|
ໃນປະຫວັດແຫ່ງການພັດທະນາຂອງຂະແໜງການຊອບແວຂອງຈີນ,ມີຜູ້ນຳໜ້າຜູ້ໜຶ່ງທີ່ໄດ້ສ້າງທີໜຶ່ງຫຼາຍລາຍ,ນັ້ນກໍຄືທ່ານລີວຈີ່ເຢິນ.ວິສາຫະກິດທີ່ທ່ານລິເລີ່ມສ້າງຕັ້ງຂຶ້ນນັ້ນບໍ່ພຽງແຕ່ພັດທະນາເປັນວິສາຫະກິດຜະລິດຊອບແວວິຊາສະເພາະທີ່ໃຫຍ່ກວ່າໝູ່ຂອງຈີນ,ແລະກໍແມ່ນບໍລິສັດຊອບແວ ທີ່ດຳເນີນການຮ່ວມມືສາກົນກ່ອນໝູ່,ແລະຈົດທະບຽນຢູ່ຕະຫຼາດຫຼັກຊັບກ່ອນໝູ່ຂອງຈີນ.
ທ່ານລີວຈີ່ເຢິນ
ທ່ານລີວຈີ່ເຢິນປີນີ້ອາຍຸ50ປີ.ທ່ານເປັນຄົນໃຫຍ່ສູງລ້ຳສັນ,ແລະເຕັມໄປດ້ວຍກຳລັງວັງຊາ.ປະຫວັດສ້າງສາພາລະກິດຂອງທ່ານແມ່ນເລີ່ມຕົ້ນເມື່ອ17ປີກ່ອນ.ເວລາຮຽນຢູ່ມະຫາວິທະຍາໄລ,ວິຊາສະເພາະຂອງທ່ານແມ່ນວິຊາຊອບແວຄອມພິວເຕີ.ເມື່ອທ່ານອາຍຸ32ປີ,ເພິ່ນໄດ້ກາຍເປັນດອກເຕີວິຊາປະຍຸກຄອມພິວເຕີຜູ້ທຳອິດຂອງຈີນ,ຈາກນັ້ນ1ປີ,ທ່ານໄດ້ກາຍເປັນອາຈານູຊີ້ນຳນັກສຶກສາປະລິນຍາເອກ.ທ່ານລິວຈີ່ເຢິນທີ່ເຄີຍມີຄວາມຈູບຈ້າວຫ້າວຫັນໃນການຄົ້ນຄວ້າວິທະຍາສາດເດີນໄປຕາມເສັ້ນທາງສ້າງສາວິສາຫະກິດນັ້ນແມ່ນເລື່ອງບັງເອີນ.ເມື່ອ17ປີກ່ອນ,ເພື່ອຫ້າງຫາເງິນທຶນຄົ້ນຄວ້າວິທະຍາສາດໃຫ້ແກ່ຫ້ອງຄົ້ນຄວ້າທີ່ຕົນຮັບຜິດຊອບນັ້ນ.ທ່ານລີວຈີ່ເຢິນພ້ອມກັນກັບຜູ້ຮ່ວມງານອີກ2ຄົນ,ລົງທຶນ3ໝື່ນຢວນ,ຕັ້ງບໍລິສັດຊອບແວແຫ່ງໜຶ່ງທີ່ຊື່ວ່າຕົ່ງຢວນ.ໂດຍອີງໃສ່ການອອກແບບຊອບແວປະຍຸກໃຫ້ບໍລິສັດຂ້າມຊາດຈຳນວນໜຶ່ງ,ບໍລິສັດຂອງທ່ານລີວຈີ່ເຢິນຄ່ອຍໆພັດທະນາຂຶ້ນມາ.ຄຽງຄູ່ກັບວິສາຫະກິດໄດ້ເຕີບໂຕຢ່າງບໍ່ຢຸດຢັ້ງ,ທ່ານມີຄວາມປາຖະໜານັບມື້ນັບແຮງກ້າຢາກມີເຕັກນິກແກນກາງທີ່ມີສິດຊັບສິນທາງປັນຍາທີ່ເປັນເຈົ້າຕົນເອງ.
"ຂ້າພະເຈົ້າປາຖະໜາໂອກາດທີ່ມີເຕັກນິກເປັນຂອງຕົນເອງ,ມີສິດຊັບສິນທາງປັນຍາຂອງຕົນ.ຖ້າບໍ່ມີເຕັກນິກຂອງຕົນ,ບໍ່ມີສິດຊັບສິນທາງປັນຍາຂອງຕົນ,ກໍຕ້ອງເສຍຄ່າຕອບແທນຢ່າງຫຼວງຫຼາຍ,ພ້ອມກັນນັ້ນ,ຍັງອາດຈະຖືກຜູ້ອື່ນຄວບຄຸມຈົນເທົ້າໃດໆ."
ທ່ານລີວຈີ່ເຢິນທີ່ບໍ່ພໍໃຈຕໍ່ການອອກແບບຊອບແວໃຫ້ບໍລິສັດອື່ນ,ໂດຍອີງໃສ່ເງິນທຶນແລະເຕັກນິກທີ່ທ້ອນໂຮມໃນຫຼາຍປີມານີ້,ທ່ານລີວຈີ່ເຢິນເລີ່ມລົງມືຜະລິດຊອບແວທີ່ມີຫຍີ່ຫໍ້ຊື່ດັງຂອງຕົນ.ໃນການສ້າງຫຍີ່ຫໍ້ຊື່ດັງ,ບໍລິສັດຕົ່ງຢວນບໍ່ໄດ້ກຳນົດທິດພັດທະນາຢູ່ໃນຂົງເຂດຊອບແວທີ່ໃຊ້ທົ່ວໄປ,ຫາກແມ່ນອອກແຮງພັດທະນາຊອບແວລະບົບວິຊາສະເພາະຂອງອຸດສາຫະກຳຕ່າງໆເຊັ່ນການປະກັນໄພ,ພະລັງໄຟຟ້າ,ໂທລະຄົມເປັນຕົ້ນ.ທ່ານລີວຈີ່ເຢິນບອກນັກຂ່າວວ່າ,ທ່ານວາງນະໂຍບາຍແນວນີ້,ແມ່ນຍ້ອນວ່າເມື່ອທຽບກັບບໍລິສັດຊອບແວສາກົນທີ່ມີຊື່ສຽງເຊັ່ນມາຍໂຄຼຊອບເປັນຕົ້ນ,ຕົ່ງຢວນບໍ່ມີທ່າແຮງຈັກເມັດໃນດ້ານຊອບແວໃຊ້ທົ່ວໄປ,ສ່ວນຊອບແວວິຊາສະເພາະພັດແມ່ນທ່າອ່ອນຂອງບໍລິສັດໃຫຍ່ເຫຼົ່ານີ້.ແລະຊອບແວວິຊາສະເພາະມີອະນາຄົດອັນດີງາມໃນການພັດທະນາຢູ່ຈີນ.
1 2
|
