|
|
 |
| (GMT+08:00)
2005-03-09 15:27:19
|
 |
|
[ນາງຕ່າວເມລານ]
cri
Author: mo
|
ທ່ານນາງຕ່າວເມລານ ນົກຍຸງຄຳຂອງເຜົ່າລື້ທີ່ບີນມາຈາກແຄມແມ່ນ້ຳລ້ານຊ້າງ ຜູ້ແທນສະພາປະຊາຊົນແຫ່ງຊາດຈີນສະໄໝທີ 10
ເວົ້າສຳລັບຊາວຈີນທັງຫລາຍແລ້ວ, ດົນຕີຟ້ອນມະຫາກາບປະຫວັດສາດ"ບົວລະພາແດງ"ໃນຊຸມປີ 60 ແມ່ນລາຍການສິລະປະກຳທີ່ດີເລີດໃນສະຕະວັດທີ 20. ໃນລາຍການສະແດງດັ່ງກ່າວ, ມີສິລະປິນຍອດຢ້ຽມຕ່າງໆຂອງຈີນໃນເວລານັ້ນມາເຕົ້າໂຮມກັນ ຟ້ອນຢ່າງສວຍງາມຢູ່ໜ້າຫໍທຽນອານເມີນ, ໃນຄາວນັ້ນ, ມີສາວໄທລື້ຜູ້ໜຶ່ງທີ່ງາມຄ່ຽມຄົມ, ແຕ່ເຕັມໄປດ້ວຍຄວາມກະຕືລືລົ້ນໄດ້ປະຈັກຕາຄົນທັງຫລາຍ, ເຮັດໃຫ້ຄົນທັງຫລາຍຮູ້ສຶກວ່າ ນີ້ແຫຼະ ແມ່ນ"ຄວາມງາມ". ຜູ້ສາວທີ່ສວຍງາມຜູ້ນີ້ກໍແມ່ນນາງຕ່າວເມລານ ນັກຟ້ອນເຜົ່າລື້ຜູ້ທຳອິດຂອງຈີນ.
ການເຂົ້າຮ່ວມການສະແດງໃນເລື່ອງ"ບົວລະພາແດງ"ກໍໄດ້ຈົ່ງຄວາມຊົງຈຳທີ່ບໍ່ລືມຈັກເທື່ອໃຫ້ນາງຕ່າວເມລານ ທີ່ອາຍຸພຽງ 20 ປີປາຍໃນຄາວນັ້ນ. "ນີ້ແມ່ນຊັບສິນໃນຕະຫລອດຊີວິດຂອງຂ້າພະເຈົ້າ, ຂ້າພະເຈົ້າບໍ່ລືມຈັກເທື່ອ, ແລະຮູ້ສຶກມີຄວາມສຸກຫລາຍ."
ທ່ານນາງຕ່າວເມລານເກີດຢູ່ສິບສອງພັ່ນນາທີ່ມີທິວທັດງາມປານແຕ້ມ. ເທິງດິນແດນທີ່ງາມອັດສະຈັນແຫ່ງນີ້, ວັດທະນະທຳເຜົ່າໄທລື້ອັນເຂັ້ມຂຸ້ນໄດ້ເຮັດໃຫ້ນາງສາວເຜົ່າໄທລື້ທີ່ບໍ່ເຄີຍຮຽນຢູ່ໂຮງຮຽນຈັກເທື່ອຜູ້ນີ້ນຳເອົາສິລະປະທີ່ງາມ ບໍລິສຸດ ທຳມະຊາດ ແລະອ່ອນຫວານ ຍ່າງອອກຈາກເຮືອນຍົກພື້ນໄປສະແດງຢູ່ທົ່ວປະເທດຈີນ, ຈົນເຖິງມະຫາເວທີຂອງໂລກ. ຢູ່ຕໍ່ໜ້າຊາວຈີນທົ່ວປະເທດ, ນາງໄດ້ສະແດງໃຫ້ເຫັນສິສັນພິເສດຂອງເຜົ່າໄທລື້, ຢູ່ຕໍ່ໜ້າຊາວໂລກ, ນາງໄດ້ຟ້ອນເພື່ອປະເທດຊາດຂອງຕົນ. ການຟ້ອນໄດ້ກາຍເປັນພາກສ່ວນໜຶ່ງທີ່ຂາດບໍ່ໄດ້ໃນຊີວິດຂອງນາງ.
"ເວົ້າສຳລັບຂ້າພະເຈົ້າແລ້ວ, ການຟ້ອນແມ່ນມິ່ງຂວັນຂອງຊົນເຜົ່າ, ແມ່ນຈິດໃຈຂອງປະຊາຊາດຈີນ. ພວກເຮົາຕ້ອງນຳເອົາຄວາມງາມແລະຄວາມບໍລີສຸດຜຸດຜ່ອງທີ່ເປັນຂອງປະຊາຊົນນັ້ນໄປສະແດງຢູ່ບົນເວທີ."
1 2
|
|
|
