|
|
 |
| (GMT+08:00)
2005-03-17 09:12:18
|
 |
|
[ທ່ານໂຫວຢ້າວເວີນ]
cri
Author: mo
|
ທ່ານໂຫວຢ້າວເວີນແມ່ນສິນລະປິນເວົ້າຕະຫຼົກທີ່ມີຊື່ສຽງຂອງຈີນ, ທ່ານບໍ່ພຽງແຕ່ເວົ້າຕະຫຼົກໄດ້ດີທໍ່ນັ້ນ, ການສະແດງລະຄອນກ້ອມ, ຮູບເງົາແລະເລື່ອງໂທລະພາບກໍສະແດງໄດ້ດີຄືກັນ, ໄດ້ຮັບຄວາມນິຍົມຊົມເຊີຍຫລາຍຈາກໄທເມືອງຈີນ. ມື້ນີ້, ຂ້າພະເຈົ້າຂໍແນະນຳທ່ານໂຫວຢ້າວເວີນສູ່ຟັງ.
ການເວົ້າຕະຫຼົກແມ່ນຮູບການສິລະປະດັ້ງເດີມພິເສດຂອງຈີນ, ມີປະຫວັດເກືອບ 2 ຮ້ອຍປີແລ້ວ, ທຳອິດ, ແມ່ນສິນລະປີນພື້ນເມືອງແຕ່ງກັບປາກແລະສືບເລົ່າກັນມາຈົນຮອດປະຈຸບັນ. ຜູ້ສະແດງໄດ້ໃຊ້ຄວາມເວົ້າອັນມີໄຫວພິບ, ຫລັກແຫລມແລະຕະຫຼົກຂົກຂັນຫຼືສຽດສີປະກົດການບໍ່ດີຈຳນວນໜຶ່ງໃນສັງຄົມ, ເພື່ອຊວນຫົວ, ພາໃຫ້ຜູ້ຊົມມ່ວນຊື່ນ.
ພໍ່ຂອງທ່ານໂຫວຢ້າວເວີນແມ່ນທ່ານໂຫວປາວລີນ ນັກເວົ້າຕະຫຼົກທີ່ມີຊື່ສຽງຂອງຈີນ. ແຕ່ໃນຍາມຍັງນ້ອຍ, ທ່ານໂຫວຢ້າວເວີນພັດບໍ່ມັກສິລະປະເວົ້າຕະຫຼົກ, ບາງທີຈົນເຖິງໜ່າຍຊັງ. ເປັນຫຍັງຈຶ່ງເປັນແນວນັ້ນ? ເພາະວ່າທ່ານໂຫວຢ້າວເວີນຮູ້ສຶກວ່າ, ສິລະປະເວົ້າຕະຫຼົກໄດ້ຍາດເອົາຄວາມຮັກຂອງພໍ່ທີ່ມີຕໍ່ລາວໄປ. ໃນຄວາມຊົງຈຳຂອງທ່ານ, ພໍ່ໄດ້ໃຊ້ເວລາທັງ ໝົດເຂົ້າໃນສິລະປະເວົ້າຕະຫຼົກ, ພໍ່ບໍ່ເຄີຍພາທ່ານໄປເລາະຮ້ານຄ້າຫລືໄປເບິ່ງຮູບເງົາຈັກເທື່ອ, ແລະກໍບໍ່ເຄີຍເອົາໃຈໃສ່ນຳຊີວິດການເປັນຢູ່ແລະການຮຽນຂອງທ່ານຈັກເທື່ອ. ທ່ານໂຫວຢ້າວເວີນເຫັນວ່າ, ພໍ່ບໍ່ສົມເປັນພໍ່, ທ່ານຮູ້ສຶກວ່າ, ແມ່ນການເວົ້າຕະຫຼົກເຮັດໃຫ້ພໍ່ກັບທ່ານເຫີນຫ່າງກັນ. ດຽວນີ້, ທ່ານໂຫວຢ້າວເວີນທີ່ມີຊື່ລືນາມແລ້ວ ໄດ້ຕີລາຄາຕໍ່ພໍ່ຂອງຕົນວ່າ:
ຖ້າເວົ້າໃນດ້ານສິລະປະປະເພດດຽວກັນແລ້ວ, ພໍ່ແມ່ນຜູ້ທີ່ຂ້າພະເຈົ້າເຄົາລົບບູຊາທີ່ສຸດ, ແມ່ນເປົ້າໝາຍທີ່ຂ້າພະເຈົ້າບາກບັ່ນສູ້ຊົນຕະຫຼອດຊີວິດ. ແຕ່ຖ້າເວົ້າໃນຖານະເປັນລູກຊາຍແລ້ວ, ຂ້າພະເຈົ້າຄຽດພໍ່ທີ່ສຸດ, ຈົນບໍ່ມີອັນຈະປຽບ. ແຕ່ມາຮອດປັດຈຸບັນ, ຂ້າພະເຈົ້າຈຶ່ງເຂົ້າໃຈວ່າ, ເປັນຫຍັງເພີ່ນຈຶ່ງເຮັດຈັ່ງຊັ້ນ.
1 2 3
|
|
|
