|
ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນທີ່ຈັດຂຶ້ນຢູ່ປັກກິ່ງໄດ້ອັດລົງແລ້ວໃນວັນທີ14ມີນາ.ຕອນເຊົ້າວັນທີ9ມີນາ,ໃນເວລາລາຍງານວຽກງານຄະນະປະຈຳສະພາປະຊາຊົນແຫ່ງຊາດຕໍ່ກອງປະຊຸມສະພາປະຊາຊົນແຫ່ງຊາດຈີນຄັ້ງທີ3ສະໄໝທີ10,ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ,ໃນ1ປີທີ່ຜ່ານມາ,ແມ່ນປີໜຶ່ງທີ່ວຽກງານຂອງສະພາປະຊາຊົນແຫ່ງຊາດຈີນພ້ອມດ້ວຍຄະນະປະຈຳສະພາໄດ້ມີການຄືບໜ້າອັນສຳຄັນ.ໃນນາມເປັນການຕາບຈູນແຫ່ງນິຕິບັນຍັດຂອງລັດ,ໃນຫຼາຍປີມໍ່ໆມານີ້,ການສ້າງກົດໝາຍທ້ອງຖິ່ນໄດ້ສະໜອງສິ່ງຄ້ຳປະກັນທາງກົດໝາຍໃຫ້ແກ່ການພັດທະນາເສດຖະກິດສັງຄົມແຫ່ງຕ່າງໆຂອງຈີນ.
ລະບອບສະພາ ປະຊາຊົນແມ່ນລະບອບການເມືອງກົກຮາກຂອງຈີນ,ໃນ1ປີຜ່ານມາ,ຄະນະປະຈຳສະພາປະຊາຊົນແຫ່ງຊາດຈີນໄດ້ສຳຫຼວດພິຈາລະນາຮ່າງກົດໝາຍ,ຄຳອະທິບາຍກົດໝາຍແລະຂໍ້ຕົກລົງກ່ຽວກັບບັນຫາກົດໝາຍລວມ33ສະບັບ,ໃນນັ້ນ,ໄດ້ຜ່ານ25ສະບັບ.ໃນນາມເປັນການຕາບຈູນແຫ່ງນິຕິບັນຍັດຂອງລັດ,ໃນການສ້າງກົດໝາຍທ້ອງຖິ່ນໃນຫຼາຍປີມໍ່ໆມານີ້,ສະພາປະຊາຊົນທ້ອງຖິ່ນຕ່າງໆຂອງຈີນກໍໄດ້ສ້າງກົດໝາຍກົດບັນຍັດທີ່ຕ່າງມີເອກະລັກພິເສດຂອງໃຜລາວເປັນຈຳນວນຫຼາຍສົມຄວນ.
ທ່ານນີວຊາວຢາວ ຮອງປະທານຄະນະປະຈຳສະພາປະຊາຊົນແຂວງຢຸນນານ ທາງພາກຕາເວັນຕົກສຽງໃຕ້ຂອງຈີນກ່າວວ່າ:"ນິຕິບັນຍັດທ້ອງຖິ່ນແມ່ນພາລະໜ້າທີ່ສຳຄັນລາຍໜຶ່ງຂອງສະພາປະຊາຊົນທີ່ລະບຸໄວ້ໃນກົດໝາຍ.ແຂວງຢຸນນານແມ່ນແຂວງທີ່ມີຫຼາຍຊົນເຜົ່າສ່ວນໜ້ອຍ,ຕໍ່ແດນກັບປະເທດອາຊຽນຈຳນວນໜຶ່ງ,ເສດຖະກິດຂ້ອນຂ້າງຫຼ້າຫຼັງໂດຍທຽບຖານ.ກົດບັນຍັດທ້ອງຖິ່ນທີ່ພວກເຮົາວາງອອກນັ້ນຕົ້ນຕໍໄດ້ພິຈາລະນາວ່າຕ້ອງໝູນອ້ອມສີສັນພິເສດຂອງທ້ອງຖິ່ນ,ສອດຄ່ອງກັບສະພາບຕົວຈິງຂອງແຂວງຢຸນນານ,ສາມາດເຮັດໃຫ້ລະບຽບການສັງຄົມເປັນແບບສະບັບຢ່າງບັງເກີດຜົນ,ແລະສາມາດຮັບໃຊ້ພາກສ່ວນໃຫຍ່ແຫ່ງການສ້າງສາເສດຖະກິດຕື່ມອີກ."
ແຕ່ປີ2003ຮອດປີ2004,ສະພາປະຊາຊົນແຂວງຢຸນນານໄດ້ສ້າງແລະອະນຸມັດກົດບັນຍັດທ້ອງຖີ່ນ14ສະບັບ,ດັດແກ້4ສະບັບ,ອະນຸມັດກົດຂໍ້ກຳນົດສະເພາະສຳລັບເຂດຊົນເຜົ່າ3ສະບັບ.ໃນເວລາສ້າງກົດໝາຍ,ໄດ້ຮັກສາປະລິມານອັນເໝາະສົມ,ພ້ອມທັງໄດ້ຖືການຍົກສູງຄຸນນະພາບນິຕິບັນຍັດເປັນຫົວຂໍ້ສຳຄັນ.ທ່ານນີວຊາວຢາວ ຮອງປະທານຄະນະປະຈຳສະພາປະຊາຊົນແຂວງຢຸນນານເວົ້າວ່າ:
"ໃນການຊອກຄົ້ນມາເປັນເວລາ2ປີກວ່າ,ເພື່ອຍົກຄຸນນະພາບນິຕິບັນຍັດໃຫ້ສູງຂຶ້ນ,ສະພາປະຊາຊົນທ້ອງຖິ່ນພວກເຮົາໄດ້ດຳເນີນການເຄື່ອນໄຫວທົບທວນຄືນການສ້າງກົດໝາຍ,ສະຫຼຸບຖອດຖອນບົດຮຽນແລະຊອກຫາຈຸດອ່ອນຈາກກົດບັນຍັດທີ່ວາງອອກໃນເມື່ອກ່ອນ,ເພື່ອສະໜອງບົດຮຽນໃຫ້ແກ່ການປັບປຸງວຽກງານນິຕິບັນຍັດ."
ທ່ານນີວຊາວຢາວສະເໜີໃຫ້ຮູ້ວ່າ,ເພື່ອເປີດກວ້າງຊ່ອງທາງນິຕິບັນຍັດ,ທະແນມແຕ່ແມ່ນໂຄງການນິຕິບັນຍັດທີ່ໄດ້ຈັດເຂົ້າໃນແຜນການປະຈຳປີຂອງສະພາປະຊາຊົນແຂວງຢຸນນານ,ຕ້ອງພິມລົງໜັງສືພິມແລະປະກາດເທິງເວບໄຊ,ເພື່ອຂໍຄວາມເຫັນນຳສັງຄົມ,ແລະດຳເນີນການປະກວດ ແລະໃຫ້ລາງວັນແກ່ໂຄງການນິຕິບັນຍັດແລະຮ່າງກົດບັນຍັດທີ່ປະກາດຂໍຄວາມເຫັນຢ່າງເປີດເຜີຍ,ໄດ້ເສີມສ້າງນິຕິບັນຍັດແບບປະຊາທິປະໄຕແລະນິຕິບັນຍັດຢ່າງເປີດເຜີຍ.ມາດຕະການເຫຼົ່ານີ້ໄດ້ສະໜອງສິ່ງຮັບປະກັນໃຫ້ແກ່ການຍົກຄຸນນະພາບນິຕິບັນຍັດໃຫ້ສູງຂຶ້ນຢ່າງແທ້ຈິງ.ໂດຍພິຈາລະນາເຖິງແຂວງຢຸນນານເຊິ່ງເປັນແຂວງຊາຍແດນທີ່ມີຫຼາຍຊົນເຜົ່າ,ການສ້າງກົດໝາຍຊົນເຜົ່າແມ່ນສຳຄັນທີ່ສຸດ.ຄະນະປະຈຳສະພາປະຊາຊົນແຂວງຢຸນນານໄດ້ຜ່ານແລະປະຕິບັດວິທີປະຕິບັດກົດໝາຍວ່າດ້ວຍເຂດຊົນເຜົ່າປົກຄອງຕົນເອງສ.ປ.ຈີນຂອງແຂວງຢຸນນານ.ໂດຍແນໃສ່ສະພາບຕົວຈິງທີ່ສະຖານະການເປັນພະຍາດໂຣກເອດສ໌ຢູ່ແຂວງຢຸນນານຂ້ຽວຂາດສົມຄວນ,ແຂວງຢຸນນານໄດ້ນຳອອກແລະປະຕິບັດວິທີປ້ອງກັນແລະປິ່ນປົວໂຣກເອດສ໌ແຂວງຢຸນນານ.ພາຍໃຕ້ປະຖົມປັດໃຈທີ່ຍຶດໝັ້ນເປັນເອກະພາບກັນກັບລະບອບກົດໝາຍຂອງລັດ,ກົດບັນຍັດທ້ອງຖິ່ນເຫຼົ່ານີ້ໄດ້ສ່ອງແສງໃຫ້ເຫັນຢ່າງເຕັມສ່ວນເຖິງສີສັນພິເສດຂອງທ້ອງຖີ່ນ.
ໃນຂະນະດຽວກັນ,ໃນຫຼາຍປີມໍ່ໆມານີ້,ສະພາປະຊາຊົນແຫ່ງຕ່າງໆຂອງຈີນກໍໄດ້ຕັ້ງໜ້າຊອກຄົ້ນໃນດ້ານຂອບເຂດສ້າງກົດໝາຍທ້ອງຖິ່ນ.ນອກຈາກຂໍ້ກຳນົດທີ່ມີຢູ່ໃນກົດໝາຍຂອງລັດ,ຕ້ອງການອີງຕາມສະພາບຕົວຈິງຂອງທ້ອງຖິ່ນ,ສ້າງກົດບັນຍັດລັກສະນະປະຕິບັດແລະລັກສະນະເພີ່ມເຕີບແລ້ວ,ຍັງໄດ້ສ້າງກົດໝາຍທີ່ລັດຍັງບໍ່ທັນໄດ້ນິຕິບັນຍັດນັ້ນຢ່າງເປັນເຈົ້າຕົນເອງ.
1 2
|
