|
|
 |
| (GMT+08:00)
2005-03-01 15:22:13
|
 |
|
ທ່ານລີວຈີ່ເຢິນ ປະທານຄະນະອຳນວຍການກຸ່ມບໍລິສັດຕົ່ງຢວນຈຳກັດ----ຜູ້ສ້າງຕັ້ງບໍລິສັດຊອບແວວິຊາສະເພາະທີ່ໃຫຍ່ກວ່າໝູ່ຂອງຈີນ(ພາບ)(ສຽງ)
cri
Author: q
ການຕົກລົງຂອງທ່ານລີວຈີ່ເຢິນໄດ້ນຳເອົາໂອກາດພັດທະນາໃໝ່ມາສູ່ບໍລິສັດຕົ່ງຢວນ.ຄືເຮັດໃຫ້ບໍລິສັດຕົ່ງຢວນກາຍເປັນຜູ້ສະໜອງຊອບແວຂອງໄຊນາຢູນິຄົມເຊິ່ງເປັນວິສາຫະກິດໂທລະຄົມທີ່ໃຫຍ່ກວ່າໝູ່ຂອງຈີນໃນທ້າຍສະຕະວັດແລ້ວນີ້.
ທ່ານອາຍໂປ່ ອະດີດຜູ້ອຳນວຍການໃຫຍ່ພະແນກຄິດໄລ່ຊຳລະບັນຊີແລະລະບົບຂໍ້ມູນຂ່າວສານຂອງໄຊນາຢູນີຄົມບອກນັກຂ່າວວ່າ: "ສິ່ງທີ່ພາໃຫ້ໄຊນາຢູນີຄົມພວກເຮົາສົນໃຈກວ່າໝູ່ຂອງບໍລິສັດຕົ່ງຢວນແມ່ນ,ຕົ່ງຢວນເຂົ້າໃຈສະພາບແຫ່ງຊາດຈີນ,ນອກນີ້,ວິສາຫະກິດຕົ່ງຢວນມີເຕັກນິກດີສົມຄວນ,ໂດຍສະເພາະແມ່ນເຕັກນິກຄຸ້ມຄອງຊອບແວ."
ການຮ່ວມມືລະຫວ່າງບໍລິສັດຕົ່ງຢວນກັບໄຊນາຢູນີຄົມໄດ້ດຳເນີນຈົນຮອດປັດຈຸບັນ,ຊູ່ມື້ນີ້,ບໍລິສັດຕົ່ງຢວນໄດ້ແບກຫາບທຸລະການຊອບແວ1/3ຂອງບໍລິສັດໄຊນາຢູນີຄົມ.ເມື່ອໄດ້ພັດທະນາມາເປັນເວລາ10ປີແລ້ວ,ບໍລິສັດຕົ່ງຢວນໄດ້ພັດທະນາເປັນວິສາຫະກິດຜະລິດຊອບແວທີ່ມີກຳມະກອນ5ພັນກວ່າຄົນ,ມູນຄ່າການຜະລິດໄດ້ລື່ນກາຍ2ຕື້ຢວນຕໍ່ປີ.
ໃນຂະນະທີ່ອອກແຮງພັດທະນາຕະຫຼາດຊອບແວນັ້ນ,ເມື່ອ9ປີກ່ອນ,ບໍລິສັດຕົ່ງຢວນໄດ້ເລັງສາຍຕາໄປໃສ່ອຸດສາຫະກຳການປິ່ນປົວແບບດີຈີຕອນທີ່ມີການພົວພັນຢ່າງແໜ້ນແຟ້ນກັບຊອບແວ.ແລະກຳນົດຈຸດໜັກໄວ້ໃນການພັດທະນາCTສະແກນເນີທີ່ມີສິດຊັບສິນທາງປັນຍາທີ່ເປັນເຈົ້າຕົນເອງ.ຕາມສະເໜີໃຫ້ຮູ້ວ່າ:ເຄື່ອງCTແມ່ນຜະລິດຕະພັນໄຮເທັກຊະນິດໜຶ່ງທີ່ເຮັດໃຫ້ຊອບແວປະສານກັນກັບເຕັກນິກກິດຈະການແພດສາດ.ກ່ອນບໍລິສັດຕົ່ງຢວນຜະລິດເຄື່ອງCTຂອງຈີນ,ຈີນຕ້ອງເສຍເງິນຫຼາຍຮ້ອຍລ້ານໂດລາສະຫະລັດຊື້ເຄື່ອງCTຈາກອາເມລິກາ,ເຢຍລະມັນແລະຍີ່ປຸ່ນຊູ່ປີ.ຍ້ອນມີຄວາມສາມາດຄົ້ນຄວ້າພັດທະນາແລະເຕັກນິກອັນແຂງແຮງ,ເມື່ອໄດ້ທຳຄວາມພະຍາຍາມເປັນເວລາຫາຍປີ,ບໍລິສັດຕົ່ງຢວນໄດ້ຄົ້ນຄວ້າຜະລິດCTສະແກນເນີທາງການແພດທີ່ມີສິດຊັບສິນທາງປັນຍາທີ່ເປັນເຈົ້າຕົນເອງຢ່າງສຳເລັດຜົນ.ນອກຈາກເຄື່ອງCTແລ້ວ,ບໍລິສັດຕົ່ງຢວນຍັງໄດ້ຄົ້ນຄວ້າຜະລິດອຸປະກອນ ປິ່ນປົວ30ຊະນິດຢ່າງສຳເລັດຜົນ,ແລະສົ່ງອອກຂາຍຢູ່ເອີລົບ,ອາເມລິກາແລະອາຊີອາຄະເນເປັນຕົ້ນ.ໂຮງໝໍຫຼາຍພັນແຫ່ງໃນໂລກໄດ້ກາຍເປັນລູກຄ້າຂອງບໍລິສັດຕົ່ງຢວນ.
ໃນຊູ່ມື້ນີ້,ບໍລິສັດຕົ່ງຢວນທີ່ນຳໂດຍທ່ານລີວຈີ່ເຢິນແມ່ນວິສາຫະກິດສະໜອງຊອບແວວິຊາສະເພາະທີ່ໃຫຍ່ກວ່າໝູ່ຂອງຈີນ,ພ້ອມກັນນັ້ນ, ຍັງແມ່ນໜຶ່ງໃນແຫຼ່ງຂາອອກຊອບແວທີ່ໃຫຍ່ກວ່າໝູ່ຂອງຈີນ,ເຊິ່ງໄດ້ກວມຖານະອັນແນ່ນອນໃນຂະແໜງການຊອບແວໂລກ.ໂດຍປະສົບຜົນງານໃນຊູ່ມື້ນີ້,ທ່ານລີວຈີ່ເຢິນເຫັນວ່າ,ຄວາມສຳເລັດຂອງບໍລິສັດຕົ່ງຢວນແມ່ນໄດ້ມາຍ້ອນ ພວກເຂົາເຈົ້າໄດ້ສະແຫວງຫາເຕັກນິກແກນກາງທີ່ມີສິດຊັບສິນທາງປັນຍາທີ່ເປັນເຈົ້າຕົນເອງນັ້ນຢ່າງບໍ່ລົດລະ.ທ່ານເວົ້າວ່າ:
"ທີ່ຈິ່ງແລ້ວ,ຢູ່ເບື້ອງຫຼັງຜົນສຳເລັດຂອງບໍລິສັດຕົ່ງຢວນກໍແມ່ນອັນທີ່ວ່າກຳ ລັງແກ່ງແຍ່ງແກນກາງ,ນັ້ນກໍຄືພວກເຮົາມີຄວາມຮູ້ຂອງຕົນ.ຄວາມຮູ້ແນວນີ້ແມ່ນຍາກທີ່ຈະຊອກໄດ້ຈາກປຶ້ມໜັງສື,ແລະກໍຍາກທີ່ຈະເຫັນໄດ້ຈາກບົດວິທະຍານິພົນຂອງຜູ້ອື່ນ.ມີແຕ່ດຳເນີນການຊອກຄົ້ນຢ່າງບໍ່ຢຸດຢັ້ງ,ທັງຕ້ອງເສຍເວລາແລະລົງທຶນ,ຈິ່ງມີຄວາມສາມາດທີ່ແກ່ງແຍ່ງ ກັບຜູ້ອື່ນ ຢ່າງແທ້ຈິງໄດ້.
1 2
|
|
|
