|
|
 |
| (GMT+08:00)
2005-02-21 10:27:06
|
 |
|
ສົ່ງພອນປີໃໝ່(ສຽງ)
cri
Author: mo
|
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ເຄົາລົບ, ໃນທ່າມກາງສຽງເພງອັນຄຶກຄື້ນມ່ວນຊື່ນນີ້, ລາຍການຢ່ອນອາລົມໃນວັນເສົາໄດ້ວຽນມາພົບກັບທ່ານອີກແລ້ວ, ຂ້າພະເຈົ້າແມ່ນແສງແກ້ວ. ອີກບໍ່ທໍ່ໃດມື້, ບຸນກຸດຈີນ ບຸນປະເພນີທີ່ຄຶກຄື້ນຝົດຟື້ນທີ່ສຸດຂອງປະຊາຊົນຈີນກໍຈະວຽນມາເຖິງແລ້ວ, ນະທີ່ນີ້, ພວກເຮົາຂໍສົ່ງພອນປີໃໝ່ມາຍັງເພື່ອນຜູ້ຟັງທຸກຄົນທີ່ພວມຟັງວິທະຍຸຂອງພວກເຮົາຢູ່ດຽວນີ້, ແລະຂໍຈັດລາຍການພິເສດໃນວາລະດິຖີບຸນກຸດຈີນສູ່ທ່ານຟັງ, ຫວັງໃຫ້ທ່ານແບ່ງປັນຄວາມມ່ວນຊື່ນຕ້ອນຮັບບຸນກຸດຈີນນຳກັນກັບພວກເຮົາ, ແລະກໍຫວັງໃຫ້ສຽງເພງອັນໄພເລາະເພາະຫູນຳເອົາພອນໄຊອັນປະເສີດມາຍັງທ່ານ: ໃຫ້ທຸກໆຄົນປາຖະໜາສິ່ງໃດຂໍໃຫ້ໄດ້ດັ່ງໝາຍທຸກປະການ, ປີໃໝ່ໃຫ້ມີຄວາມຫວັງໃໝ່, ຈົ່ງໂຊກຈົ່ງໄຊ, ຈົ່ງລາບຈົ່ງໝານ, ວຽກງານລາບລື້ນ, ຄອບຄົວມີຄວາມສຸກ, ຂໍໃຫ້ຜູ້ເຖົ້າຈົ່ງອາຍຸຍືນຍາວ, ລູກຮັກຫຼານແພງ, ຂໍໃຫ້ຜົວແຫວນເມຍແກ້ວຈົ່ງຮັກກັນໄປຊົ່ວຟ້າດິນສະຫຼາຍດ້ວຍເຖີ້ນ.
ທີ່ຟັງມານັ້ນແມ່ນເພງWanshiruyi ສົມຫວັງທຸກປະການ ຂັບຮ້ອງໂດຍທ້າວຊຸນມີງເຈ.
ບຸນກຸດຈີນແມ່ນມື້ຂຶ້ນປີໃໝ່ຂອງຈັນທະຄະຕິຈີນ. ໃນວັນບຸນຕ່າງໆຂອງຈີນນັ້ນ, ບຸນກຸດຈີນແມ່ນບຸນທີ່ທຸກຄົນເອົາໃຈໃສ່ທີ່ສຸດ, ສະນັ້ນ, ເມື່ອຮອດຍາມບຸນຈຶ່ງຄຶກຄື້ນກວ່າຍາມໃດໝົດ. ຄົນທັງຫລາຍທີ່ຂຸ້ນນຳວຽກນຳງານມາໝົດປີແລ້ວນັ້ນ, ໃຜໆກໍດີອົກດີໃຈ, ປັດກວາດເຮືອນງານ, ຫ້າງເຄື່ອງກິນຂອງໃຊ້ທຸກຢ່າງສຳລັບມື້ບຸນ. ຜູ້ອອກໄປເຮັດວຽກຢູ່ຕ່າງຖິ່ນກໍພາກັນຂ້ຽວເມືອບ້ານເຕົ້າໂຮມກັບຄອບຄົວ, ພ້ອມກັນຕ້ອນຮັບບຸນກຸດຈີນທີ່ໄດ້ວຽນມາເຖິງ.
ເພງDatuanyuan ປຸ້ມລຸມສາມັກຄີ ໄດ້ວາດພາບປະຊາຊົນຈີນເຕົ້າໂຮມສາມັກຄີມ່ວນຊື່ນລື້ນເລີງສະຫຼອງປີໃໝ່. ເນື້ອເພງມີຢູ່ວ່າ: ເມື່ອຂຸ້ນວຽກປີນີ້ແລ້ວ, ຂຸ້ນວຽກປີໃໝ່ອີກ, ຍາມທຳມະດາ, ໃຜໆກໍຂຸ້ນນຳແຕ່ວຽກແຕ່ການ, ຢາກພົບໜ້າກັນກໍຍາກ. ມື້ນີ້ຄອບຄົວເຕົ້າໂຮມກັນ, ຊຸມແຊວມ່ວນຊື່ນ. ເຖິງຈະໄປເຮັດວຽກຢູ່ໄກແສນໄກ, ໃຜກໍຂັດຂວາງຄວາມຢາກກັບເມື່ອບ້ານບໍ່ໄດ້. ອ້າຍເອື້ອຍນ້ອງປຸ້ມລຸມສາມັກຄີກັນ, ມ່ວນຊື່ນຟົດຟື້ນ, ຢູ່ດີມີແຮງຈຶ່ງແມ່ນສິ່ງລ້ຳເລີດທີ່ສຸດໃນຊີວິດ, ຄອບຄົວເຕົ້າໂຮມສາມັກຄືຈຶ່ງແມ່ນສິ່ງດີງາມທີ່ສຸດໃນເມືອງຄົນ.
1 2
|
|
|
