|
|
 |
| (GMT+08:00)
2005-02-21 10:27:06
|
 |
|
ສົ່ງພອນປີໃໝ່(ສຽງ)
cri
Author: mo
ທີ່ຟັງມານັ້ນແມ່ນເພງDatuanyuan ປຸ້ມລຸມສາມັກຄີ ຂັບຮ້ອງໂດຍນາງຖານຈິງ. ເມື່ອຮອດບຸນກຸດຈີນ, ຍິງຊາຍນ້ອຍໃຫຍ່ໃຜໆກໍມັກນຸ່ງເສື້ອສີແດງ, ບ້ານໃດເຮືອນໃດກໍມັກຕິດເຈ້ຍປ່ອງຢ້ຽມແລະຄະຕິສູ່ສິແດງ, ຢູ່ບາງທ້ອງຖິ່ນ, ຍັງມັກເໜັບດອກໄມ້ແດງໃສ່ຜົມ, ຫລືເອົາເຊືອກສີແດງມັດຜົມເປຍໃຫ້ເດັກນ້ອຍ. ເພາະຄົນຈີນຖືວ່າ, ສີແດງແມ່ນສີສິລິມຸງຄຸນ ສາມາດຜາບໄລ່ຜີມານ, ຮັກສາໃຫ້ຄົນຢູ່ດີມີແຮງ, ແລະມີໂຊກໃຫຍ່ໄຊງາມ. ຕໍ່ໄປເຊີນຟັງເພງ"Nizuihong" ເຈົ້າແດງກວ່າໝູ່ ເຊິ່ງຂັບຮ້ອງໂດຍຄະນະTwins ຂອງຮົງກົງຈີນ. ເນື້ອເພງຮ້ອງວ່າ, ຂໍໃຫ້ເຈົ້າຈົ່ງໂຊກດີ, ເຈົ້າແດງກວ່າໝູ່, ເຈົ້າມີບຸນ, ເຈົ້າມີໂຊກ, ໂລກນີ້ປິ່ນອ້ອມເຈົ້າ, ມື້ໃດກໍມີເລື່ອງໂຊກ, ຍິ່ງແດງຍິ່ງງາມຍິ່ງມີຄວາມໝັ້ນໃຈຕໍ່ຕົນເອງ.
ເພື່ອນຜູ້ຟັງ, ເມື່ອໄດ້ຮັບຄຳອວຍພອນຂອງຄະນະTwins ທີ່ໜ້າຮັກແລ້ວ, ພວກເຮົາມາຮັບພອນຂອງທ້າວຢາງຢາງແລະທ້າວຈິນປ່ຽວ ຄະນະສຽງຊາຍທີ່ປ່ຽມລົ້ນໄປດ້ວຍຄວາມຫ້າວຫັນແຫ່ງໄວຄະນອງ. ຕາມປະເພນີດັ້ງເດີມຂອງຈີນ, ເມື່ອຮອດມື້ເນົາມື້ເດືອນຈຽງໜຶ່ງຄ່ຳ, ທຸກໆຄອບຄົວມັກຕິດໂຕໜັງສືຈີນFU ແປວ່າຄວາມສຸກ ໃສ່ບ້ານປະຕູເຮືອນ, ເພື່ອຝາກຝັງຄວາມຫວັງອັນດີງາມຕໍ່ຊີວິດ. ບາງຄອບຄົວຍັງມັກຕິດໂຕໜັງສືໂຕນີ້ທາງປີ້ນ, ທາງປີ້ນພາສາຈີນເວົ້າ"ຕ້າວ", ພໍດີອອກສຽງດຽວກັນກັບຄຳວ່າ(ຕ້າວ)ທີ່ມີຄວາມໝາຍວ່າ"ມາຮອດ", "ຝູຕ້າວ"ກໍມີຄວາມໝາຍວ່າ "ຄວາມສຸກມາຮອດແລ້ວ". ໝາຍຄວາມວ່າ, ໃນປີໃໝ່ນີ້ຈະມີຄວາມສຸກ, ມີໂຊກ, ຊີວິດຈະສຸກສັນກວ່າເກົ່າ. ເຊີນຟັງເພງFudaoqianwanjia ຄວາມສຸກມາຮອດທຸກຄອບຄົວ.
ທ່ານຜູ້ຟັງ, ໃນຍາມບຸນກຸດຈີນ, ບໍ່ວ່າການຕິດຄະຕິຄູ່, ຕິດໂຕໜັງສືFu ທາງປີ້ນ, ຫລືນຸ່ງເສື້ອໃໝ່ນຸ່ງເສື້ອແດງ, ຈູດໝາກກະໂພກ, ອວຍພອນປີໃໝ່ແກ່ກັນ, ເວົ້າແຕ່ຄວາມສິລິມຸງຄຸນ, ປະເພນີບຸນກຸດຈີນທີ່ຟົດຟື້ນຄຶກຄື້ນຕ່າງໆລ້ວນແຕ່ໄດ້ສ່ອງແສງຄວາມປາຖະໜາອັນດີງາມຂອງມວນຊົນໃນປີໃໝ່, ຢາກໃຫ້ຊີວິດຍິ່ງມີຄວາມສຸກ, ວຽກງານກ້າວໜ້າກວ່າເກົ່າ. ມ້ວນທ້າຍລາຍການມື້ນີ້, ເຊີນຟັງເພງKaixinjiuhao ຊື່ນໃຈ, ປີໃໝ່ນີ້ຂໍໃຫ້ເພື່ອນຜູ້ຟັງທຸກຄົນຈົ່ງຊື່ນບານສຳລານໃຈ. ເອົາລະ, ທ່ານຜູ້ຟັງທີ່ເຄົາລົບ, ໃນທ່າມກາງສຽງເພງKaixinjiuhao ຊື່ນກໍດີ ຂອງທ້າວວາງຈືມິງແລະນາງຫານເຊນີ້, ລາຍການຢ່ອນອາລົມໃນວັນເສົາພາກນີ້ຂໍສ້ຽງສຸດລົງພຽງທໍ່ນີ້, ຂອບໃຈທ່ານທີ່ຮັບຟັງ, ຂໍອວຍພອນອີກເທື່ອໜຶ່ງ, ໃຫ້ເພື່ອນຜູ້ຟັງທຸກໆທ່ານຈົ່ງເບີກບານມ່ວນຊື່ນໃນປີໃໝ່ນີ້, ປາຖະໜາສິ່ງໃດໄດ້ສົມຫວັງທຸກປະການ!
1 2
|
|
|
