ຢູ່ໃນຕຶກແຟຼດຫຼັງໜຶ່ງຂອງມະຫາວິທະຍາໄລປັກກິ່ງມະຫາວິທະຍາໄລທີ່ມີຊື່ສຽງຂອງຈີນ,
ມີຄອບຄົວປັນຍາຊົນອ້ອຍຕ້ອຍຄອບຄົວໜຶ່ງ.ຄູ່ຜົວເມຍຄູ່ນີ້ມີອາຍຸປະມານ30ກວ່າປີ,ລ້ວນ
ແຕ່ແມ່ນດອກເຕີທັງສອງຄົນ.ທ່ານຈີ່ນຢົງປິ່ນຜູ້ເປັນຜົວສອນວັນນະຄະດີພາສາຈີນຢູ່ມະ
ຫາວິທະຍາໄລປັກກິ່ງ.ນາງລີຈ່ວນຜູ້ເປັນເມຍເຄີຍສອນເສດຖະສາດຢູ່ມະຫາວິທະຍາໄລ
ອີກແຫຼ່ງໜຶ່ງ, ສອງຜົວເມຍໄດ້ດຳລົງຊີວິດຢ່າງສະຫງົບ.ໂດຍມີໂອກາດບັງເອີນ,ນາງລີ
ຈ່ວນໄດ້ປ່ຽນອາຊີບແລະກໍໄດ້ເຮັດໃຫ້ຊີວິດການເປັນຢູ່ຂອງຄອບຄົວນີ້ມີການປ່ຽນແປງ.
ນາງລີຈ່ວນບອກນັກຂ່າວວ່າ:

"ມື້ໜຶ່ງຂອງ ເດືອນກັນຍາປີ2003, ເຮົາເຂົ້າທ່ອງອິນເຕີເນັດ,ບັງເອີນໄດ້ເຫັນປະກາດ
ຂອງຄະນະກຳມະການແຜນການພັດທະນານະຄອນປັກກິ່ງ,ປະກາດສອບເສັງຮັບເອົາ
ລັດຖະກອນດອກເຕີ10ຄົນ,ເຮົາຮູ້ສຶກແປກໃຈຫຼາຍ,ເລີຍສະເໜີຊື່."

ຄະນະກຳມະການການພັດທະນາແລະການປະຕິຮູບນະຄອນປັກກິ່ງແມ່ນພາກສ່ວນປະ
ກອບອັນສຳຄັນຂອງອົງການປົກຄອງນະຄອນປັກກິ່ງ,ໄດ້ຫາບແບກໜ້າທີ່ວາງແຜນນະ
ໂຍບາຍໃຫ້ແກ່ການ ພັດທະນາສັງຄົມແລະເສດຖະກິດຂອງນະຄອນປັກກິ່ງ.ເມື່ອໄດ້
ຜ່ານການສອບເສັງພາກຂຽນແລະພາກປາກເປົ່າຢ່າງເຂັ້ມງວດແລ້ວ,ໃນດອກເຕີ200
ກວ່າຄົນທີ່ສະເໜີຊື່ເຂົ້າຮ່ວມການສອບເສັງນັ້ນ,ນາງລີຈ່ວນໄດ້ນະແນນດີເດັ່ນ,ເລີຍ
ກາຍເປັນລັດຖະກອນດອກເຕີຜູ້ໜຶ່ງຂອງຄະນະກຳມະການການພັດທະນາແລະການ
ປະຕິຮູບນະຄອນປັກກິ່ງ.ເມື່ອໄດ້ເຮັດວຽກເປັນເວລາ1ເດືອນ,ໂດຍອີງໃສ່ທ່າແຮງບົ່ມ
ຊ້ອນດ້ານຄວາມຮູ້ວິຊາສະເພາະ,ແລະຄວາມສາມາດດ້ານປາກເວົ້າເປັນຕົ້ນ,ນາງໄດ້ ແຂ່ງຂັນເອົາຕຳແໜ່ງຜູ້ຮັບຜິດຊອບພະແນກວາງແຜນອຸດສາຫະກຳຢ່າງສຳເລັດຜົນ,
ກາຍເປັນຜູ້ນຳຂັ້ນກາງທີ່ໜຸ່ມກວ່າໝູ່ຂອງໜ່ວຍງານດັ່ງກ່າວ.ນາງ ລີຈ່ວນເວົ້າວ່າ:

"ຜ່ານຈາກຮູບການປະກາດສອບເສັງຮັບເອົາລັດຖະກອນຕໍ່ສັງຄົມຢ່າງເປີດເຜີຍ,ອຳ ນວຍໂອກາດໃຫ້ຜູ້ມີຄວາມຮູ້ຄວາມສາມາດດີເດັ່ນໃນສັງຄົມເຂົ້າສັງກັດໃນຖັນແຖວ
ລັດຖະກອນ,ເຮົາຮູ້ສຶກວ່າມັນມີຄວາມຍຸດຕິທຳ,ຄວາມເປີດເຜີຍແລະຄວາມທ່ຽງທຳ,
ເຮົາເອງກໍແມ່ນກາຍເປັນລັດຖະກອນໂດຍຜ່ານຈາກຮູບການດັ່ງກ່າວນີ້ແຫຼະ.ພ້ອມ
ກັນນັ້ນ,ປະຈຸບັນ,ພາຍໃນຖັນແຖວ ລັດຖະກອນ,ໄດ້ດຳເນີນການແຂ່ງຂັນຮັບຕຳແໜ່ງ
ແລະພັດປ່ຽນກັນດຳລົງຕຳແໜ່ງເລື້ອຍໆ.ບໍ່ໄດ້ໃຊ້ຮູບການເລື່ອນຕຳແໜ່ງຕາມຄຸນວຸດ
ທິແລະອາຍຸຄືແຕ່ກ່ອນແລ້ວ."

ຄືກັນກັບນາງລີຈ່ວນ,ປະຈຸບັນ,ແຕ່ລະປີມີຫຼາຍໝື່ນຄົນໄດ້ຜ່ານຈາກການສອບເສັງຮັບ
ສະໝັກ,ເຂົ້າເປັນລັດຖະກອນຂອງລັດຖະບານກາງແລະອົງການປົກຄອງທ້ອງຖິ່ນ.ຕາມ
ສະຖິຕິບໍ່ຄົບຖ້ວນ,ແຕ່ຈີນປະກາດຮັບສະໝັກລັດຖະກອນຢ່າງເປີດເຜີຍເມື່ອປີ1994ມາ
ນີ້,ລວມມີ7ແສນກວ່າຄົນທີ່ມີອາຊີບຕ່າງກັນໄດ້ຜ່ານການແຂ່ງຂັນຮັບສະໝັກ,ເຂົ້າສູ່ຖັນ
ແຖວລັດຖະກອນ,ພວກເຂົາເຈົ້າໄດ້ດຳລົງຕຳແໜ່ງໃນອົງການປົກຄອງທຸກຂັ້ນຄືຂັ້ນເທິງ
ຈາກກະຊວງແລະຄະນະກຳມະການທຽບເທົ່າຂອງລັດຖະບານກາງ,ຂັ້ນລຸ່ມໄປຮອດຕາ
ແສງຢູ່ຂັ້ນຮາກຖານ.