|
|
 |
| (GMT+08:00)
2005-02-23 14:42:36
|
 |
|
[ນາງຈຽງຊີນ---ນັກຮ້ອງຂອງຈີນ](ສຽງ)
cri
Author: mo
|
ທີ່ນີ້, ຂ້າພະເຈົ້າຂໍແນະນຳນາງຈຽງຊີນ ນັກຮ້ອງທີ່ເກັ່ງໃນຫລາຍດ້ານຂອງຈີນ.
ທີ່ທ່ານພວມຟັງຢູ່ນີ້ແມ່ນເພງChuncuiແປວ່າ ບໍລິສຸດ ເຊິ່ງນາງຈຽງຊີນເປັນຜູ້ແຕ່ງເນື້ອເພງແລະຂັບຮ້ອງເອງ. ໃນເພງນີ້, ນາງຈຽງຊີນໄດ້ປຽບຕົນເອງເປັນດອກຕາເວັນ, ມີຄວາມໝັ້ນໃຈຢ່າງເດັດດ່ຽວໜຽວແໜ້ນ ເພື່ອສະແຫວງຫາຄວາມໄຝ່ຝັນ. ຍ້ອນການຂັບຮ້ອງອັນດີເດັ່ນແລະການຜະລິດອັນດີເລີດ, ແຜ່ນCD Chuncui ບໍລິສຸດ ຖືກປະກວດເປັນແຜ່ນCDດົນຕີລອກແອນໂລນທີ່ດີກວ່າໝູ່ຂອງຈີນໃນປີ 2004.
ນາງຈຽງຊີນ ປີນີ້ອາຍຸ 35 ປີ, ເກີດຢູ່ເມືອງຊີງຕາວແຂວງຊານຕຸ່ງ. ໃນເວລາອາຍຸ 6 ປີ ນາງກໍຕິດຕາມພໍ່ແມ່ມາປັກກິ່ງ. ນາງຈຽງຊີນແມ່ນເດັກນ້ອຍທີ່ຊ່າງສະແດງແລະຊ່າງຟ້ອນຊ່າງລຳ. ແຕ່ເຂົ້າໂຮງຮຽນປະຖົມຮອດມັດທະຍົມປາຍ, ນາງກໍເປັນຫຼັກແຫຼ່ງສິລະປະຂອງໂຮງຮຽນໂດຍຕະຫຼອດ. ປີ 1988, ນາງຈຽງຊີນໄດ້ເສັງເຂົ້າຂະແໜງວິຊາບັນຊີຂອງວິທະຍາຄານເສດຖະສາດປັກກິ່ງ, ແຕ່ນາງຈຽງຊີນມັກສິລະປະແລະມີນິດໄສເບີກບານບໍ່ມັກຮຽນວິຊາບັນຊີຈັກເມັດ, ສະນັ້ນ, ນາງຈິ່ງມັກດີດກິຕາຮ້ອງເພງຢູ່ຫໍພັກເລື້ອຍໆ.
ໃນໂອກາດບັງເອີນເທື່ອໜຶ່ງ, ນາງຈຽງຊີນໄດ້ຮູ້ຈັກກັບນັກຮ້ອງລອກແອນໂລນຫຼາຍຄົນ, ແລະລື້ງກັບພວກເຂົາເຈົ້າຢ່າງໄວວາ. ຍ້ອນຖືກຜົນສະທ້ອນຈາກໝູ່ເພື່ອນເຫຼົ່ານີ້, ນາງຈຽງຊີນເລີ່ມໄດ້ຟັງດົນຕີຕ່າງປະເທດສະໄໝຕ່າງໆທີ່ມີລັກສະນະຕ່າງກັນແລະລົດນິຍົມຕ່າງກັນ, ສາຍຕາຂອງນາງໄດ້ຄ່ອຍໆເປີດກວ້າງອອກ. ກໍແມ່ນໃນເວລານີ້ເອງ, ນາງຈຽງຊີນ ເກີດມີຄວາມຄຶດຢາກເຊົາຮຽນ, ໄປເຮັດວຽກດົນຕີທີ່ຕົນມັກ, ຮ້ອງເພງທີ່ຕົນມັກ, ນີ້ກໍແມ່ນຄວາມຝັນຂອງນາງຈຽງຊິນ.
ນາງຈຽງຊີນເວົ້ານຳພໍ່ແມ່ວ່າ, ເສັ້ນທາງແຫ່ງຊີວິດຂອງຕົນຕ້ອງເລືອກເອົາເອງ.
ຈີນປ່ຽນແປງໄວຫຼາຍ, ຊາວໜຸ່ມທີ່ມີອຸປະນິດໄສຈັກໜ່ອຍແລະມີຄວາມຄິດຂອງຕົນເອງບໍ່ຫ່ອນຈະເຮັດຕາມການຈັດວາງຂອງພໍ່ແມ່, ຄືພໍ່ແມ່ໃຫ້ເຈົ້າໄປທາງໃດ, ເຈົ້າກໍໄປທາງນັ້ນ, ແນ່ນອນ, ເຈົ້າຕ້ອງເລືອກເອົາເສັ້ນທາງທີ່ຕົນເອງຢາກໄປ. ຂ້ອຍກໍແມ່ນຕົວຢ່າງໜື່ງໃນຄົນເຫຼົ່ານີ້.
1 2
|
|
|
