກນີ້ຂໍສ້ຽງສຸດລົງພຽງທໍ່ນີ້, ຂອບໃຈທີ່ທ່ານຮັບຟັງ, ພົບກັນໃໝ່ໃນອາທິດໜ້າ, ສະບາຍດີ.
1 2
|
