 ທີ່ທ່ານພວມຟັງຢູ່ນີ້ແມ່ນເພງJiuzhaiqingyuan ຄວາມຮັກບ້ານຈິວຈ້າຍ ຊື່ງແມ່ນທ້າວຢົງຈົ່ງເອີຈາເປັນຜູ້ແຕ່ງແລະຂັບຮ້ອງ. ທ້າວຢົງຈົ່ງເອີຈາເວົ້າວ່າ, ລາວໄປບ້ານຈິວຈ້າຍເທື່ອໃດກໍມີຄວາມຮູ້ສຶກຫລາຍຢ່າງແລະມີອໍ້ດົນຕີດົນໃຈເທື່ອນັ້ນ, ຄືເພງບ້ານຈີວຈ້າຍທີ່ງາມອັດສະຈັນ ກັບເພງຄວາມຮັກບ້ານຈິວຈ້າຍເປັນຕົ້ນລ້ວນແຕ່ແມ່ນແຕ່ງເພື່ອບ້ານຈິວຈ້າຍ. ທ້າວຢົງຈົ່ງເອີຈາເວົ້າວ່າ, ບ້ານຈິວຈ້າຍແມ່ນບ້ານເກີດຂອງລາວ, ລາວຍິນດີຕັ້ງພູມລຳເນົາຢູ່ແຫ່ງນັ້ນຈົນເທົ່າໃດໆ, ສັນລະເສີນບ້ານເກີດເມືອງນອນດ້ວຍສຽງເພງຂອງຕົນ.
ເຮັດໃຫ້ດົນຕີເຜົ່າຕິເບດກາຍເປັນດົນຕີສະໄໝແລະດົນຕີຂອງໂລກແມ່ນຄວາມປາຖະໜາຂອງທ້າວຢົງຈົ່ງເອີຈາຕະຫລອດມາ. ແຕ່ປີ 1994 ເປັນຕົ້ນມາ, ທ້າວຢົງຈົ່ງເອີຈາລົງໄດ້ໄປເກັບກຳເພງພື້ນເມືອງ, ຮຽນເອົາວິທີຂັບຮ້ອງເພງພື້ນເມືອງເຜົ່າຕິເບດ, ແລະໄດ້ເກັບໂຮມເອົາເພງພື້ນເມືອງຕິເບດເປັນຈຳນວນຫລວງຫລາຍ, ອັນໄດ້ສ້າງພື້ນຖານອັນໜາແໜ້ນໃຫ້ແກ່ການແຕ່ງເພງໃນພາຍໜ້າ. ທ້າວຢົງຈົ່ງເອີຈາກ່າວວ່າ, ລາວບໍ່ພຽງແຕ່ຈະຮ້ອງເພງພື້ນເມືອງດ້ວຍພາສາຊົນເຜົ່າຂອງຕົນແລະດ້ວຍວິທີຂັບຮ້ອງແບບພື້ນເມືອງອ້ອຍຕ້ອຍທໍ່ນັ້ນ, ຫາກຍັງຈະໃຊ້ວິທີແຕ່ງຂອງດົນຕີທັນສະໄໝ, ເຜີຍແຜ່ວັດທະນະທຳດົນຕີອັນອຸດົມສົມບູນຂອງເຜົ່າຕິເບດໄປແຫ່ງຕ່າງໆໃນໂລກນຳອີກ. 
ທ້າຍປີ 2003, ທ້າວຢົງຈົ່ງເອີຈາໄດ້ນຳອອກຈຳໜ່າຍແຜ່ນCDສ່ວນຕົວແຜ່ນທີ 6 ທີ່ໃຫ້ຊື່ວ່າ:Amiluoluo ອາມີໂລໂລ, ໃນCDແຜ່ນນີ້, ທ້າວຢົງຈົ່ງເອີຈາໄດ້ແຕ່ງເພງ 5 ເພງ. ໃນການຂັບຮ້ອງເຕັມໄປດ້ວຍເອກະລັກພິເສດຂອງຊົນເຜົ່າ, ທັງມີລົດນິຍົມຂອງດົນຕີສະໄໝຫລາຍກວ່າເກົ່າ, ເຮັດໃຫ້CDແຜ່ນນີ້ນິຍົມກັນຫລາຍ.
ເພງທີ່ທ່ານພວມຟັງຢູ່ນີ້ແມ່ນເພງອາມີໂລໂລ."ອາມີໂລໂລ"ແມ່ນພາສາຕິເບດ, ມີຄວາມໝາຍວ່າ"ລູກແກ້ວຂອງແມ່". ເພງນີ້ແມ່ນທ້າວຢົງຈົ່ງເອີຈາແຕ່ງເພື່ອເມຍແລະລູກສາວໂດຍຈຳເພາະ. ໃນMTVເພງນີ້, ທ້າວຢົງຈົ່ງເອີຈາກັບເມຍ ລູກແລະແມ່ໄດ້ສະແດງນຳກັນ, ປ່ຽມລົ້ນໄປດ້ວຍຄວາມຮັກຂອງຄອບຄົວ.
ມ້ວນທ້າຍລາຍການມື້ນີ້, ພວກເຮົາຂໍສະເໜີເພງJixiangyao ແປວ່າເພງສິລິມຸງຄຸນ ຂັບຮ້ອງໂດຍທ້າວຢົງຈົ່ງເອີຈາ. ນີ້ແມ່ນເພງສົ່ງພອນສິລິມຸງຄຸນ. ເນື້ອເພງຮ້ອງວ່າ: ດອກບົວຫິມະງາມປານຢົກ, ນ້ຳຫິມະຫວານດັ່ງນ້ຳເຜີ້ງ, ຂໍມອບຜ້າຮາດາທີ່ຂາວສະອາດໃຫ້ເຈົ້າ. ຂໍໃຫ້ເຈົ້າຈົ່ງມ່ວນຊື່ນ, ຂໍໃຫ້ຄວາມສຸກຈົ່ງຢູ່ຄຽງຂ້າງເຈົ້າຕະຫລອດໄປ!
1 2
|
