ໃນເບື້ອງຕົ້ນທີ່ດຳລົງຕຳແໜ່ງໃໝ່,ນາງລີຈ່ວນຮູ້ສຶກບໍ່ລື້ງເຄີຍປານໃດ,ແຕ່ນາງໄດ້ປັບ
ປຸງຕົນເອງໂດຍໄວ,ຄວາມຮູ້ວິຊາສະເພາະຂອງນາງກໍໄດ້ໝູນໃຊ້ເຂົ້າໃນພາກຕົວຈິງ.ໂດຍໝູນອ້ອມສະພາບປະຈຸບັນຂອງການພັດທະນາອຸດສາຫະກຳຂອງນະຄອນປັກກິ່ງ,ນາງລີຈ່ວນພ້ອມກັບໝູ່ຮ່ວມງານທັງຫຼາຍໄດ້ດຳເນີນການສຳຫຼວດຄົ້ນຄວ້າຢ່າງເລິກ
ເຊິ່ງ.ພວກເຂົາເຈົ້າໄດ້ໄປຢາມທຸກເມືອງຢູ່ເຂດຊານເມືອງປັກກິ່ງ,ຊອກຮູ້ອັດຕາສ່ວນປະ
ສົມລະຫວ່າງກະສິກຳ,ອຸດສາຫະກຳແລະຂະແໜງການບໍລິການໃນການພັດທະນາເສດ
ຖະກິດຂອງທ້ອງຖິ່ນ.ນາງໄດ້ຈັດຕັ້ງຜູ່ຊ່ຽວຊານດຳເນີນການເຮັດບົດວິພາກນະໂຍບາຍ
ອຸດສາຫະກຳຂອງປັກກິ່ງ,ແລ້ວດັດແປງໃຫ້ມັນສອດຄ່ອງກັບສະພາບຕົວຈິງ.ອີງຕາມ
ການສຳຫຼວດຄົ້ນຄວ້າແລະວິພາກ,ນາງລີຈ່ວນໄດ້ຮັບຜິດຊອບຮ່າງແຜນການພັດທະ
ນາເສດຖະກິດແລະອຸດສາຫະກຳປັກກິ່ງ,ໄດ້ວາງແລວຄວາມຄິດແລະຄວາມເຫັນອັນ
ແຈ່ມແຈ້ງກ່ຽວກັບການພັດທະນາເສດຖະກິດແລະອຸດສາຫະກຳຂອງນະຄອນປັກກິ່ງ.
ແຜນການດັ່ງກ່າວໄດ້ຮັບການຢືນຢັນຈາກອົງການປົກຄອງນະຄອນປັກກິ່ງ,ປະຈຸບັນ,
ພວມຢູ່ໃນການຈັດຕັ້ງປະຕິບັດ.
ເມື່ອທຽບກັບການເປັນອາຈານຢູ່ມະຫາວິທະຍາໄລແລ້ວ,ນາງລີຈ່ວນດຽວນີ້ຂຸ້ນນຳ
ວຽກຫຼາຍ.ແຕ່ນາງລີຈ່ວນເວົ້າວ່າ,ການເປັນລັດຖະກອນໄດ້ເຮັດໃຫ້ນາງຮູ້ສຶກຄວາມ
ມ່ວນຊື່ນອີກແນວໜຶ່ງ.ນາວເວົ້າວ່າ:"ວິຊາສະເພາະຂອງເຮົາແມ່ນເສດຖະສາດພາກ
ພື້ນ,ນີ້ແມ່ນວິທະຍາສາດສັງຄົມອ້ອຍຕ້ອຍ,ແມ່ນເສດຖະສາດປະຍຸກ.ເຮົາເຮັດອາຊີບ
ລັດຖະກອນ,ມີໂອກາດຍິ່ງຫຼາຍກວ່າເກົ່າໄປເຂົ້າໃກ້ຊິດສະພາບຕົວຈິງ.ພວກເຮົາວາງ
ແຜນພັດທະນາເສດຖະກິດແລະອຸດສາຫະກຳ,ກໍມີຄວາມຮູ້ສຶກວ່າຕົນໄດ້ຮັບຜົນສຳ
ເລັດຈຳນວນໜຶ່ງ."
ທ່ານຈິ່ນຢົງປິ່ນຜູ້ເປັນຜົວແມ່ນໝູ່ຮຽນຂອງນາງລີຈ່ວນໃນເວລາຮຽນຢູ່ໂຮງຮຽນມັດ
ທະຍົມ.ສອງຜົວເມຍຮັກກັນທີ່ສຸດ.ຍ້ອນວ່າເມຍປ່ຽນອາຊີບຈິ່ງເຮັດໃຫ້ທ່ານຈິ່ນຢົງປິ່ນ ຈຳເປັນຕ້ອງແບກຫາບວຽກຢ້າວການເຮືອນຫຼາຍກວ່າເກົ່າ,ເວລາທີ່ສອງຜົວເມຍຢູ່
ນຳກັນກໍຫຼຸດໜ້ອຍລົງກໍຕາມ,ແຕ່ທ່ານຍັງຄົງສະໜັບສະໜູນເມຍ.ທ່ານຈິ່ນຢົງປິ່ນຄິດ ວ່າປະສົບການເປັນລັດຖະກອນໜຶ່ງປີໄດ້ເຮັດໃຫ້ເມຍມີແນວຄິດສຸກງອມກວ່າໝູ່.
ທ່ານເວົ້າວ່າ:
"ຄວາມສາມາດປັບປຸງຕົນເອງຂອງເມຍໄດ້ຍົກສູງຂຶ້ນຢ່າງຫຼວງຫຼາຍ,ປະຕິບັດຕໍ່ຄົນ,
ຕໍ່ເລື່ອງຕ່າງໆຍິ່ງມີທ່າທີອະໂຫສີ,ເມື່ອປະສົບເລື່ອງໃດເລື່ອງໜຶ່ງກໍຊອກວິທີແກ້ໄຂ
ດ້ວຍຄວາມໃຈເຢັນແລະສົມເຫດສົມຜົນກວ່າເກົ່າ.ພ້ອມກັນນັ້ນ,ປະສົບການເປັນເວ
ລາ1ປີກວ່າໄດ້ເຮັດໃຫ້ນາງມີຄວາມຮູ້ສຶກເຊື່ອໝັ້ນຕົນຫຼາຍກວ່າເກົ່າ.ຄຸນທາດສັງລວມ ຂອງນາງເຊິ່ງລວມທັງຄວາມສາມາດດ້ານຄົ້ນຄວ້າວິທະຍາສາດກໍໄດ້ຍົກສູງຂຶ້ນຢ່າງ
ຫຼວງຫຼາຍ.ເຮົາຄິດວ່າໃນ1ປີຜ່ານໄປ,ນາງເມື່ອຍຫຼາຍຍ້ອນຂຸ້ນນຳວຽກ,ແຕ່ນາງພັດຮູ້
ສຶກເບີກບານມ່ວນຊື່ນແລະມີຊີວິດສົມບູນພູນສຸກ."
ປີ2004ໄດ້ຜ່ານໄປແລ້ວ,ປີ2005ໄດ້ວຽນມາເຖິງ,ນາງລີຈ່ວນໄດ້ເຮັດວຽກລັດຖະກອນ
ເປັນເວລາ1ປີແລ້ວ,ໃນປີ2005ນີ້,ນາງມີແຜນແນວໃດແດ່?ນາງເວົ້າວ່າ:"ທັດສະນະ
ຄະຕິຂອງເຮົາແມ່ນ,ເຮົາຢາກເປັນລັດຖະກອນທີ່ທັງຕັ້ງໃຈເຮັດວຽກທັງມີຄວາມເບີກ
ບານມ່ວນຊື່ນ.ເພາະວ່າມີແຕ່ມີອາລົມຈິດມ່ວນຊື່ນທໍ່ນັ້ນ,ຈິ່ງສາມາດເຮັດວຽກໃຫ້ດີ
ກວ່າເກົ່າ.ເມື່ອເປັນແນວນີ້,ຄົນທັງຫຼາຍຈິ່ງພໍໃຈນຳ,ຕົນເອງກໍເພິ່ງພໍໃຈເຊັ່ນດຽວກັນ"
1 2
|
