|
|
 |
| (GMT+08:00)
2005-03-01 17:20:43
|
 |
|
ອີຣັກປະສົບການລະເບີດຮ້າຍແຮງແບບນອງເລືອດອີກເທື່ອໜຶ່ງ(ພາບ)
cri
Author: MO
ຮ່ອງຮອຍຕ່າງໆສະແດງໃຫ້ເຫັນວ່າ, ສະຖານະການຄວາມປອດໄພຂອງອີຣັກຍັງຄົງຂ້ຽວຂາດຢູ່. ວັນທີ 28 ກຸມພາ, ທະຫານອາເມລິກາປະຈຳອີຣັກອອກຖະແຫລງການກ່າວວ່າ, ຕອນຄ່ຳວັນທີ 27 ກຸມພາ, ທະຫານອາເມລິກາຜູ້ໜຶ່ງຖືກຫລອນໂຈມຕີເສຍຊີວິດຢູ່ບ່ອນກວດກາຄົມມະນາຄົມແຫ່ງໜຶ່ງຂອງແບກແດດ. ຕາມສະຖິຕິ, ແຕ່ສົງຄາມອີຣັກປີ 2003 ເປັນຕົ້ນມາ, ໄດ້ມີທະຫານອາເມລິກາປະມານ 1500 ຄົນເສຍຊີວິດຢູ່ອີຣັກ. ມື້ດຽວກັນ, ຢູ່ເມືອງມູໄຊອີບ ທີ່ຫ່າງຈາກເມືອງຮີລາໄປທາງທິດເໜືອປະມານ 30 ກິໂລແມັດນັ້ນກໍໄດ້ເກີດເຫດການຫລອນໂຈມຕີດ້ວຍລະເບີດລົດຍົນທີ່ແນໃສ່ບ່ອນກວດກາຂອງຕຳຫລວດ, ຢ່າງໜ້ອຍເຮັດໃຫ້ຕຳຫລວດ 1 ຄົນເສຍຊີວິດ, ຫລາຍຄົນບາດເຈັບ.
ການລະເບີດຢູ່ເມືອງຮີລາແມ່ນເກີດຂຶ້ນໃນໂອກາດລັດຖະບານຂ້າມຜ່ານຂອງອີຣັກໃກ້ຈະສ້າງຕັ້ງຂຶ້ນ. ບຸກຄຸນວິເຄາະເຫັນວ່າ, ພາຍຫລັງອີຣັກຈັດການເລືອກຕັ້ງທົ່ວໄປຢ່າງສຳເລັດຜົນແລ້ວ, ຢູ່ແຫ່ງຕ່າງໆຂອງອີຣັກ, ກຳລັງປະກອບອາວຸດຕ້ານອາເມລິກາໄດ້ຫລອນໂຈມຕີທະຫານອາເມລິກາປະຈຳອີຣັກ ທະຫານຕຳຫລວດອີຣັກ ເຈົ້າໜ້າທີ່ລັດຖະບານ ແລະສາມັນຊົນອີຣັກທີ່ເຮັດວຽກໃຫ້ລັດຖະບານນັ້ນຢ່າງເນື່ອງນິດ, ພວກເຂົາເຈົ້າບໍ່ຍອມຖ້າຕາຍໃນການອ້ອມປາບຂອງທະຫານປະສົມອາເມລິກາອີຣັກ, ຍິ່ງໄປກວ່ານັ້ນແມ່ນເພື່ອຂັດຂວາງຂະບວນວິວັດສ້າງສາອີຣັກຄືນໃໝ່. ບຸກຄົນວິເຄາະຄາດຄະເນວ່າ, ກຳລັງປະກອບອາວຸດຕ້ານອາເມລິກາຂອງອີຣັກອາດຈະກໍ່ການຫລອນໂຈມຕີຢ່າງຮຸນແຮງກວ່າເກົ່າໃນໄລຍະໄວໆນີ້.
ແຕ່ຫາງສຽງອາລັບຊີ້ອອກວ່າ, ບໍ່ວ່າການຫລອນໂຈມຕີຮຸນແຮງປານໃດ, ຂະບວນການສ້າງສາອີຣັກຄືນໃໝ່ແມ່ນຂັດຂວາງໄວ້ບໍ່ໄດ້, ຄວາມຕັດສິນໃຈຂອງປະຊາຊົນອີຣັກທີ່ຈະບັນລຸຄວາມປອດໄພແລະສັນຕິພາບນັ້ນແມ່ນຫວັ່ນໄຫວຄອນແຄນບໍ່ໄດ້. ການເລືອກຕັ້ງທົ່ວໄປຂອງອີຣັກໄດ້ຈັດຂຶ້ນຢ່າງສຳເລັດຜົນນັ້ນໄດ້ສະແດງໃຫ້ເຫັນວ່າ, ຢູ່ອີຣັກ, ປະຊາຊົນຢາກມີຄວາມສະຫງົບສຸກ, ພວກເຂົາເຈົ້າມີຄວາມປາຖະໜາຢ່າງແຮງກ້າຢາກມີຄວາມປອດໄພແລະສະຖຽນລະພາບ.
1 2 3 4 5
|
|
|
